عاشقه الشيكولاته ❤️🍫

بارت 11

عاشقه الشيكولاته
الجزء الحادى عشر
ادهم:  انت
جاسر:  اهلا يا ادهم باشا
ادهم:  ده انت وقعت امك سوده
امسك ادهم جاسر من ياقه قميصه وجذبه خلفه الى غرفه المكتب فرأه كمال فذهب خلفه من دون ان يلفت الانتباه
دخل ادهم المكتب واغلق الباب ورائه ولكنه سمع صوت جده كمال من الخارج
كمال:  افتح يا ادهم
ادهم:  جدى لو سمحت امشي لانى مش هافتح
كمال:  افتح بدل ما اروح انده ادم وسيف هما يكسروا الباب وساعتها الفرح يبزظ
ادهم:  يا جدى امشي بعد اذنك
كمال بصرامه:  قولتلك افتح يا ادهم
فتح ادهم الباب فوجد جاسر يقف وعلى وجهه علامات البرود والهدوء وادهم مرسزم على وجهه بركان من الغضب
كمال:  ايه اللى جابك يا جاسر
جاسر:  ازيك يا جدى وحشتنى اوى
كمال:  ماشي يا جاسر بردوا ايه اللى جابك
جاسر:  معزوم على الفرح
ادهم:  اكيد ادم هو اللى عزمك مش كده والله لاروح اموته
جاسر:  لا ادم معزمنيش انا معزوم من حد اهم من ادم
كمال:  بلاش لف ودوران يا جاسر وقول مين اللى عزمك
جاسر:  انا مش بتاع لف ودوران يا جدي
ادهم:  متقولوش يا جدى
كمال:  مش وقته الكلام ده اخلص يا جاسر مين اللى عزمك
جاسر:  الدكتورة مل....
لم يكمل جملته بسبب اللكمه التى وجهها له ادهم ثم اصبح فوقه يكيل له اللكمات واحده ورائها واحده اقوى وجاسر يحاول التخلص منه ثم بدأ جاسر ايضا فى لكم ادهم واشتعل بينهم الشجار وكمال يحاول ابعادهم عن بعضهم ولكن هيهات هو عجوز وهم شباب اقوياء يافعون ظلوا يتقاتلوا ومن بين القتال قال ادهم:  اسمها ميجيش على لسانك يا حيوان
جاسر:  اسمها ده بنطقه كل شويه لانها شغاله عندى فى المستشفى يا ادهم
ادهم:  وحياتك عندى لتسيب المستشفى
جاسر:  ابقي ورينى يا ادهم
ادهم:  هاتشوف يا وسخ
كانت ملك تبحث عن جاسر ثم جاء والدها وخبرها ان تذهب الى المكتب لتبحث عن جدها لان الضيوف تسأل عنه وفعلا ذهبت ملك الى المكتب وسمعت اصوات عاليه وصوت جدها يصرخ ويقول:  كفاايه هتموتوا بعض
دخلت ملك بسرعه فرأت جاسر وادهم بضربان بعضهما وجدها يحاول تخليصهم من بعضهم البعض
حين رأها ادهم ابتعد عن جاسر ووقف جاسر بهندم من ملابسه وشعره
ملك:  ايه اللى بيحصل ده يا ادهم انت مالك ومال جاسر عملك ايه علشان تعمل فيه كده ده ضيف تقوم تبهدله بالمنظر ده
ذهبت ملك لجاسر وقالت:  انت كويس يا جاسر انا اسفه بجد حقك عليا ايه اللى حصل علشان ادهم يضربك بالشكل ده
نظر جاسر لادهم نظرة تحمل معنى( وهو انه يقول له انظر كيف تخاف على ولا تهتم لامرك )
جاسر:  انا كويس يا ملك متقلقيش عليا حصل سوء تفاهم بينى وبين ادهم
ادهم:  ملك انتى تعرفى جاسر منين
ملك:  جاسر مدير المستشفى بتاعتى ليه يا. ادهم هو انت تعرفوا
جاسر:  انا وادهم اصحاب
ادهم:  كنا اصحاب ودلوقتى اعداء
كمال:  مش وقته الكلام ده يا ادهم
ملك:  انا مش فاهمه حاجه يا جدو
كمال:  ملك مش عايزين نبوظ فرح اخوكى بعد الفرح هنقعد كلنا نتكلم لانى محتاج افهم حاجات كتير اكتر منك ماشي
ملك:  حاضر يا جدو بس اسمحلى اطلع اجيب علبه الاسعافات الاوليه وانضف الجروح بتاعت البهوات دول
كمال:  ياريت يا ملك علشان ميفضحوناش بره قدام الضيوف
ادهم:  لا مفيش اى حاجه هتحصل غير لما الواد يطلع بره
جاسر:  عاجبك كده يا جدى
كمال بصرامه:  ادهــــــــم انا قولت كلمه محدش هيمشي وبعد الفرح لينا كلام تانى فاهمين ولالا
ادهم وجاسر:  فاهمين
كمال:  موكا حبيبتى خلصي نضفيلهم الجروح واطلعى ورايا وياريت متسيبهمش مع بعض لوحدهم
ملك:  حاضر يا جدو بس خليك هنا ثانيه اطلع اجيب علبه الاسعافات وانزل
كمال:  روحى يا حبيبتى
صعدت ملك سريعا وجلبت علبه الاسعافات الاوليه ونزلت واخبرت.جدها ان يذهب لان الناس تسأل عن انصرف كمال وذهبت ملك لجاسر اولا لتنظف له جروحه لانها اكثر من ادهم ولكن ادهم فهم انها ذهبت له اولا لانها خائفه عليه وجاسر فسر ذهابها اليه قبل ادهم بنفس التفسير وظل يرمق ادهم بنظرات تحدى ويبادله ادهم نظرات غضب وتوعد
ملك:  انا اسفه يا جاسر بس انا مش فاهمه ايه اللى حصل انا سبتك ثوانى بس اللى حصل
جاسر:  اهدى يا ملك محصلش حاجه
ملك:  ووشكم الى مليان جروح ووارم من كتر الضرب ده ايه كنتم بتلعبوا
ادهم:  اسأليه اهو عندك
جاسر:  طيب ما تقولها انت يا ادهم
ملك:  بس خلاص مش عايزة اعرف انا خلصت يا جاسر ممكن تخرج دلوقتى ولو بابا سألك متردش عليه وقوله هفهمك بعد الفرح تمام
جاسر:  حاضر يا ملك
خرج جاسر وهو متضايق لانه ترك ملك مع ادهم
ادهم:  خلتيه يخرج ليه خايفه عليه منى
ملك:  لا خايفه عليك انت
ادهم بفرحه من داخله:  لا والله
ملك:  بص هى هتوجعك شويه بس معلش
ادهم:  ما دام من ايدك يبقي مش هتوجعنى
ملك بابتسامه:  طيب انا هحطلك لزقه وخلاص ابقي خلصت
ادهم:  تمام
وضعت ملك له الضماده وثم قالت : ادهم ليه ضربته
ادهم:  هتعرفى كل حاجه يا ملك بس بعد الفرح
ملك : طيب يا ادهم براحتك
ادهم:  ملك عاوز اطلب منك طلب واسألك سؤال فى نفس الوقت
ملك:  اقول واسأل
ادهم:  السؤال الاول وهو انتى فى حاجه بينك وبين جاسر
ملك:  ايه اللى خلاك تقول كده وبعدين انا لسه عارفه جاسر من اسبوع
ادهم:  ملك سؤالى واضح فيه ولا مفيش
ملك:  معرفش
ادهم بغضب:  يعنى ايه معرفش هو يا اه يا لا
ملك:  معرفش يا ادهم لانى مبحبش اكدب
ادهم:  يعنى فيه
ملك:  مش عارفه ارجوك متضغطش عليا
ادهم:  طيب انا حاسه بحاجه ناحيتي
ملك:  نعم
ادهم:  ارجوكى يا ملك ده الطلب جاوبيني
فى شعور منك ناحيتي بأى حاجه
ملك بخجل:  معرفش يا ادهم
ادهم: يعنى فيه
ملك:  انا ماشيه سلام وخرجت ملك بسرعه ولم ترى جاسر الذى كام يستمع لكلامهم وتأكد من سريان خطته بنجاح
ادهم:  يعنى فيه حاجه ناحيتي وناحيه جاسر طب اوعدك يا ملك انى هاكبر شعورك ناحيتي وهاخفى اى حاجه ليها علاقه ليك يا جاسر والايام جايه وشكلنا هننبسط على الاخر،  ثم خرج ادهم ايضا. فوجد جاسر يقف بجانب ملك فغار كثيرا وذهب ووقف بجانبها من الناحيه الاخر
صدم ادم عند رؤيته لجاسر وثم لاحظ الجروح على وجهه ورأى ادهم ايضا به بعض الجروح فاتأكد انهم تشاجرا فوقف بسرعه وتوجه ناحيه ادهم وقال بصوت منخفض
ادم: ايه اللى جاب جاسر هنا وايه اللى فى وشكم ده ايه اللى حصل
ادهم:  بعد الفرح نبقي نتكلم
ادم:  بس يا ادهم انا عايز اعرف
ادهم:  قولتلك بعد الفرح سيبنى فى حالى بقي
ترك ادم ادهم وذهب الى جاسر فامسك به وابتعد قليلا عن الناس
ادم:  ايه اللى جابك يا جاسر
جاسر:  جاى اباركلك يا عريس معقوله نسيت تعزمنى ولا ادهم منعك زى مامنعك تكلمنى زمان
ادم:  بقولك ايه امشي احسنلك
جاسر:  بعد الفرح كل حاجه هتبان وساعتها هامشي
ادم:  هو فى ايه ادهم يقولى بعد الفرح وانت تقولى بعد الفرح اما نشوف
ثم تركه وذهب لريتاج
ذهبت صفاء لادهم عندما لاحظت وجهه ورأت جاسر
صفاء:  ادهم
ادهم:  : نعم يا ماما
صفاء:  ايه اللى فى وشك ده وايه جاب جاسر هنا
ادهم:  بعد الفرح بقي انا زهقت كلكم هتعرفوا كل حاجه
صفاء:  لا عاوزة اعرف دلوقتى
ادهم:  بلاش نبوظ فرح نغم بعد الفرح هافهمك كل حاجه اوك
صفاء:  ماشي يا ادهم
جمال:  ملك
ملك:  نعم يا بابا
جمال:  جاسر وشه عمل كده ليه وادهم كمان هما اتخانقوا ولا ايه
ملك:  بعد الفرح يا بابا هنفهم
جمال:  طيب يا ملك اما نشوف
لاحظت نغم وجه ادهم ورأت جاسر فتوترت فلاحظ سيف توترها ولكنه اعتقد انه من الزواج وهذا شئ طبيعي ولكنه رأى ادهم وجاسر والعلامات والجروح على وجههم ولكنه رفض ان يسأل الى ام ينتهى الزفاف ( عاقل يابنى والله مش رغاى وعايز تعرف كل حاجه دلوقتى 😂)
**********************************
انتهى الحفل و ذهب الجميع وتبقي الاسرة الكريمه المكونه من ( كمال،  ادهم، ملك،  جمال، روضه، صفاء، ادم، سيف، نغم، جاسر ) ولكن ريتاج غادرت مع اهلها
كمال:  كله يقعد وهاسمع من واحد واحد
جلسوا جميعا
كمال:  ممكن اعرف ضربتوا ليه يا ادهم
ادهم:  ضربتوا علشان لقيته فى بيتي من غير اذنى
كمال:  بس ديه مش اخلاق يا ادهم انك تضرب ضيفك
ادهم:  جدى انت عارف الموضوع القديم وانا مش عايزه يتفتح تمام بس ارجوك تقولوا يمشي ويبعد عننا تانى زى ما كان بعيد
كمال:  جاسر ايه اللى جابك
جاسر:  جيت علشان ملك ..
ادهم بغضب:  اسمها دكتورة ملك او الدكتورة بس متنطقش اسمها بلسانك الوسخ ده
جاسر:  شايف يا جدى بيتكلم ازاى
كمال:  ادهم اتلم شويه احترم انى قاعد جمال خود سيف وملك واطلع فوق يلا وانتى يا صفاء خدى نغم واطلعى مش عايز حد غير ادهم وجاسر وادم بس
جمال:  حاضر يلا يا ملك انتى وسيف
ملك:  يا جدو انا عاوزة اقعد
كمال:  اطلعى يا موكا وشويه وهندهلك
ملك : حاضر يا جدو
وصعد الجميع وتبقي الثلاثى وكمال
كمال:  اسمع منك يا جاسر الاول
قص جاسر على كمال كل ماحدث تحت انظار ادهم وادم الغير مصدقه والمذهوله ولكن اخفى جاسر موت سارة واخبرهم انه لا يعرف مكانها
كمال:  انت متأكد يا جاسر من اللى ب
بتقوله ده
جاسر:  ومكدبتش عليك يا جدى فى حرف
كمال:  ادهم احكيلى اللى حصل
قص ادهم ايضا القصه بالتفصيل ولكن جاسر كان مصدوم و لا يصدق او انه لا يريد ان يصدق ما قاله ادهم
كمال:  ادم انت سمعت الكلام ده قبل كده
ادم:  لا يا جدى ديه اول مرة اسمع الكلام ده
جاسر:  طبعا اول مرة يا جدى ادهم خلى ادم قطع علاقته بيا تماما وادم سمع كلامه على طول
كمال:  فى ديه ادهم وادم غلطانين
ادهم:  يا جدى بس
كمال:  اسمعنى للاخر واياك تقاطعنى
ادهم:  اتفضل يا جدى
كمال:  انا بصراحه مصدقكم انتم الاتنين بس حاسس بحاجه غربيه فى الموضوع من ناحيه البنت ديه مش حاسس انها صدفه انها تقابلكم انتوا الاتنين فى نفس الوقت وتسيب جاسر وتروح لادهم وبعدين جاسر. انا مش مرتاح
ادهم:  انت مصدقه يا جدى ديه حته قصه اخترعها علشان يبرر خيانته ووساخته نسي نفسه لما ابويا رباه وعلمه وكبره واعتبره ابنه التانى مكنش بيفضلنى عليه كان بيعملنا واحد يقوم ينكر جميله بسرعه ويخون ابنه اللى هو صاحبه واخوه وعشرة عمرة ده احنا كنا مثلث فاكر ولا نسيت ده كمان كانوا بيحسدونا على صداقتنا وايه كانوا دايما يقولوا اننا شبه بعض نسي كل ده وداس عليه بجزمته وراح زغلل عين البنت اللى حبيتها وخدها منى وايه كمان الله اعلم هى فين دلوقتى ولا هو عمل فيها ايه تعرف يا جاسر انا بكرهك اوى مش علشان اخدت سارة منى لا علشان هانت عليك صداقتنا بسهوله رميتها فى اقرب سله زباله انا بس دلوقتى عرفت انت كنت مصاحبني ليه علشام الفلوس صح يا جاسر ولا انا هافمك غلط
هب جاسر واقفا وصرخ فى ادهم قائلا:  انا يا ادهم صاحبتك علشان فلوسك ده انا كنت زى الخدام بتاعك روح اروح سافر اسافر اشتغل اشتغل كل اكل اشرب اشرب البس البس كنت بسمع كلامك بالحرف علشان كنت بحبك وبقول ده اخويا اه وابوك كان دايما يفضلك عليا ده طبيعي لانك ابنه كان لما بيجيب حاجه بيخليك تختار الاول وانا اخد اللى معجبكش حتى الشركه انت المنصب الاعلى وانا وادم اقل منك حتى فى المرتب والصلحيات وفى كل حاجه بس كنت بقول كفايه انى جنبك وعندى عيله وعايش ومتعلم برا ومبسوط ويوم ما حبيت تسيبنى وتروحلك وانت تسوء صورتى قدامها علشان ترضي بيك يا اخى ده حتى الجامعه كانوا الدكاترة بيحبوك اكتر علشان انت ابن ياسين السيوفى
وكل ده وانا وانت واحد وبردوا كل ده مكنش فى دماغى يا ادهم واذا كنت انت بكرهنى قيراط انا بكرهك 24 قيراط يا ادهم
كمال:  خلصتوا انتم الاتنين اقعدوا
دلوقتى انتم الاتنين قلتوا كل اللى عندكم وارتاحتم صح حلو اوى اتعاتبنا يبقي نتصالح بقي
ادهم:  مستحيل يا جدى
جاسر:  من رابع المستحيلات
ادهم:  وانت تطول
جاسر:  واطول اطول من كده كمان
كمال: ايه شغل العيال ده
ادم:  قولهم يا جدى
جاسر وادهم:  اخرس يا حيوان
ضحك ادم وقال:  رجعنا لقله القيمه تانى
كمال: يا ولاد الصداقه ديه كنز هتندموا على كل يوم ضاعت فيه منكم
ادم:  بالله عليكم تعالوا نرجع زى زمان يا ادهم انت وجاسر
ادهم:  لا يعنى لا ده عدوى
جاسر:  صدقنى انت بقيت انسان اشد من عدو بالنسبالى
ادهم:  يبقي نكمل زى ما حنا ووعد منى همحيك من على وش الدنيا
جاسر : وانا هستنى انك تنفذ وعدك يا ادهم بس زى مانا هستناك تنفذ انا بردوا لسه عند وعدى انتقامى منك هيكون ضربه فى مقتل يا ادهم
ادهم:  احب اشوف الانتقام بتاعك
جاسر:  هاتشوف
كمال:  الله الله انا بقي ايه لازمتى فى القعده ديه
جاسر:  يا جدى انت مش سامعه بيقول ايه
كمال:  سامعه وسامعك وقرفت منكم
ادهم:  يبقي معلش يا جدى اطلع انت من الحوار وسيبنا مننا لبعض
جاسر:  بالظبط ده حل مرضي لجميع الاطراف
ادم:  بطلوا تفاهه وكفايه بقي كره وانتقام
كمال:  انا كرهتكم ايه كلامكم كله انتقام وكره وحقد انتوا مش ولادى اللى ربتهم على الحب والموده والاهم من ده كله التسامح والاخاء
ادهم : وهو نكر كل ده وعض الايد اللى اتمدت له
جاسر:  لا يا جدى والله منكرت جميلك عليا لا انت ولا عمى ياسين وهافضل شايله فى رقبتى ليوم الدين
ادهم:  اطلع بره يا جاسر ومش عايز اشوف وشك وابعد عن ملك
جاسر:  انا هاطلع بره ومش هاوريك وشي تانى بس عمرى ما هابعد عن ملك ابدا يا ادهم
ادهم : نــــــعـــــم !!!!!!!
ياترى ايه اللى هيحصل بين ادهم وجاسر ؟
اجابه السؤال ده الفصل الجاى من عاشقه الشيكولاته 🍫❤️
الفصل (2089)كلمه اهوه اى خدمه 😉❤️