عاشقه الشيكولاتة
الفصل الخامس
ملك: انت مين وانا فين
جاسر: اهدى يا دكتورة
سيف: موكا حبيبتى انتى حاسه بايه
ملك: سيف حبيبي متقلقش انا كويسه
جاسر: حمدالله على سلامتك يا دكتورة
ملك: الله يسلمك بس هو حضرتك مين
سيف: ملك حبيبتى انتى متاكده انك كويسه
ملك: ايوة والله كويسه جدا
سيف: صحيح ده استاذ جاسر يبقى مدير المستشفى ديه وهو اللى جابك هنا
ملك: اهلا وسهلا بحضرتك يا استاذ جاسر
ومتشكرة جدا على اللى انت عملته معايا
جاسر: متشكرة على ايه بس اهم حاجه سلامتك وانك متنسيش البخاخه تانى
ملك بضحك: يووو انضم للمجموعه ايه الى حصل يعنى نسيتها يا جماعه ايه محدش بينسي
سيف بغضب مصتنع: لا محدش بينسي حاجه مهمه زى ديه يا هبله
ملك: ماشي مقبوله منك يا زوق
ظل جاسر ينظر لملك ويتابع حديثها مع سيف ولاحظ برائتها وضحكتها ولون عيونها ولكن ظل يشغل تفكيره سؤال ياترى يا ملك انتى ايه بالنسبه لادهم؟
ولكن قطع تفكيره سيف وهو يقول: ايه يا استاذ روحت فين؟
جاسر : لا ابدا انا لازم انزل اشوف الشغل والف سلامه عليكي يا دكتورة مرة تانيه واشوفك بكرة بقي
ملك: الله يسلمك وان شاء الله بكرة هاجى الشغل
سيف: مع السلامه يا استاذ جاسر وفرصه سعيده انى اتعرفت على حضرتك
جاسر وهو ينظر لملك ويبتسم: انا اسعد يا دكتور سيف مع السلامه
خرج جاسر متجها الى مكتبه و لكنه اصطدم باحد الاشخاص وعندما التفت لم يجده فقال الممرض الذى امامه : ايه ده هو راح فين تلاقيه كان مستعجل وذهب الى مكتبه لا يدري من هو الذى اصطدم به للتو
عند ملك
سيف: قلقتيني لما لقيت راجل بيرد على تليفونك كنت هاموت لما قلى انك مغم عليكي وتعبانه
ملك: يا سيف اتعود على كده بقي
سيف: تصدقى انك حته عيله بارده
ملك بضحك: منا عارفه سيف هو احنا هنبات هنا ولا ايه
سيف: لا بس لما ادهم يجي هنمشي
ملك: وادهم ايه اللى عرفه انى هنا
سيف: اصلى كنت بكلمك وبعدين جاسر رد عليا وقالى انك هنا انا كنت متوتر وادهم اتصل بيا قام سألنى انت فين قولتله رايح اجيب ملك بس هتاخر قالى ليه قمت حكيتله راح قالى متتحركش غير لما اجيلك فهنستناه لحد مايجي......
اكيد طبعا عرفتم مين اللى خبط فى جاسر وهو ادهم!!!!!
ملك: ليه يا سيف بس تقوله
ادهم: وفيها ايه لما يقولى هو انتى مش بنت عمى وزى اختى ولا ايه
ملك: ايوة عندك حق
سيف: هو انتى كنتى ناسيه ولا ايه
ادهم بهدوء: انتى كويسه يا ملك
ملك باستغراب من تبدل حاله: ها ...اه كويسه الحمد لله
ادهم: طب يلا نمشي ولا هتبات هنا
سيف: لا عادى يلا اخرج انت يا ادهم وانا هاجيبها واجى
ادهم: طيب هستناكم تحت
سيف: طيب
ملك: لا ثانيه واحده انا لازم اطله اشوف محمد واتطمن عليه
سيف: يا حبيبتى بكرة انتى تعبانه
ملك: مش هاقدر اروح من غير ما اتطمن عليه
سيف: يا ملك اسمعى الكلام مرة واحده طب اقولك انا هاطلع اطمنلك عليه
ملك: لا انا عاوزة اشوفه واتطمن عليه بنفسي ارجوك يا سيف
سيف: طيب يا ملك هاجى معاكى
ملك: لا خليك انا هاطلع لوحدى اشوفه واجى على طول علشان ميزعلش منى واديله اللى انا كنت جيباه ليه
سيف بضحك من طيبه اخته: طيب متتاخريش
كل المحادثه ديه وادهم غاضب بشده وهو يسمعها بتتكلم على محمد لانه فاكره شاب كبير مش طفل صغير وافتكر حوارها فى البلد مع سيف وجدها وهى بتقول انت عارف يا جدو انا بحبه قد ايه وهو متعلق بيا وبيحبنى قد ايه وفضل يسأل نفسه معقوله تكون بتحب طيب ليه مخطبهاش وكمان سيف عارف وساكت طيب وانا متضايق ليه هى حرة قطع تفكيره سيف وهو يقول : ادهم روحت فين ايه الحكايه كلكم مش هنا النهارده
ادهم: لا موجود اهوه بس خد اقولك انت عادى كده ازاى
سيف: يعنى ايه عادى
ادهم: يعنى سايب اختك تطلع للواد ده لوحدها
سيف: وفيها ايه
ادهم بغضب: متعصبنيش يا سيف سايب اختك تطلع عند الواد اللى هى بتحبه
وواقف هنا
سيف بضحك: انت عبيط من الواد ده
ادهم بعصبيه: احترم نفسك وبعدين واد ايه اللة بتسأل عليه الواد اللى اختك طلعتله دلوقتى يبقي مين ان شاء الله
سيف: اولا انت مالك ثانيا الواد ده عنده 10 سنين ثالثا: انت مالك
ادهم: اولا زى ثالثا وبعدين ازاى عنده 10 سنين
سيف: بص يا سيدي محمد ده كان ولد عنده مشكله فى القلب وكان بيتعالج فى مستشفى حكومى وكانوا مهملينوا شويه واختى راحت هناك فترة كده كده مش فاكر ليه المهم شافت محمد اتعلقت بيه ونقلته هنا وكش بصراحة دكتور حاتم وافق ازاى اصله مادى اوى وبس بقت هى المشرفه على علاجه وهو عمل عمليه النهارده وهى طلعت تطمن عليه فهمت يا سيدي
ادهم براحه: اه فهمت
سيف بخبث : بس انت ايه اللى مضايقك عيل ولا شاب
ادهم بغضب: انت عبيط يا سيف اكيد يهمنى
ثم ادرك ادهم خطائه واردف مصححآ للوضع
ادهم: يعنى يهمنى علشان هى بنت عمى وزى نغم بالنسبالى
سيف بضحك: طيب يا عم خلاص منا عارف
ادهم. : طيب مش هنمشي بقي
سيف: ادهم فى موضوع عايزك فيه ضرورى
ادهم: عرفته
سيف: من مين
ادهم: من امى وجدك
سيف: طيب قولت ايه
ادهم: انا مش هلاقى حد يحافظ على نغم زيك
سيف بفرحه : بجد يا ادهم
ادهم: ايوة موافق
سيف وادهم قاموا باحتضان بعضهم ثم نزلت ملك ونزلوا لكى يذهبوا الى المنزل قال ادهم : سيف هتركب ملك معاك ولا معايا
سيف: اللى هى عاوزاه
ملك: معاك يا سيف علشان كده كده هنروح بيتنا
سيف: لا يا ملك احنا هنقعد مع ادهم علشان نسافر بكرة
ملك: طب وشغلى
سيف: استاذ جاسر اداكى اجازة عادى انا كلمته
ملك: ماشي يا سيف
خلال حديثهم كان ادهم متضايق للغايه فكان يريد ان تختار ملك الركوب معه ولكنه لا يدري لما تمنى ذلك
صعد الجميع ووصلوا الى فيلا ادهم
ودخلوا الة الصالون وجلسوا فقالت ملك: انا جعانه وانتم
سيف: ايوة وانا كمان
ادهم: طيب تاكلوا ايه
ملك: انا اللى هطبخ
ادهم. : لا انتى لسه تعبانه
ملك: لا مش تعبانه وبعدين انا هاعمل بيتزا يعنى مش هتاخد وقت ولا مجهود
سيف: ايوة يا موكا بقالى كتير مكلتش منك بيتزا
ادهم: طيب انا موافق بس بشرط نعملها معاكى تمام انا هاغير هدومى وانزل
ملك وسيف: تمام واحنا هانغير وننزل
نزلوا جميعا مرتدين ثياب مريحه فكانت ملك مرتديه: بنطال اسود وبلوزة ورديه مرسوم عليها اميرات ديزنى وترتدى حجاب مناسب فكانت لطيفه للغايه
وكان ادهم يرتدى: شورت اسود اللون وتيشرت رمادى وكان وسيم وجميل للغايه
وسيف كان يرتدى شورت ابيض وتيشرت احمر وگان لطيف ووسيم ايضا
دخلوا جميعا الى المطبخ وبدا ادهم يقطع الخضروات وملك تصنع العجينه وسيف يقوم بعمل الصلصه ولكن لم يخلوا الامر من شقاوة ملك
أنت تقرأ
عاشقه الشيكولاته ❤️🍫
Любовные романыلا اعلم من اعشق لكنى احاول اكتشاف ذلك ولكن غموضك يجعلنى اخاف لانى لا اعرف ما هو القادم وانت الاخر لا اعرف ما تخبئه خلف هذه البسمه ولكن اعدك سوف احاول تبين الحقيقه ❤️❤️ (مكتملة)
