عاشقه الشيكولاته ❤️🍫

بارت 14

بارت زياده اهوه ادعولى ادخل كليه الالسن بقي يا جدعان 😉❤️💯

عاشقه الشيكولاتة
الجزء الرابع عشر
ادهم:  ايــــــــــه!!!
كمال:  انتى بتقولى ايه يا نغم ملك مالها
نغم : معرفش يا جدو كل اللى اعرفه ان سيف رد عليا وهو بيعيط وقالى ان ملك فى المستشفى وحالتها صعبه اوى
صفاء:  طيب ازاى ايه اللى حصل
ادهم بزعيق:  انتوا لسه هتسألوا يلا علشان نروحلها
صعدوا جميعا لتغير ملابسهم ثم نزلوا فركبوا السيارة وانطلقوا الى المستشفى....
**************************
عند ملك
كانوا يجلسون بجانبها وامها تبكي على حال ابنتها فكانت تقوم وتصرخ ثم تعود للنوم مرة اخرى
جاءت دكتورة نسمه برفقه جاسر للاطمئنان على ملك
دكتورة نسمه:  اهدى يا طنط هى كويسه صدقيني
روضه:  ازاى بس ديه كل شويه تقوم تصرخ ويغمى عليها
نسمه:  ده طبيعى
جمال: احنا عارفين أنه طبيعي بس قلقانين بردوا
نسمه : مفيش مشكله خالص
سيف : هى هتفوق امتى بقالها كتير نايمة
نسمه : هى واخده مسكن قوى علشان كده نايمه لأن خبطه دماغها ووجع ضلعها هيبقي صعب اوى
جمال : ماشي يا بنتى تعبناكى معانا
نسمه : ابدا والله ديه موكا صحبتى
روضه : ربنا يخليكم لبعض
نسمه : يارب بعد اذنكم
جمال : اتفضلى يا حبيبتى
خرجت نسمه ووقف جاسر على باب الغرفه يتطلع بملك
جمال :ادخل يا جاسر
جاسر:  لا انا كنت بطمن عليها وماشي
جمال:  تسلم يا جاسر تعبناك معانا روح ارتاح انت منمتش
جاسر:  لما تفوق هنام
سيف:  بابا نغم كلمتنى وقولتلها ان ملك حالتها صعبه وهى قالتلى انهم جايين
جمال:  ليه يا سيف بس
روضه:  هو عمل ايه يعنى مهو اكيد كانوا هيعرفوا
جمال:  ماشي اللى حصل حصل
جاسر:  عمى انا جبت اكل ومش عايز نقاش انتوا علشان تقدروا تاخدوا بالكم منها وتهتموا بيها لازم تبقوا كويسين و صحتكم كويسه
جمال:  حاضر يا بنى يلا يا روضه قومى ناكل يلا يا سيف
خرجوا جميعا ولكن ظل هاتف ملك يرن
سيف:  بابا شيماء وريتاج بيتصلوا بملك كتير اعمل ايه
روضه:  اوعى تقول لشيماء حاجة ديه مجنونه وممكن تلغى خطوبتها
جمال:  قول لريتاج يمكن لما تيجي وتسمع صوتهم حواليها تتحسن
سيف:  حاضر يا بابا
**************************
عند شيماء ويوسف
شيماء:  الو ايوة يا يوسف
يوسف:  ايه ردت عليكي
شيماء:  لا مبتردش انا قلقانه اوى ديه مخلصه عمليات اكتر من 4 ساعات
يوسف:  طيب وبعدين اتصلى باهلها
شيماء:  لا مش عايزة اقلقهم عليها
يوسف: طيب هنعمل ايه
شيماء:  اتصل بأى حد من المستشفى
يوسف:  ماشي وابقي طمنيني
شيماء:  حاضر سلام
يوسف:  سلام
جاءت شيماء لكى تتصل باحد ما فى المستشفى ولكن وجدت رقم ملك يتصل فرحت وردت
شيماء: هتجيبيلى سكته قلبيه مبترديش ليه
سيف:  انا سيف يا شيماء
شيماء:  انت ليه بترد على تليفونها ملك فيها حاجه
سيف: لا ملك كويسه
شيماء:  صوتك عامل كده ليه يا سيف بقولك ملك مالها
سيف:  بقولك هى بس جتلها ازمه النفس وهى كويسه دلوقتى
شيماء : طيب هات اكلمها
سيف:  اصلها نايمه
شيماء:  نايمه فين
سيف:  فى المستشفى لا قصدى فى البيت
شيماء: سييييف ملك فين
سيف:  فى المستشفى
شيماء:  طيب سلام
سيف:  يابت اصبرى
اغلقت شيماء الخط واتصلت بيوسف
يوسف:  الو
شيماء:  يوسف سيف اخوها اللى رد عليا
يوسف:  ليه بقي
شيماء:  بيقول ان جاتلها ازمه النفس ومتوتر كده ومش مظبوط وهو بيتكلم وعمال يغلط انا مش مرتاحه
يوسف : طيب هنعمل ايه
شيماء:  يوسف ممكن اطلب منك طلب ومتزعلش
يوسف:  من غير ما تقولى انا هقول لأهلى نخليها يوم تانى نيجي نطلبك وانتى فهمى اهلك وانا هاعدى عليكي ونروحلها سوا
شيماء:  ربنا يخليك ليا مستنياك
يوسف:  ملك ديه اختى مش بس صحبتك انتى يلا اجهزى سلام
شيماء:  هواء سلام
خرجت شيماء وقالت لأهلها فوافقوا سريعا
علاء والد شيماء:  روحى يا شيماء الود ودى اجى معاكى بس ابقي طمنيني عليها الا ملك ديه اخلاق واحترام انا بحبها جدا البنت ديه
ريهام والده شيماء:  ملك هو فى زيها المهم ابقي طمنينا
شيماء:  ماشي يوسف بيرن اهو سلام
علاء وريهام:  سلام
نزلت شيماء وركبت مع يوسف سيارته وانطلقا الى المستشفى
**************************
عند ريتاج وادم
ريتاج:  ادم انا بتصل وهى مش بترد
ادم:  وانا بتصل بأدهم مش بيرد
ريتاج:  بقولك اقفل ملك على الوايتنج
ادم:  طيب سلام
ريتاج:  الو يا موكا
سيف:  ريتاج انا سيف
ريتاج:  ازيك يا سيف اومال فين ملك
سيف:  بصي يا ريتاج اهدى كده واعقلى ملك تعبانه شويه وهى فى المستشفى
ريتاج بفزع:  انت بتقول ايه  مالها ملك يا سيف ومستشفى ايه
سيف:  المستشفى اللى بتشتغل فيها
ريتاج:  انا جايه حالا سلام
سيف : سلام
اتصلت ريتاج بأدم
ادم:  الو وصلتى لحاجه
ريتاج:  سيف رد عليا وبيقول انها فى المستشفى وتعبانه
ادم:  طيب انتى فين
ريتاج:  فى المستشفى اللى بشتغل فيها
ادم:  هاعدى عليكي سلام
ريتاج:  سلام
وفعلا بعد نصف ساعه جاء ادم واصطحب ريتاج وتوجهوا نحو المستشفى الموجده بها ملك
-*-*-*-*-*-*-*-*-*-*-*-*-*-*-*-*-
عند ادهم كان يقود السيارة بسرعه جنونيه
كمال:  ادهم هدى السرعه شويه
ادهم:  معلش يا جدى علشان نوصل بسرعه
كمال:  كده هنتقلب مش هنوصل بسرعه
ادهم:  حاضر يا جدى
صفاء:  يا جماعه انا قلبي واكلنى على البت احنا هنوصل امتى
ادهم:  خلاص يا ماما عشر دقايق بالكتير
صفاء:  جيب العواقب سليمه يارب
**************************
عند ملك
انتهى كلا من جاسر واسرة ملك من تناول الافطار وعادوا الى غرفتها وملك
كانت نائمه
سيف:  انا كلمت ريتاج وشيماء
روضه:  المهم شيماء قولتلها ايه
سيف:  لسه بقولها شويه ضيق تنفس راحت قالتلى سلام
جمال:  يبقى جايه
روضه:  يارب متجيش ديه خطوبتها النهارده
جمال:  يارب
سيف:  وريتاج جايه
جاسر:  شكلهم بيحبوها اوى
جمال : ربنا بخليهم لبعض
روضه:  يارب
انتفضت ملك وظلت ترتعش
روضه:  الحقنى ديه بتتنفض
جاسر:  هى بس مخضوضه هديها
روضه:  موكا انا ماما يا موكا اصحى يا ملك قومى طمنيني عليكي قلبي قايد نار طمنيني يا نور عيني سيف جابلك الشيكولاته اللى بتحبيها قومى متوجعيش قلبي الله يباركلك
هدأ جسد ملك واستكانت داخل احضان والدتها وظلوا على هذا الحال الى ان جاءت ريتاج ومعها ادم
ريتاج:  مالها ملك يا طنط ودخلت واول ما نظرت الى ملك ورأت وجهها
بدأت فى البكاء وقالت
ريتاج:  ايه اللى عمل فيها كده
ولكن لم يجيبها احد منهم فصرخت
ريتاج:  حد يقولى مالها
ادم:  ريتاج اهدى شويه
جمال:  اهدى يا ريتاج وقعدى وهافهمك كل حاجه
ريتاج:  مش هاهدى ومش هاقعد غير لما اعرف ايه اللى فى وشها ودماغها مربوطه كده ليه ديه مكلمانى امبارح وكانت بتهزر معايا وبتقولى محضرالك مفاجأة مستحيل تكون ديه المفاجأة
روضه:  اهدى يا ريتاج انا ماسكه نفسي بالعافيه علشان خاطر ملك اهدى
ريتاج:  حاضر فهمونى بقي
جمال:  بصي يا ريتاج وقص عليها ما حدث لملك
ريتاج بغضب:  وحيات امه لاموته اخر مرة انا وملك شتمناه وزعقناله ايوة و ملك قالتله المرة الجايه هابلغ البوليس علشان كده ملك غيرت الرقم بتاعها لانه كان بيتصل بيها يضايقها منه لله طيب هو فين دلوقتى
جاسر:  متقلقيش هو معايا
ريتاج:  موته يا عمى
جمال:  انا هاموته بأيدي بس لما هى تفوق واطمن عليها الاول
ادم:  ايوة صح ده. لازم يتعذب الاول
سيف:  انا هخليه يتمنى الموت ويتمنى اننا نسيبه زى ما هى كانت بتترجاه علشان يسبها
ريتاج:  هى مفاقتش خالص
روضه:  بتقوم تصرخ وتترجاه يبعد عنها وتنده علينا وتنام تانى او بيغمى عليها
ريتاج:  طيب و .....
قاطعها دخول نغم وكمال وصفاء وادهم
كمال:  ملك مالها يا جمال
جمال:  اهدى يا بابا هى كويسه متقلقش
ادهم: ايه اللى عمل فيها كده هى كانت كويسه امبارح
جمال: بابا تعالى معايا انت وادهم وادم وسيف وسيب الستات والبنات هنا مع بعض
كمال:  ماشي
ادهم:  مش هامشي قبل ما اطمن عليها
وبعدين انت بقي بتعمل ايه هنا
جاسر:  انا كنت بطمن عليها
ادهم:  بصفتك ايه
جاسر:  انا مش هتخانق معاك دلوقتى يا ادهم علشان مش وقته يلا نطلع ونسيبهم
كمال:  جدع يا جاسر وانت يا ادهم مش وقته الهبل ده
ادهم:  ماشي يا جدى اللى تشوفه
خرج الرجال وبقي السيدات فى غرفه ملك وجاء كلا من شيماء ويوسف
دخلت شيماء للبنات وبقي يوسف مع الشباب
**************************
خرج الشباب واخذ سيف ادم ويوسف وجاسر ونزلوا للكافيتريا وبقي ادهم وكمال وقص عليهم جمال ما حدث بالتفصيل
كمال بغضب:  الواد ده لازم يموت
جمال:  جاسر حابسه متقلقش والله يا والدى لولا جاسر كانت بنتى ميته والواد ده هربان
كمال:  جاسر اصيل ومحترم بس لازم نروح للواد ده دلوقتى
جمال:  لما ملك تفوق يا بابا
ادهم:  انا لو شوفته هاخنقه بايدى لحد ما روحه تطلع
جمال:  لا يا ادهم احنا هنعذبه وبعدين نسلمه للبوليس يكمل عليه علشان يعرف ان الله حق
كمال:  تمام اوى. ، يا حبيبتى يا ملك كل ده حصلك يا قلب جدك انا عاوز اطمن عليها يا جمال وديني اوضتها بقي
جمال:  استنى يا بابا تعالى نشرب شاى فى الكافيتريا وبعدين نطلع يلا يا ادهم
ادهم:  حاضر يلا بينا ننزل اصلا الشباب كلهم تحت
×_×_×_×_×_×_×_×_×_×_×_×_×_