عاشقه الشيكولاته ❤️🍫

بارت 3

عاشقه الشيكولاته
الجزء الثالث
ملك بخضه شديده: مييين
الشخص: نعم يا روح امك مش عارفانى وقعتك سوداء
ملك تنظر سريعا لشاشه التليفون ثم ترد قائله: ايه يا نونه فى حد يصحي حد كده
نغم: اومال اصحيكي ازاى ده انتى قتيله
ملك: طيب سيبيني شويه وهاصحي
نغم: انتى عارفه الساعه كام يا هانم
ملك: كام يا ستى
نغم: 10.30
ملك بصراخ: نعم
نغم: شوفتى نايمه بقالك قد ايه
ملك: طيب اقفلى بسرعه يلا
نغم: طب اوعى تنامى تانى
ملك: حاضر هاصلى. وانزل على طول
نغم: ماشي سلام
نهضت ملك سريعا وتوضأت وادت فروضها. ثم غيرت ملابسها الى بنطلون اسود وعليه تيشرت اسود ايضا فهو لونها المفضل بعد البني وذلك لعشقها للشيكولاتة
ولفت حجابها جيدا والذى باللون الازرق الفاتح الذى يناسب لون عيونها جيدا ثم نزلت الى الاسفل لتجد جدها جالس يتحدث مع والدها وسيف وادهم لتصرخ وتقول: كيمووووووو حبيب قلبي ثم تقوم باحتضانه بشده ليقول
كمال: وحشتيني مووت يا قلب جدك كل ده نوم
ملك: كنت تعبانه من السفر
كمال: طيب نفسك اخباره ايه
ملك: صدقنى كويسه المهم انت اخدت دواك ولا لسه
كمال: هاقوم اخده اهوه
ملك: طب يلا علشان اديهولك وتنام
كمال: طيب ملحقتش اقعد معاكى
ملك: هو انا هطير انا معاك اهوه بس لازم تاخد دواك وترتاح كويس يلا بلاش دلع
كمال باستسلام : حاضر يا ستى يلا بينا
ملك: يلا يا حبيبي
فضحك الجميع وكذلك ادهم ابتسم ابتسامه صغيرة ثم افاق من شروده واخفاها وقام واقفا ليقول: تصبحوا على خير بقي
الجميع: وانت من اهله
صعد ادهم الى غرفته و استحم ونام على سريره واضعا يده خلف راسه يفكر فى ملك ثم قال ايه يا ادهم انت نسيت كلهم واحد اوعى تنسي كلهم نفس الصنف كلهم زى بعض ثم اغمض عينيه بغضب واستسلم الى سلطان النوم
ملك: عمتو صفاء وحشانى مووت
فاحتضنتها صفاء قائله: انتى اكتر يا موكا
ملك: بجد كلكم وحشتونى حتى نغم الكلبه مع انى بشوفها فى الشغل
نغم: كلبه فى عينك
صفاء: جرى ايه اللى يشوفكم يقول مولودين فوق روس بعض
ملك ونغم: اه
صفاء: طب براحتكم انا هروح ارتاح بقي تصبحوا على خير
جمال وروضه: واحنا كمان يلا تصبحوا على خير
سيف: ملك خلى بالك مم نفسك ثم قال يا دى النيله
ملك: فى ايه
سيف : البخاخه فى العربيه
ملك: طيب عادى هاروح اجيبها
سيف: لا خليكي. هاروح اجيبهالك
ملك: لا انا هاروح يلا انت اطلع نام استريح من السفر
سيف: ‏عندك حق انا هطلع انام علشان تعبت جدا من السفر وصحيح ريتاج نامت من شويه علشان متدوريش عليها ماشى
ملك: والله كنت لسه هسالك عليها
سيف: طبعا بحس بيك يا قمر يلا تصبحوا على خير ثم نظر الى نغم وقال: نغم تصبحي على حاجه حلوة زيك وصعد سريعا الى غرفته
نغم بخجل شديد نظرت الى ملك وقالت: هو ايه الى هو قاله ده
ملك: اتجوزوا بقي وارحمونا
نغم: بس لمى نفسك
ملك: طيب هنعمل ايه مفيش غيرنا صاحى هنعمل ايه
نغم: هاطلع اشغل فيلم رعب ونعمل فشار ونقضيها ايه رايك
ملك: طيب هاروح اجيب البخاخه من العربيه واجى على طول
نغم : طيب متتاخريش
ملك: اوك
ذهبت نغم الى اعداد الفشار وذهبت ملك الى سيارة اخيها لاحضار البخاخه فوجدت السيارة مغلقه فتذكرت انها معها مفتاح اضافى لكن فى غرفتها صعدت الى غرفتها لاحضاره بينما ادهم الذى استيقظ على صوت هاتفه ليجده ادم صديقه فيرد قائلا
ادهم : ايه يا زفت
ادم: نفسي مرة تقولى ايه يا حبيبي
ادهم: بس يا حيوان عجبك كده
ادم: اه عجبني بقولك انا وصلت انزل يلا
ادهم: طيب ادخل واركن العربيه وانا جاى
ادم: اوك متتاخرش علشان بخاف يا حبيبي
ادهم: انت مش مظبوط على فكرة سلام
ادم: سلام
خرجت ملك من غرفتها بعد ان وجدت المفتاح الاحتياطى وتوجهت الى سيارة سيف فوجدت شخص غريب ينزل من سيارته فخافت قليلا ثم توجهت اليه وقالت: لو سمحت مين حضرتك وبتعمل ايه هنا
نظر لها ادم وقد بهر من شده جمالها فقال: انا ادم السعدنى
ملك: اهلا بس بتعمل ايه هنا
ادم: بصي انا جاى لواحد صاحبي اسمه ادهم
ملك: انت صاحب ادهم طيب ثانيه هاروح اعرفه انك هنا
ادم: لا مهو عارف وزمانه نازل دلوقتى اصلا
ملك: طيب عن اذنك فرصه سعيده يا استاذ ادم
ادم: انا اسعد بس هو حضرتك اسمك ايه انا متعرفتش بيكى
ملك: ملك بنت عم ادهم
ادم: اسمك جميل يا استاذه ملك
ملك: ياريت تناديلى ملك بس وده من زوقك
ادم: ماشي يا ملك هو انتى رايحه فين
ملك: هافتح عربيه اخويا علشان اجيب منها حاجه
ادم :طيب ممكن اجي معاكي
ملك: العربيه اهيه مش بعيده بس اكيد تعالى مفيش مشكله
ادم: طيب يلا بينا
ذهب كلا من ادم وملك ليفتحوا السيارة فتحت ملك السيارة واحضرت البخاخه ثم اغلقتها مرة اخرى
ادم: ممكن اسالك سؤال يا ملك
ملك: اتفضل
ادم : ايه اللى فى ايدك ده
ملك : ديه بخاخه اصلى بيجلى ضيق تنفس علشان كده باخد البخاخه ديه على طول
ادم: الف سلامه عليكى
ملك: الله يسلمك
ادم : طيب اقولك نكته
ملك: قول
ادم: مرة حرامى راح يسرق بيت فصاحبه البيت كانت تخينه اوى فشافت الحرامى فمسكته وقعدت عليه وندهت لابنها وقالتله روح بسرعه انده ابوك من على القهوة فالواد فضل يدور على الشبشب فامه بتقوله مروحتش ليه يا واد فالواد قالها بدور على الشبشب فالحرامى صرخ وقاله روح حافى هاموت مخنوق يخربيت امك 😂😂😂
ضحكت ملك وادم ضحك على ضحكها وخرج ادهم على صوت ضحك فنظر لهم واغتاظ وشعر بالغضب الشديد ولكنه لا يعرف لماذا غضب هكذا يالك من مسكين يا ادهم فهذا ليس غضب انها هى الغيرة ''''خرج ادهم ونادا على ادم بصوت عالى قانقطع ضحكهم ونظروا الى ادهم فقال ادم: ايه يا خينا انت نمت فوق
ادهم: ملك بتعملى ايه هنا
ملك: مفيش كنت بجيب البخاخه بتاعتى وشوفت ادم فتعرفت عليه وبس انت خرجت اهوه
ادهم : طيب يلا اطلعى فوق
ملك: طيب تصبح على خير يا ادهم سلام يا ادم واتشرفت بمعرفتك
ادم: انا اكتر مع السلامه يا ملك
صعدت ملك الى البيت فقال ادهم بغيظ : ملك هو انت بتندها باسمها عادى كده مين سمحلك اصلا تندها كده
ادم: اهدى يا عم براحه هى قالتلى قولى ملك بس
ادهم: بقولك ايه انا مش فايقلك خالص حل عن سمايا واتفضل اما اوريك اوضتك. علشان تتخمد
ادم: طيب يا خويا براحه
صعد كلا من ادم وادهم وناما بينما ظلت نغم منتظرة ملك
ملك: انتى شغلتى الفيلم يا ندله
نغم: ما انتى اتاخرتى اوى يا ملك
ملك طيي كده كده انا مش قادرة ورايحه انام
نغم: طيب تصبحي على خير
ملك: وانتى من اهله
خرجت ملك وتوجهت الى غرفتها واخرجت منامه قطنيه باللون الاحمر وعليها رسومات كرتونيه ومشطت شعرها الحريرى ونامت
فى صباح اليوم التالى استيقظت صاحبه العيون الزرقاء زرقه البحر ذات الشعر الناعم البنى على صوت العصافير فنظرت لهاتفها فوجدت الساعه 11
فهبت سريعا ونزلت الدرج سريعا غير مدركه انها بدون حجابها وبمنامتها القطنيه الحمراء التى تبين جسدها وجميله للغايه عليها ركضت نحو جدها وصرخت: كيموووو حبيبي انت اخدت علاجك ولا لسه الساعه بقت 11 حقك عليا صحيت متاخرة
كمال: في ايه يا بنت المجنونه انتى حد يصرخ كده على الصبح
ملك: يا كيمو اخدت العلاج ولالا
كمال: اخدته يا حبيبه قلبي
ملك: الحمدلله اصلى الساعه بقت 11 وانت معاد علاجك 10.30 افتكرتك نسيته
كمال : معلش ولا يهمك بس بكرة انتى اللى هتديهولى
ملك: يا سلام اكيد يا جميل غالى والطلب رخيص يا حلو انت
كمال: بتعاكسي جدك يا بكاشه انتى
ملك: والله ابدا ده انت زى البدر يا كيمو
تحدثت ملك مع جدها غير واعيه لذلك الاسد الذى ينظر اليها بانبهار فهذه اول مرة يراها بدون حجابها وبملابس غير ملابسها المحتشمه الواسعه فشرد سارح فى لون عينيها الجميل الدى يشبه لون البحر وجمال شعرها الذى يزينها اكثر ويعطيها جمال فوق جمالها لم يفق الا على صوت ريتاج تلقى الصباح على الجد وملك والتفت ملك لترد عليها وهنا راته ملك شعرت بقبضه فى قلبها وادركت توا انه قد رئاها بملابسها وبدون حجابها فركضت سريعا نحو الغرفه وهو ارتسمت على شفتيه ابتسامه سريعه اختفت عندما سمع صوت جده يقول : البنت ديه مجنونه انا مكدبتش والله
ريتاج: لا يا جدو مكدبتش ديه مجنونه فعلا
كمال: ادهم انت واقف عندك من امتى
ادهم: لسه نازل يا جدى
كمال: صباح الخير يا حبيبي رايح فين
ادهم: صباح النور مفيش يا حبيبي خارج اتمشي شويه عايز حاجه منى
كمال: لا يا حبيبي
ادهم: طيب يا حبيبي انا خارج ..اه صحيح ادم وصل امبارح بليل وزمانه نايم
كمال: كويس انه جه
ادهم: يلا باى
خرج ادهم. لتمشب قليلا فهو غير معتاد على الجلوس فى المنزل بدون الخروج او العمل وهو قد وعد جده بعدم التفكير او القيام باى شئ يخص العمل خلال هذه الفتره وسرعان ما تذكر هذا الملاك الذى شاهده هذا الصباح فكم هى جميله بدون الحجاب و عيونها التى عندما يراها لا يستطيع ان يحيد بنظرة عنها لكن لماذا فادهم سافر الى بلدان كثيرة وشاهد جميلات كثر ولم يهتز له رمش عند رؤيته لهن ولكن لماذا هى هناك شئ مختلف بها شئ يجذبنى بها ولكن كل هذا كان حديث القلب ولكن للعقل رأى اخر حيث سرعان ما ذكره باكثر ذكرة مؤلمه له وهنا وقف ادهم وقال: لا مستحيل عمرى ما هاغير راى فيهم كلهم صنف واحد خاين وزباله كلهم زى بعض اوعى تحن اوعى تحن سمعت وبعد ان لانت ملامحه لتذكره ملك عادت ملامحه البارده الخاليه من اى مشاعر والقاسيه مرة اخرى ثم اكمل مشيه تحت نظرات الاعجاب والاندهاش من وسامته لكل من يراه...........
على الجانب الاخر. حيث صعدت ملك سريعا الى غرفتها واغلقت الباب ثم ضربت بيدها على راسها قائله: هو انا غبيه للدرجة ديه ازاى انزل من غير الحجاب وكمان انزل بلبسي ده بس هو كمان مش محترم كان المفروض خرج او عل صوت ودير وشه الناحيه التانيه قليل الادب هو ايه اللى قليل الادب انتى اللى غبيه متلوميش عليه هو يدير وشه ليه انتى اللى. غلطانه ايه نزلك بمنظرك ده اصلا غبيه ومجنونه وهبله فاضل ايه تانى لسه مش هتتشتمى بيه. سكتت قليلا ثم تذكرت الشئ الذى يخفف من توترها وحزنها ويجعلها فوق السحاب من كثرة سعادتها ركضت الى حقيبتها وظلت تعبث بها الى ان اخرجت. ثلاثه قطع من الشيكولاته نعم شيكولاته فهى طفله كبيرة تعشق الشيكولاته والملاهى والكرتون واللعب واكثرهم جميعا قرب الى قلبها هى الشيكولاته حيث يمكن تلقيبها بعاشقه الشيكولاته........................
اخرجتهم واكلت قطعه وخبأت الاثنتين الباقين ودخلت اللى الحمام لتبدأ يومها استمحت و توضاءت و خرجت و مشطت شعرها وارتدت الاسدال الخاص بها وادت فرضها ثم خلعته ووضعته فوق الرف فى الدولاب واخرجت بنطال اسود و بلوزة رقيقه تصل الى قبل الركبه بقليل لونها ازرق سماوى رقيقه جدا تناسبها وتلائم لون عيناها ثم ارتدت طرحه مناسبه واخذت هاتفها و سماعتها ( الهاند فرى ) وارتدت حذائها الرياضى الاسود المفضل لها ونزلت الى الاسفل وجدت جدها والدها وامها يفطرون نظرت لهم قائله: صباح الخير يا بشوات
الجميع: صباح النور
ملك: اومال فين الباقين
روضه: سيف بباخد دوش ونازل ونغم نايمه وريتاج طلعت الاوضه ونازله دلوقتى. تعالى افطرى وهما زمانهم نازلين
ملك: طيب
لا تعرف لماذا ارادت ان تسأل عن ادم لكنها. لم تجرأ على ذلك لكن لماذا لا تعرف
على الجانب الاخر سيف يرتدى. ملابسه وبعد ان انتهى خرج من غرقته فرأى نغم فقال لها: صباح الخير يا نغم
نظرت له نغم بخجل واردفت : صباح الخير يا سيف
سيف: انت لسه بتتكسفي منى يا بنتى انا اصلا معملتش حاجه تخليكي تتكسفي انا قولت بس صباح الخير
نغم: انا مش مكسوفه اصلا
سيف : طيب يا ستى حقك عليا اقولك يلا ننزل نفطر
نغم: يلا
ونزل كلا من نغم وسيف للافطار
وهنا ايضا ادم انتهى من ارتدائه لثيابه وخرج سريعا من الغرفه ليصتدم بريتاج ليقول بغضب: ايه الهبل ده ما تفتحي
ريتاج: انت عبيط افتح ده انت اللى خبطتنى
ادم: لا انتى لو مش عاميه مكنتش هاخبطك
ريتاج: احترم نفسك يا حيوان انت وعلى فكرة انت اللى اعمى
ادم: انا هسكت علشان انتى بنت ومش عايز امد ايدي عليكي
ريتاج: متقدرش اصلا
ادم: يلا يابت من هنا ثم تركها ادم وتوجه الى اسفل
ريتاج بغضب: بنى ادك مشل ومعصب وغبي ثم نزلت هى الاخرى
نزلت ريتاج لتناول الافطار ولكنها رأت ادم يجلس على الطاوله وايضا فى الكرسي المقابل لها يالها من محظوظه 😂
كان الوضع على الطاوله كالتالى
كمال يترأس الطاوله لانه الاكبر وبجانبه جمال وروضه وملك وبجانبها نغم وريتاج وسيف يجلس على الكرسي المقابل لنغم ويخطفون الانظار لبعض البعض سريعا حتى لا يراهم احد و يتبادلون نظرات مليئه بالخجل والحب وريتاج وادم ايضا يجلسون فى وجه بعضهم ولكنهم كانوا يتبادلون نظرات الغضب الشديد لاحظت ملك هذا فنظرت ليسف قائله: سيف حبيبي كل كويس كفياك بص البت مش عارفه تاكل
فنظر لها سيف بغضب وقال: خليكي فى نفسك وانا كده كده اصلا باصص فى الاكل
ملك: ماشي براحتك يا سيدى على العموم اديني سيبهالك
جمال: رايحه فين يا موكه
ملك: انت عارف يا حبيبي هخرج اتمشي شويه كده وارجع على طول
جمال: طيب خدى سيف معاكى
سيف: استنى لما افطر بسرعه واجى معاكى يا لوكا
ملك : لا يا حبيبي خليك يا جيمي والنبي عايزة امشي لوحدى
جمال: يا حبيبيتى انا خايف عليكي
ملك: من ايه بس يا جيمي
سيف: اصلك بدر منور خايف عليكي من الفتنه يا قمر
ضحكت ملك وقالت: طب خلى حد يفكر يقربلي وانا اموتوا ده انا ملك جمال السيوفى
الجميع: هههههههه
ملك: طيب اسيبوكى تكملوا ضحك بقي سلام
جمال: طب بس خلى بالك من نفسك
ملك: من عيونى يا جميل باى باى يا كيمووو
كمال: مجنونه بس عسليه
ملك: ده انت اللى عسليه يلا باى بقي
خرجت ملك للتمشيه قليلا
على الجانب الاخر انهى كلا من سيف وادم طعامهما وخرجا ليجلسا بالحديقه و صعدت ريتاج ونغم للغرفه
ريتاج: نغم انتى بتحبي سيف صح
نغم: لا طبعا ايه
ريتاج: كدااابه
نغم: هو باين عليا اوى كده
ريتاج: جدا الصراحه طيب مادام بتحبيه ما تقوليله
نغم: ازاى يعنى وانا معرفش اذا هو بيحبنى ولا لا
ريتاج: شكله باين انه مش بيحبك
نغم: ايه ده بجد
ريتاج: ده بيعشقك
نغم: طيب يلا يا باردة ننزل قومى يا ختى
ريتاج: لا مش هنزل وقليل الادب ده تحت
نغم: مين هو ده
ريتاج: الواد الغبي اللى كان على السفرة تحت
نغم: قصدك ادم ده عسليه خالص
ريتاج: الله يعسل اهلك ده رزل وبارد
نغم: ليه عملك ايه
حكت لها ريتاج الموقف الذى دار بينها وبين ادم فضحكت نغم وقالت: هو عصبي وانتى كمان عصبيه واغبياء اوى
ريتاج بغضب مصطنع : انا غبيه وعصبيه يا نغم ماشي متشكرين
نغم: يا بت مقصدش قصدى كان ممكن تقولى اسفه وخلاص لكن ازاى متبقيش ريتاج
ريتاج: هو اللى غلطان وكمام شتم بدل ما يقول اسف على العموم سكي على الموضوع بقي علشان متعصبش عليكي
نغم: طب يلا يا ختى ننزل قومى بقي زهقت
ريتاج : يلا يا ختى اتفضلى
ونزلا للجلوس فى الحديقه
على الجانب الاخر خرجت ملك للتمشيه ولكن بينما كانت تتمشي سمعت صوت بعض الشباب يجلسون فى منطقه ويضحكون بصوت عالى استدارت ملك سريعا لتذهب ولكن بعد فوات الاوان فبالفعل كان احد الشباب لاحظها ونبه البقيه لها وخرج ورائها هذا الشاب وهو يتكلم ويتغزل فيها ببعض الالفاظ الغير لائقه
فقال الشاب: مالك يا جميل ماشي لوحدك ليه تعالى نمشي سوا
ظلت ملك تمشي ولكنه باغتها سريعا ووقف امامها وقال: تعالى بس هبسطك والله وهاديكي اللى تقولى عليه يلا وكان سيمسك يدها لتندهش ملك حين شاهدت يد شخص ما تمتد لتمسك بيد الشاب وفجاءة لكمه لكمه اسقطته ارضا وهو يتالم من قوة اللكمه فالتفت هذا الشخص لملك لتقول له ملك : انت!!!!!!!!!!
الشخص: انتى!!!!!!!!!!
ياترى مين الشخص ده وايه اللى هيحصل كل ده البارت الجاى ان شاء الله البارت طويل جدا اهوه 2446 كلمه اى خدمه متتعودوش على كده سلام واشوفكم فى بارت جديد من عاشقة الشيكولاته 🍫❤️