عاشقه الشيكولاته
الجزء التاسع عشر
ادهم: مين دول اللى اخدوها !!
نغم: معرفش.يا ادهم
ادهم: انتى فين
نغم ببكاء: انا معايا العربيه هاجى بيها بس ملك يا ادهم
ادهم: هتقدري تسوقى لوحدك
نغم. : ايوة يا ادهم بس ملك
ادهم: تعالى ومتقلقيش تعالى على الشركه
نغم: حاضر مسافه السكه
اغلق ادهم فسأله سيف: فى ايه متنطق بقي بوظت اعصابي هما فين
ادهم: نغم جايه فى السكه بس ملك .. ملك ...
ريتاج: مالها يا ادهم انطق ارجوك
ادهم: ملك اتخطفت
سيف: ايــــــه انت بتقول ايه
ريتاج: ازاى ومين اللى خطفها
شيماء: وساب نغم ازاى
ادهم بصراخ: معرفش حاجه نغم زمانها جايه ونفهم كل حاجه
ادم: عاصم جه يا ادهم ادخلوا
ادهم: انت بتسأل دخلوا بسرعه
عاصم: ازيك يا ادهم عامل ايه
ادهم: مش وقته خطيبتى اتخطفت
عاصم: ازاى يعنى
ادهم: انت بتسألنى
عاصم: اومال اسأل مين
سيف: انا غلطان منزلتش معاهم امى كانت قلقانه من الصبح وانا مسمعتش كلامها
ادهم: قصدك ايه يا سيف
سيف: امى الصبح كان قلبها مقبوض اوى وكانت خايفه
ادهم: ومقولتليش ليه
سيف: كنت فاكر انه عادى والله يا حبيبيتي يا ملك مش معقول كده ليه كل ده بيحصلها و وراء بعده حرام حرام
يوسف: حرام يا سيف كفايه بقي
سيف: استغفر الله العظيم
عاصم: اهدوا كده وحد يحكيلي عرفتوا منين انها اتخطفت
ادهم: نغم اختى كانت معاها واتصلت بيها دلوقتى وقالتلى
عاصم: يعنى هما خطفوا ملك بس وسابوا نغم طيب ليه
ادهم: وانا ايه هيعرفنى
عاصم: اكيد حد عدو ليك او لملك شخصيا
ادهم: ملك ملها... لا ليها
سيف: تفتكر هو اللى يكون عمل كده
عاصم: مين ده
ادهم: واحد حاول يتهجم عليها قبل كده اسمه خالد
ادم: معتقدش يا ادهم اكيد خاف من اللى جاسر عمله فيه
يوسف: ليه ميكونش حد تانى غيره
ادهم: ايوة صح حد مردتش تختاره فحب ينتقم
عاصم: مبحبش الالغاز يا ادهم
ادهم : ملك كان فيه واحد متقدملها ورفضته واظن انت تعبره كويس
عاصم: مين ده واعرفه منين
سيف: انت تقصد جاسر
ادهم: ايوة بالظبط كده
ادم: لا مستحيل مش للدرجه ديه
ادهم: اسكت انت انا رايحه له
سيف: استنى انا جاى معاك
ادهم: طيب يلا
ريتاج: روح معاهم يا ادم
ادم: ايوة حاضر يلا يا عاصم
عاصم: وراك يلا بينا
خرجوا جميعهم متجهين نحو جاسر في حين تركوا شيماء وريتاج ويوسف فى الشركه
&&&&&&&&&&&&&&&&&&&&&&&&&&&&&&&&&&&&
عند ملك
بدأت ملك فى الاستيقاظ وبدأت فى فتح عيونها ووجدت نفسها فى غرفه وحدها ولا يوجد احد معها والغرفه قديمه حيث من منظرها تدل انها فى بيت قديم فظلت تنظر حولها لم تجد سوا السرير التى تستلقى عليه وكرسي خشبي متهالك ووجدت يدها مقيده فظلت تنادى وتقول: لو سمحت اى حد هنا يا يللى بره لو سمحت اى حد هناااااااا
دخل الرجل 1: عايزة ايه
ملك: انت مين وانا بعمل ايه هنا
الرجل 1 : منتيش فى رحله سيادتك مخطوفه
ملك: هو انا قولت حاجه انا عطشانه
الرجل 1: يا زفت هات ازازة مايه
الرجل 2 : خد اهه
الرجل 1: اشربي ومش عايز اسمع حسك
ملك: براحه طيب
الرجل 2: متخافيش محدش هيكلمك
الرجل 1: يا غبي حد طلب منك تتكلم
ملك وقد عرفت انهم لن يؤذوها فقالت
ملك: اهدى كده بس وبلاش تزعق علشان بتوتر
الرجل 1: اسكتى بقي
ملك: طيب انا جعانه
الرجل 1: حد قالك انى خلفتك ونسيتك ما تولعي
ملك: انا هقولك على حاجه انا كان معايا فلوس فى جيبي
الرجل 1: وانا هاعمل ايه بيها
ملك: هتبعت تجبلنا اكل لانى جعانه جدا وواخده علاج شديد
الرجل 2: حرام ياعم فكها تجيب الفلوس خلينا نأكلها بدل ما تموت
ملك: ايوة اسمع كلامه
الرجل 1: اخرس انت خاالص انا هاجيب الفلوس
ملك: لا ديه فى جيب البنطلون
الرجل 1: هافكك بس لو عملتى اى حركه انتى حره
ملك: عيب عليك
الرجل 1: والله حاسس انك مخطوفه فى دريم لاند
ملك: فكنى
قام بفكها ووقفت واخرجت الاموال واعتطها له وقالت ملك: هات اكله حلوة علشان ناكل كلنا مع بعض
الرجل 1: مش عايزين نطفح
الرجل 2: لا انا هاكل انا جعان
الرجل 1: اخرس انا هاروح اجيب الطفح وارجع اوعى تهرب اه واربطها. تانى
الرجل 2: حاضر
ذهب ليحضر الطعام
ملك: انت اسمك ايه
الرجل 2: مش هقولك اكيد
ملك : عادى يعنى علشان اعرف اناديك
الرجل 2:لا
ملك: طيب انت عارف اسمي
الرجل 2: اه
ملك: طيب حلو قول بقى
الرجل 2: انتى مش خايفه
ملك : كنت خايفه لحد انت مقولت انكم مش هتاذيني
الرجل 2: مش بمزاجى الرئيس هو اللى امر بكده
ملك: مين الرئيس ده
الرجل 2: انا مش عارفه مشفهتوش قبل كده ثم .... يانهار اسود هيثم لو عرف انى اتكلمت معاكي هيبهدلنى
ملك: هو اسمه هيثم وانت بقي اسمك ايه
الرجل 2: انا غبي هو مغلطش انا غبي
ملك : هتقول ولالا
الرجل 2 : ايمن
ملك: عاشت الاسامى
ايمن: متشكر
جاء هيثم فوجد ايمن يقف على باب الغرفه
هيثم: انت واقف هنا ليه وسايبها
ايمن: بتصلى
هيثم: نعم يا خويا
ايمن: طلبت تصلى وسبتها
هيثم: طب غور
دخل ايمن فوجد ملك تنتهى من الصلاه
هيثم: تكونيش فاكرة نفسك فى بيتك
ملك: عادى صليت انت شفتنى هربت
هيثم: خلصنا اتفضلى كلى
ملك: يلا يا ايمن تعالى
هيثم: انتى عرفتى اسمه منين
ايمن: معرفش متبوصليش
ملك: متخفش يا هيثم
هيثم: وكمان قولتلها اسمي ياترى قولتلها ساكنين فين ولا نسيت
ايمن: الصراحه نسيت
هيثم وهو يمسكه من قميصه: اخرس حسابك معايا بعدين
ملك: مش وقت حسابات يلا علشان ناكل
هيثم: مش عايز اطفح
ملك: انت دوقت اكل حلال قبل كده
هيثم: تفرق ايه يعنى
ملك. : جرب وتحكم بعد كده
ايمن: ياعم خلينا ناكل
هيثم: طيب هاجرب الفرق بين الحلال والحرام اصل الحرام ناقص ملح
ملك: جرب وهاتعرف لوحدك
جلسوا جميعا وتناولوا الطعام
هيثم: هو انا اتجننت ولا هو فعلا طعمه غير اى اكل كلته قبل كده
ملك: مش قولتلك وانت يا ايمن
ايمن: تحفه لذيذ بشكل مش معقول يا ملك
هيثم: متشكرين
ملك: على ايه احنا دلوقتى بينا عيش وملح
ايمن: بالظبط يا ختى
هيثم: لم نفسك
ملك: انا وانتم اخوات فيها ايه
هيثم: ودكتورة زيك ترضي ان احنا نبقي اخواتها
ملك: ومرضاش ليه انتوا فيكوا ايه
هيثم: انتى من فوق واحنا تحت الارض
ملك: مفيش الكلام ده
هيثم: لا موجود عادى شكلك انتى بس طيبه زياده
ملك: ممكن اسألك سؤال
هيثم: اتفضلى
ملك: ليه بتشتغلوا كده
هيثم: مش بمزاجنا
ملك: ازاى
هيثم: انا عندى عيله و انا والبغل ده كنا فى مدارس صنايع كمان بس اخويا جاله مرض فى القلب وعلشان يعمل العمليه محتاج فلوس كتير حاولنا نشتغل حاجات كتير وسبنا المدرسه من زمان وملقناش شغل لحد ماجه واحد من رجاله الكبار وقال انه عايز شباب تقضيله مصلحه وكده وهيديهم فلوس حلوة انا والبغل ده وافقنا وديه تبقي تانى عمليه لينا يعنى احنا مش ولاد حرام
ملك: انا دكتورة اطفال
هيثم: مانا عارف
ملك: ممكن اعالج اخوك بعد فضل ربنا
هيثم : وايه المقابل اهربك مش كده
ملك: لا انا مش عايزاك تهربني انا عايزاك تبطل الشغل ده بس
ايمن: الله يكرمك يا شيخه
هيثم: اخرس انت ..وهناكل منين يا دكتورة
ملك: انا هاتصرف واشغلكم
هيثم: وده ليه كنا من بقيت اهلك
ملك: اصلكم طيبين اوى
ايمن: تسلمي
هيثم: شكرا
رن هاتف هيثم فوقف ورد قائلا
هيثم: الو ايوة ياباشا تمام
الرئيس: ................
هيثم: حاضر انا مستنيه
الرئيس: ...............
هيثم: محدش قربلها يا باشا
الرئيس: ...............
هيثم: شكرا يا باشا مع الف سلامه
اغلق معه ثم قال
هيثم: بقولك ايه فى واحد اسمه صلاح هيجي ده شرانى اللى هيقولك عليه اعمليه ومتخافيش احنا معاكي اصل خلاص كلنا عيش وملح مع بعض
ملك مبتسمه: حاضر بس مين صلاح ده
ايمن: ده دراع الرئيس الشمال اصله ابن كلب واطي
هيثم: لم لسانك ديه بنت
ملك: حاضر انا مش هاتكلم
هيثم: لا لما يسألك على حاجه ردى
ملك: حاضر
ايمن: انا شبعت هاروح اعمل شاى مين يشرب
ملك وهيثم: انا
ايمن: من عينيا وبالنعناع كمان
&&&&&&&&&&&&&&&&&&&&&&&&&&&&&&&&&&&&
عند ادهم كان قد وصل الى جاسر هو وسيف وادم وعاصم دخلوا الى المستشفى وتوجهوا نحو مكتبه مباشرة ولم يطرق ادهم الباب بل دخل سريعا ثم امسكه من ثيابه وقال
ادهم: ملك فين بدل ما ادفنك هنا
جاسر: نعم يا خويا
ادم: ادهم سيبه علشان نتكلم بهدوء
ادهم: اخرس بدل ما اقتله دلوقتى
عاصم: ادهم الامور متتحلش كده
سيف: اتهبب سيبه بقي
ترك ادهم جاسر فقال جاسر : انا مش فاهم حاجه
سيف: جاسر ملك اتخطفت
جاسر بصدمه: يعنى ايه اتخطفت
ادهم: متعملش عبيط انا متأكد ان انت وراء خطفها
جاسر: مستحيل انت اتجننت ايه اللى يخليني اعمل كده
ادهم: لسبب بسيط اوى انا فضلتنى عليك
جاسر: مستحيل انا ايوة بحبها بس عمرى ما هفرض نفسي عليها ولا اكون سبب فى اذيتها يا ادهم
سيف: انا مصدقك
ادهم: انت بتقول ايه انت كمان
سيف: مش جاسر اكيد خالد
جاسر: احنا نجيب خالد دلوقتى ونشوف
عاصم: مين عارف عنوانه
جاسر: انا
عاصم: طيب يلا بينا نطلع على هناك سوا
ادهم: يلا بينا
&&&&&&&&&&&&&&&&&&&&&&&&&&&&&&&&&&&&
عند ملك
ملك: تسلم ايدك الشاى حلو اوى
هيثم: مبيعرفش يعمل غيره
ايمن: اتريق اتريق
هيثم: بقولك ايه يا دكتوره يلا علشان اربطلك ايدك
ملك: لازم
هيثم: علشان ميفهمش حاجه ويأذينا
ملك: انا خلصت اربطها يلا
ربط هيثم يد ملك وفعلا بعدها بعده دقائق جاء صلاح ودخل الى ملك وانبهر بجمالها اول ما نظر لها فظل يتفحصها بنظراته وملك متضايقه من نظراته فهى واضحه جدا
وهيثم وايمن متضايقان ولكن ما باليد حيله فلو عرف صلاح. انهم تكلموا مع ملك سوف يقتلهم
صلاح: اطلعوا برا
هيثم: الباشا قال انها تحت حراستنا مينفعش نخرج
صلاح: ولا اطلع برا بدل ما عرفك شغلك
هيثم: مش طالع والا هاتصل بالباشا
صلاح: طب اوقف ساكت خالص
هيثم: ماشي
صلاح: مالك يا حلوة انتى خايفه
ملك: لا مش خايفه
صلاح: حلوة الشجاعه
ملك: انت خاطفنى ليه بقي
صلاح: احب اللى يدخل فى الموضوع على طول
ملك: انا مخطوفه ليه
صلاح: عاجبه الباشا وعايزك
ملك: انت مجنون ولا ايه
صلاح: بت انتى لمى لسانك احسنلك انا غبي وايديا طارشه
ملك: انا
صلاح: اخرسي واسمعيني الباشا بيقولك سيبي خطيبك احسن ما يقتلهولك ويقتلك انتى كمان
ملك: انت بتقول ايه
صلاح: هيقتلهولك
ملك: هيقتل مين
صلاح: خطيبك هو مش اسمه ادهم ولا انا غلطان ثم نظر لجسدها وقال ليه حق يبقي عايز يقتل خطيبك علشانك
ملك: انتى حيوان ورئيسك ده وسخ وان...
لم تكلمل جملتها بسبب ارتطام رأسها بالارض بسبب ان صلاح قام بصفعها صفعه مدويه ادميت شفتيها من قوة الصفعه
صلاح: لسانك تلميه احسن ما اقطعهولك
هيثم: متفقناش على كده متضربهاش
صلاح: خليك فى حالك مش من بقيت اهلك هي
هيثم: هاتصل بالباشا
صلاح: هاقتلك قبل ما يوصل
نظرت ملك لهيثم لتطمئنه انها بخير ويصمت فصمت هيثم
صلاح: جدع اخرس وانتى هاتتصلى بخطيبك وتقوليله.انا بكرهك وبحب واحد تانى وهاهرب معاه ومش عايزاك تدور عليا وتأكدى على كلمه بكرهك فاهمه
ملك: لا مش هاكلمه ومش هقوله بكرهك واعلى ما فى خيلك اركبه
صلاح: انتى اللى جبتيه لنفسك
امسك بها من حجابها وشدها منه حتى كاد ان ينخلع فركض هيثم وانزل يده من على رأسها
هيثم: لا ايدك تتمد عليها اقطعهالك الباشا قايل محدش يلمسها فاهم
صلاح: اوعى يلا بدل ما اقتلك
هيثم: مبتهددتش
صلاح: ومين قالك انى بهدد واخرج من جيبه سلاح نارى ووجهه نحو راس هيثم وقال صلاح: ابعد عنها كده زى الشاطر
ملك: ابعد ارجوك ابعد
هيثم: لا مش هاتنيل
ايمن امسك هيثم من يده وقال: تعالى نطلع برا يلا يا هيثم احنا مالنا فنظر له هيثم وجده ينظر له نظرة ذات معنى فاستسلم وابتعد عن ملك وصلاح ينظر له ثم قال صلاح: هاتصل دلوقتى بخطيبك
ملك: وانا قولت لا
صفعها صلاح مرة اخرى ثم رن هاتفه مرة اخرى فأجاب وبعدها قال: انا رايح مشوار والباشا جايلك قدامك وقت تكونى فكرتى
ثم خرج من الغرفه ونادا على هيثم
صلاح: انا رايح مشوار مهم وجاى
هيثم: ماشي
صلاح: اوعى تهرب منك يا حنين
ايمن: ماشي يا صلاح بيه اتفضل امشي ومتخافش
ذهب صلاح فركض الاثنين على ملك
هيثم: انتى كويسه
ملك ببكاء: كويسه بس وشي بيوجعنى
ايمن: انا هاجيب مايه ساقعه وقطن وامسحلك الدم ده
هيثم: طب اجرى هاتهم
ايمن: حاضر
هيثم: انا هاهربك من هنا
ملك: لا
هيثم: هو انتى عنيده كده ليه المهم انى قولتلك قبل ما يجي تسمعى كلامه صح
ملك: انا بحب خطيبي
هيثم: يبخته بيكي
ملك: متشكرة وانت كمان وقفت قصاده ليه
هيثم: اتخيلتك اخت ليا
ملك: متشكرة يا هيثم
هيثم: طيب نهرب بقي
ملك: مش هينفع صلاح كان بيتكلم فى التليفون مع الباشا ده وقال انه جاى علشان كده صلاح مشي
هيثم: جاى دلوقتى
ملك: معرفش
هيثم: طيب نهرب قبل ما يجي
ملك: انتوا هتتأذوا وانا خايفه على ادهم
هيثم: ادهم ده خطيبك
ملك : ايوة
ايمن: انا جيت.تعالى اعملك الكمدات
ملك: لا عادى هات انا هعملها
اعطاها ايمن القطن والمطهر ونظفت الجروح وعدلت حجابها
ثم نظر ايمن لهيثم ففهم انه يريده على انفراد خرجا الى خارج المنزل
ايمن: انا عملت حاجه كده
هيثم: هببت ايه
ايمن: لما كنا بنخطفها لقيت موبايل حلو اوى شكله كده بتاع ملك
هيثم: هو معاك دلوقتى ولا لا
ايمن: معايا اهو بس مقفول انا قفلته
هيثم: هاته
ايمن: هاتعمل بيه ايه
هيثم: هانقذها وانقذنا معاها
ايمن: ازاى
هيثم: هاكلم خطيبها
ايمن: حلو اتصل بيه
هيثم: هو اسمه ادهم. ....اهو
ضغط على زر الاتصال وجاءه صوت جرس الاتصال
&&&&&&&&&&&&&&&&&&&&&&&&&&&&&&&&&&&&
عند ادهم
ذهبوا الى بيت خالد
خالد: انتوا عايزين منى ايه تانى
ادهم: ملك فين يا حيله امك
جاسر: انطق بدل ما ادفنك
سيف: انا غلطان انى سمعت كلام ابويا ومقتلتكش
خالد: اهدوا بس والله ماعرف عنها حاجه
عاصم: ولا متجننيش ملك فين
ادهم: اسمها دكتورة ملك
سيف: مش وقت زفت غيره
جاسر: انطق بدل ما ادفنك مطرحك
عاصم: هاتوه ونطلع على القسم وهانعرف منه كل حاجه
امسكه ادم وسيف وخرجوا من منزله وجاء هاتف لجاسر ثم قال
جاسر: انا هامشي عندى مشوار شغل مهم وهاجيلكم على القسم
سيف: ماشي سلام
انطلق جاسر وانطلقوا هم نحو القسم
فى القسم
خالد: والله مشوفتها
عاصم: الكدب مش هيفيدك
خالد: والله مبكدب بس انا مشوفتهاس من ساعه الحادثه
عاصم: كداب
خالد: طيب عندك دليل
ادهم: سيبهولى وانا اموته احسن
سيف: ما تنطق يا زفت
خالد: مشوفتهاش والله ماعرف عنها حاجه
جاء لادهم اتصال فنظر له بصدمه
سيف: مالك يا ادهم
ادهم: ديه ملك اللى بتتصل
عاصم: رد بسرعه
اجاب ادهم بسرعه
ادهم: ملك الو
هيثم: انا مش ملك
ادهم: ملك فين
هيثم: بص ملك مخطوفه واحنا فاعلين خير وعايزين نعرفك مكانها
ادهم: طيب ابوس ايدك قول هى فين
هيثم: اكتب العنوان عندك بسرعه
ادهم: قول
هيثم: العنوان ................. متتأخرش
ادهم: انت مين
هيثم: بص احنا اتنين لما تيجي هتعرفنا وهنساعدك تمام
ادهم: تمام
اغلق ادهم
عاصم: انا هاجيب قوة واجى معاك
سيف: انا معاك يا ادهم
ادهم: لا انا هاروح لوحدى وانتم تعالوا ورايا
عاصم: خد معاك سيف بس حتى
ادهم: لا ثم ركض ولم يسمع لاحد
عاصم: يلا يا سيف انت وادم
سيف: هاتصل بجاسر اقوله
ادم: طيب اتصل بيه
اتصل سيف بجاسر ولكن جاسر لم يرد لان هاتفه كان صامت ظل يطلبه كثيرا
سيف: مبيردش
ادم: يبقي مشغول مش مهم يلا بينا
عاصم: يلا بينا
&&&&&&&&&&&&&&&&&&&&&&&&&&&&&&&&&&&&
عند ملك
كان يجلس معها هيثم وايمن الى ان طلبت منهم الخروج لانها تريد ان تنام
فخرجا ونامت هى على السرير ثم وجدت من يفتح الباب فجاءة ولان الغرفه كانت مظلمه لم ترا ملامحه الى ان اقترب من النافذه فانعكس عليه ضوء القمر فرأته ملك وانصدمت ثم ذهب واضاء نور الغرفه فقالت
ملك: جاسر مش معقول !!!!
جاسر: ليه يا ملك
ملك: انت ازاى دخلت
جاسر: دخلت قدامهم عادى
ملك: ازاى
جاسر: لانى انا الباشا يا ملك
ملك بصدمه: انت اللى خاطفنى يا جاسر طب ازاى وليه حرام عليك ليه
جاسر بصراخ: علشان فضلتيه عليا حتى انتى فضلتيه عليا هو فى ايه زياده عنى ها ما تردى يا ملك يا ملاك
ملك: مش عايزة اسمع صوتك انت طلعت حيوان وانا اتخدعت فيك
جاسر: ليه ها اتخدعتى فيا مرة واحده انتى طلعتى زى سارة بالظبط فضلت ادهم بردوا عليا بس رجعتلى زى الكلبه. بس انتى كبيرة وغاليه اوى عندى علشان كده انا جيتلك لحد عندك يا ملك انا بحبك اوى والله ادهم مش هيحبك نص حبي ليكي ليه هو
ملك: ولا انا هحبك نص حبي ليه يا جاسر
لم يستطيع جاسر ان يمسك اعصابه
فامسك ملك من يدها وقبض عليها بشده وقال: انا ماسك نفسي عنك بالعافيه يا ملك اياكي تجيبي سيرته على لسانك تانى فاهمه
ملك ببكاء: انت كنت غالى عندى اوى كنت خايفه اخسرك اوى مكنتش اعرف انك وحش اوى كده
جاسر: انتى تعرفى عنى ايه ها تعرفى عنى ايه غير انى غنى وعندى مستشفى بس
ملك: ومش عايزة اعرف
جاسر: لا اسمعى يا ملك ابويا وامى ماتوا وانا صغير ابو ادهم اخدنى وربانى مع ادهم لان ابويا كان صاحبه وشغال معاه الاول كنت بلاحظ انى بتكسف اطلب منه حاجه وادهم بيطلب منه عادى وان هو ومامته وجدك بيفرقوا ما بينا فى المعامله من حقهم مهو انا مش من عيلتهم حتى فى الحب والحنيه كان ادهم اكتر منى ولما سفرنا برا مصر ابوه علمه وعلمنى ودخلنا الجامعه بدأنا ان الدكاترة بيحبوا ادهم اكتر علشان اهله والبنات تحبه وتخرج معاه علشان هو غنى ولما اتخرجنا انا كنت جايب مجموع اعلى منه والاول على الدفعه وبالرغم من كده ادهم اتعين مدير وانا مساعد وسكرتير لادهم ومشتكتش حتى البنت الوحيده اللى حبيتها حبت ادهم وفلوسه زغللت عينيها ولما سبته واتغنيت بمجهودى رجعتلى زى الكلبه ولا ادم اللى غصبه انه ميعرفنيش تانى انا اتبهدلت كتير فى حياتى يا ملك ويمكن اكبر ذنب عملته فى حياتى انى حبتها بس اديها.بتتعذب دلوقتى
ملك: يعنى ايه
جاسر ببكاء: لما جتلى بهدلتها وقولتلها تمشي لقيتها بتطلع مسدس و صوبته عليا مسكته منها وبشده وهى بتضغط عليه طلعت رصاصه وموتتها يا ملك
ملك: ماتت
جاسر: والله مموتهاش
ملك: طيب ادهم عارف
جاسر: لا ميعرفش
ملك: جاسر سبنى امشي وخلينا صحاب احسن يا جاسر متخلنيش اكرهك
جاسر: لا يا ملك هنتجوز بعدين نروح لهم سوا ونقولهم
ملك: انت اتجننت لا طبعا
جاسر: مش بمزاجك اتفضلى كلمى ادهم وقوليله بكرهك وبحب جاسر بدل ما اقتله يا ملك وذنبه هيبقي فى رقابتك
ملك: لا يعنى لا
جاسر: هاقتله
ملك: حرام عليك
جاسر: اتصلى امسكي اتصلى
ادهم: وتتصل ليه وانا هنا
جاسر وملك: ادهم !!
ياترى ايه اللى هيحصل بين جاسر وادهم؟
ياترى ممكن جاسر يقتل ادهم ولالا؟
كل ده الحلقه الجايه والاخيره من ( عاشقه الشيكولاته) ❤️🍫
أنت تقرأ
عاشقه الشيكولاته ❤️🍫
Romanceلا اعلم من اعشق لكنى احاول اكتشاف ذلك ولكن غموضك يجعلنى اخاف لانى لا اعرف ما هو القادم وانت الاخر لا اعرف ما تخبئه خلف هذه البسمه ولكن اعدك سوف احاول تبين الحقيقه ❤️❤️ (مكتملة)
