عاشقه الشيكولاته ❤️🍫

بارت 13

عاشقه الشيكولاتة
الجزء الثالث عشر
ادهم:  ايوة يا ملك انا بحبك .. بحبك يا عاشقه الشيكولاتة..
ملك بصدمه:  ايه اللى انت بتقوله ده
ادهم:  انا بموت فيكي يا ملك مش من دلوقتى ده من زمان يا ملك فاكرة لما كنا نقول هنتجوز واحنا صغيرين يا ملك فاكرة لما كنت بديكي الشيكولاته وكنت ببوسك من خدك واقولك ده احلى من الشيكولاتة فاكرة
ملك:  فاكرة يا ادهم بس انا ...
ادهم:  انا مش عايزك تردى دلوقتى انا هديكي وقت علشان تردى وانتى متأكده من مشاعرك
ملك: ادهم صدقنى انا
ادهم:  عارف انك بتحبيني بس مشاعرك مهزوزة علشان كده عايزك تبقي براحتك خالص وانا هافضل مستنيكي طول عمرى يا ملاكى
ملك:  احلى دلع لاسمى مكنتش متخيله هاسمعه تانى
ادهم:  ملاكى واحلى ملاك فى الدنيا
ملك:  طيب كفايه بقي
ادهم:  بتتكسفى لسه يا ملاكى على العموم انا ماشي بس هابقي اكلمك وياريت يا ملك تفكرى بقلبك اركنى عقلك شويه وركزى انتى عاوزة مين
ملك: حاضر يا ادهم
ادهم:  انا ماشي بقي سلام يا ملاكى
ملك:  سلام يا دومى
ادهم:  يااااه وحشتنى الكلمه ديه بس منك انتى بس
ملك:  طيب امشي بقي
ادهم:  من عيونى سلام وخلى بالك من نفسك
ملك:  حاضر
غادر ادهم وقلبه يرفرف من الفرحه وملك تقسم ان قلبها كاد يخرج من صدرها من كثرة فرحتها فهى تحب ادهم ولكن ما مشاعرها نحو جاسر اذن فعزمت ملك على ام تحدد مشاعرها حتى لا تظلم احدهم معها ثم اتجهت الى غرفه الاطباء لتتجهز للعمليه ولكم تكن تعلم ان كان هناك شخص ما يراقبها وسمع كلامها مع ادهم وغضب بشده وعزم على الانتقام منها بشده
كانت ملك فى الغرفه وجاءت لها الممرضه تخبرها بأن المريضه فى غرفه 223 فى الدور الخامس مريضه للغايه فذهبت ملك وهى تركضت ونسيت ان هذا الدور لا يوجد به مرضي لانه تم تحويلهم الدور الاول لافتتاح القسم المجانى فى الدور الاول
ركضت ملك وخلفها الممرضه ولم تستخدم ملك الاسانسير بسبب خوفها من ان يتعطل فصعدت على قدمها والممرضه خلفها حتى وصلوا للغرفه كان خالد يقف على باب الغرفه فقال للممرضه:  بقولك يا نور روحى هاتى حقن مهدئه وانبولات لوقف النزيف  فاهمه وبراحتك لانك ممكن متلقيهمش
على طول اهم حاجه متطلعيش من غيرهم
شكت الممرضة نور فى كلامه ولكن نزلت لتحضر الاغراض
فقالت ملك:  ممكن توسع انت واقف على الباب كده ليه وفين المريضه
خالد:  وقعت فى الحمام وبتنزف جامد علشان كده ندهتلك انتى بنت وكده ادخليلها
ملك:  طيب وسع انت او انزل
خالد:  لا انا هاقف هنا لو احتجتي حاجه
ملك:  طيب
دخلت ملك الحمام فلم تجد احد فاستغربت ولكن دب الرعب فى قلبها حين سمعت باب الغرفه يغلق التفتت ملك وخرجت من الحمام فوجدت خالد يستند على الباب ويضحك ثم قال
خالد:  انتى نسيتى ان كل الحالات اتنقلت تحت الدور الاول اه يا  عينى اصل كلام ادهم باشا ينسي بصراحه
ملك:  انت كنت بتتصنت عليا انا وادهم
خالد:  من غير قصد كنت داخل اقولك ان المريضه جاهزة ومستنين دكتور التخدير وسمعتكم من غير قصد
ملك: وانت متضايق ليه بقي ولا اقولك وسع علشان انزل
خالد:  وهو انا مطلعك لحد هنا علشان اسيبك تنزلى
ملك بخوف : بقولك ايه يا خالد وسع خليني انزل
خالد:  تؤتؤ ازعل كده وانا زعلى وحش اوى
ثم بدأ خالد فى الاقتراب منها وهى تعود للخلف وتقول
ملك:  خالد انا زى اختك بالله عليك تسيبنى انزل واللى انت عايزه هاعملهولك
خالد:  والله فكرانى عيل صغير ولا ايه. يا دكتورة ملك هتحايليني بكلمتين
ملك:  خالد ليه تعمل حاجه تندم عليها ابوس ايدك افتكرلى اي حاجه كويسه ابوس ايدك
خالد:  انتى حبيتيه صح طيب انا لا ليه قالها بصراخ
ملك:  مين ده اللى حبيته
خالد:  ادهم اللى كان بيقولك بحبك وانتى كنتى مبسوطه اوى وطايرة
ملك:  طيب انت عاوز ايه
خالد:  مش عايز حاجه من الدنيا غيرك
ملك: طيب خرجنى من هنا واللى انتى عاوزه هاعمله
خالد:  قولتلك لا يا ملك
ثم اقترب منها وحاول الاعتداء عليها وهى تدفعه بكل قوتها حتى نجحت فى ذلك ودفعته وركضت الى باب الغرفه فوجدته مغلق بالمفتاح
خالد:  مقفول يا حلوة
ملك:  والنبي افتح الباب يا خالد
خالد بصراخ:  قولت لا يا ملك
ركض لها وامسكها من حجابها وخلعه عنها ورماه وامسكها من شعرها وقال
خالد:  بتحبيه ولالا
ملك:  سيبنى بقي يا حيوان
خالد:  بتشتميني طب تصدقى انى كنت ناوى اسيبك بس بعد كلمه حيوان وحيات امك ما هاسيبك
ملك:  انت زباله وحيوان ابعد بقي عنى اااااااااه
صرخت بسبب ان خالد ضربها بالقلم
كانت نور وجدت الاغراض وصعدت الى الغرفه فسمعت صراخ ملك فاقتربت من الباب فسمعت خالد يقول
خالد:  وحيات امك يا ملك لاخليكي تيجي تبوسي رجلى علشان اتجوزك
فزعت نور وركضت لتخبر جاسر
استقلت نور الاسانسير فنزلت بسرعه ركضت الى مكتب جاسر وقالت
نور:  جاسر بيه. الحق دكتورة ملك
نهض جاسر بسرعه وقال : مالها ملك
نور : مش وقت اسئله الحقها يلا
ركضوا وصعدوا فى الاسانسير
كانت ملك تجرى من خالد فى انحاء الغرفه وهو يجرى خلفها الى ان امسكها وظل يصفعها على وجهها حتى اصبح وجهها ملئ بالدماء
وهو يصرخ بها ويقول:  ليه بتكرهيني اوى كده يا ملك ليه ده انا بموت فيكي لييييييييه
كان جاسر وصل وسمع صراخها وهى تقول
ملك:  انت يا حيوان سيبنى بقي ابعد ابوس ايدك
خالد:  ابدا يا ملك ابدا
جاسر من الخارج :  ابعد عنها يا خالد وحيات امك لاقتلك
انتهزت ملك فرصه صدمه خالد من صوت جاسر وركضت فركض ورائها وامسكها وكتم فمها
جاسر:  اوعى علشان هاكسر الباب
دفع جاسر الباب فخاف خالد فدفعته ملك وابتعدت عنه ظل يتقدم لها وهى ترجع بخوف حتى انزلقت قدمها ووقعت على. الطاوله الزجاجيه فصرخت ثم رأى خالد الدماء تخرج من رأسها ونبضها ونفسها توقف خاف خالد. وذهب لها ولكن انتفض حين دخل جاسر الغرفه بعد ان كسر الباب ..
صدم كلا من جاسر ونور من منظرها وثم ذهب جاسر الى خالد وظل يضربه حتى وجد نور تقول
نور:  جاسر بيه ديه مش بتتنفس سيبه وتعالى شيلها معايا خلينا نلحقها تركه جاسر بعد فقد وعيه وتوجه ناحيه ملك وحملها ونزلوا سريعا وتركها على السرير واستعدى الاطباء الموجودن فى المشفى فطلبوا منه الخروج من الغرفه
خرج واتصل على رجاله لكي يأخدوا خالد على مخزنه حتى لا يهرب وبالفعل اخذوا رجال جاسر خالد وتعاملوا معه ولكن ابقوه لحين يأتى له جاسر
خرجت الدكتور نسمه وقالت لجاسر:  حالتها. صعبه ايه اللى عمل فى ملك كده يا جاسر
جاسر:  معرفش بس حالتها صعبه ازاى
نسمه:  يعنى نزفت دم كتير ومضروبه بغباء وشها كله شرب والضلع اليمين مكسور الظاهر انها وقعت على حاجه صلبه او حد فضل يضربها فى الضلع ده جامد جدا وكمان كان فى زجاج فى كل جسمها تقريبا بس احنا دلوقتى هندخلها اوضه العمليات وانت ياريت تتصل بأهلها تعرفهم
جاسر : لا بلاش اهلها انا هاروح مشوار وجاى اوعى تتصلى بأهلها لحد ما جى تمام
نسمه:  حاضر
خرج جاسر متوجه ناحيه المخزن
دخل خالد وطلب من رجاله ان يخرجوا من الغرفه ويتركوه معه لوحده
جاسر : الرجاله روقتك بس انا لسه هظبطك اكتر بس الاول تقولى انت غبي اوى كده واخدها فى المستشفى تعتدى عليها ما اكيد كان حد هيسمع صوتها او صوت اى حاجه
خالد بتعب:  الدور ده مهجور بقاله اسبوعين محدش بيطلعه اصلا وكمان الدور الثالث فى حيطان عازله للصوت
جاسر:  اه يا وسخ يعنى مخطط لكل حاجه قولى بقس ضربتها ازاى
خالد:  مكنش قصدى اضربها بس هى كانت بتجرى وانا مكنتش شايف قدامى من العصبيه
جاسر:  وانت ايه اللى كان معصبك
خالد:  سمعتها بتكلم واحد اسمه ادهم وقالها انه بيحبها وهى كانت مبسوطه
جاسر : ادهم اعترفلها بحبه
خالد:  اه والله
جاسر:  ضربتها ازاى
خالد:  ومش هتموتنى لو قولتلك
جاسر : لا بس قول
خالد:  ضربتها بالاقلام والبونيات ولما وقعت على الارض ضربتها برجليا كتير بس والله مموتهاش هى اللى فضلت ترجع لوراء لحد ما اتزحلقت ووقعت على التربيزة الازاز والله مانا اللى وقعتها
لم يتحمل جاسر تخيل منظرها وهو يضربها فقام وظل يضربه مثلما فعل بها ويضربه بقدمه فى ضلوعه حتى كسرهم كلهم تقريبا ثم نادا رجاله وقال
جاسر:  تجيبوله دكتور يعالجه علشان ارجع اكمل عليه ونظر له وقال ان وعدتك مش هموتك بس هاخليك تتمنى الموت وتبوس رجليا وتترجانى ابعد عنك او اسيبك زي ماكانت هى بتترجاك وانت ومش راضي تسيبها
ثم خرج وركب سيارته وعاد الى المشفى وظل واقف خارج غرفه العمليات لانها الان تقوم بالعمليه كان يشعر ان قلبه يعتصر بشده ويؤلمه ادرك وقتها انه يحب ملك بل يعشقها
**************************
عند والده ملك
روضه: بقولك قلبي بيوجعنى عليها اتصل ابوس ايدك
سيف:  والله اتصلت وتليفونها جرس ومحدش بيرد هتلاقيها فى عمليه
جمال:  انا بردوا قلبي مش مرتاح يا سيف
سيف:  يا بابا اهدى ارجوك هى كويسه ديه مكالمانى وقايلالى انها داخله العمليه من كام ساعه يعنى اكيد ليه مخرجتش ولما تخرج هتكلمنا
روضه:  لا لا انا قلبي بيتعصر عليها والله بنتى فيها حاجه اقولك يا جمال اتصل بالمدير بتاعها اسمه استاذ جاسر نطمن ونقفل ابوس ايدك قلبي بيقولى ان بنتى فيها حاجه
جمال:  حاضر اهدى بقي
سيف:  يا بابا ممكن يكون مش فى المستشفى
جمال : لا ملك قالتلى انه هناك لما كلمتها اخر مرة واهو ادينا هنعمل محاوله
امسك جمال هاتفه واتصل على جاسر
رن هانف جاسر فوجده رقم غريب فاجاب جاسر
جاسر:  الو
جمال:  الو ايوة يا جاسر انا دكتور جمال السيوفى والد ملك
جاسر:  ايوة يا دكتور جمال فى حاجه
جمال:  بصراحة بنتصل بملك مش بترد وامها قلبها واجعها عليها وقلقانه اوى
جاسر كان يريد ان يبكى وهو فى موقف لا يحسد عليه فبماذا سيجيبه
جمال:  الو يا استاذ جاسر
جاسر:  انا معاك
جمال:  طيب ملك فين دلوقتى معلش
جاسر بتوتر:  دكتور جمال انا عاوز اقولك على حاجه بس هدى اعصابك واهدى وبلاش تتوتر علشان المدام وسيف
جمال:  انت كده وترتنى اكتر فى ايه يا جاسر
جاسر:  ملك فى اوضه العمليات
جمال: طيب مهو اكيد فى اوضه العمليات مش هى كان عندها عمليات انا بقي هاتوتر ليه
جاسر:  حضرتك مش فاهمنى ملك فى اوضه العمليات بيتعملها عمليه
هب جمال واقفا فى مكانه:  انت بتقول ايه ليه ايه اللى حصل
جاسر : مش هينفع فى التليفون تعالى على المستشفى
جمال:  انا جاى حالا
اغلق معه وركض الى غرفته فركض سيف وروضه خلفه
سيف:  بابا ملك جرالها حاجه
روضه:  رد عليا انا بمووت
جمال:  ملك بتعمل عمليه
سيف : طيب ايه المشكلة
جمال:  اختك بيتعملها عمليه مش هى اللى بتعملها
سيف:  انت بتقول ايه يا بابا
روضه: انا قولتلك قلبي مش مرتاح اه يا بنتى
جمال:  مش وقته الكلام البسي بسرعه خلينا نروح و نفهم
ارتدوا جميعا ثيابهم وانطلقوا بسيارة سيف لان جمال كان يرتعش ولن يقدر على ان يقود
**************************
عند ادهم كان قلق ولم يذق طعم النوم وكان يحاول الاتصال بملك ولكنها لم ترد فظن انها مشغوله او فى عمليه فظل يتقلب الى ان نام من التعب
**************************
وصل جمال وسيف وروضه الى المشفى فركضوا جميعا فوجدوا جاسر يجلس على الكرسي وواضع يده داخل كفيه
جمال:  جاسر ملك مالها يابنى
جاسر:  بتعمل عمليه
سيف:  ايوة ليه هى مكلمانى وكانت كويسه ايه اللى حصل
روضه:  والنبي رد لحسن انا هاموت
جاسر كاد ان يتحدث حتى وجد الدكتورة نسمه والدكتور ايهاب يخرجان من غرفه العمليات فركض اليهم جاسر
جاسر:  ها هى عامله ايه دلوقتى
نسمه:  احنا الحمدلله عالجنا الضلع اللى كان مكسور وخيطنا الجروح الكبيرة اللى سببها الازاز و الجرح اللى فى دماغها خيطناه والباقى شويه كدمات بسيطه كده بس هى الحمدلله دلوقتى كويسه
جاسر:  طيب هتخرج من العمليات امتى
ايهاب:  جاسر اهدى كده كلها شويه وننقلها الاوضه ان شاء الله بعد اذنكم
سمع سيف وجمال وروضه كلام الاطباء وهم فى زهول تام فانها كانت بخير فكيف كسر لها ضلع وجرح جسدها بالزجاج ومن اين اتت الكدمات ودماغها هل بها جرح ايضا
جاسر:  انا عارف انكم مش مصدقين حاجه فياريت تتفضلوا نستناها فى الاوضه وانا هفهمكم كل حاجه
جمال:  ماشي يلا بينا
ذهبوا مع جاسر وجلسوا ثم قص عليهم جاسر ما حدث بالتفصيل
فهب سيف واقفا:  انا عايز اعرف ابن الكلب ده فين والله لاخليه يتمنى الموت
روضه: يا حبيبه قلبي يا ملك ده اسمه خالد مش كده يا جاسر
جاسر:  ايوة عرفتى منين
روضه:  كلمتنى فى التليفون وقالتلى انه طلع فى الفريق بتاعها اصله كان بيضايقها فى الجامعه منك لله يا خالد حسبي الله ونعم الوكيل فيك يا خالد
جمال:  هو فين يا جاسر متعرفش مكانه
جاسر:  اعرف مكانه واصلا انا روقته بس سايبه لما انتم اللى تاخدوا حقكم بايديكم
سيف:  يلا نروح له
جمال:  استنى لما اطمن على ملك الاول
جاسر:  معاك حق
جمال:  انا مش عارف اقولك ايه يا جاسر لولاك كان زمان الحيوان ده موتها بعد الشر
سيف : فعلا يا جاسر جميلك ده هيفضل فوق راسي ودين عليا ليوم الدين
روضه:  ربنا يباركلك يا بنى
جاسر:  صدقونى انا عملت اللى اى حد مكانى كان هيعملوه واكتر كمان ..كاد ان يكمل حديثه حتى وجد باب الغرفه يفتح والممرضين يدخلون ملك الى الغرفه ..ما ان راى والدها ووالدتها وجهها الملئ بالكدمات وعيونها المتورمه وجروح الزجاج فى وجهها حتى انفجرا فى البكاء وسيف واقف مصدوم فهل تجرأ هذا الحقير ان يضربها الى هذا الحد
سيف:  جاسر وديني عند الحقير ده دلوقتى
جمال:  لا يا سيف
سيف:  بابا انت بتقول ايه
جمال:  لا علشان انا جاى معاك اصبر لما اختك تفوق الاول واطمن عليها انت مش شايفها
سيف:  مهو علشان شايفها هاموت وامسكه اضربه واكسره زى ما عمل فيها
جاسر:  ده لو لقيت حته فى سليمه لانى سويته وظبطه
سيف:  ولو بردوا هروح اموته
جاسر:  حاضر هاوديك
روضه:  جسمها بيترعش ليه يا جمال
جمال:  اكيد خايفه
جاسر:  ثانيه هانده الدكتور
جاء ان يخرج لكنه سمع صوتها تقول
بابا الحقنى... والنبي سيبنى ابوس ايدك ... ااااه حرام عليك بقي ابعد عنى
كانت تتكلم وقلوبهم تتقطع عليها
رن هاتف سيف فوجد المتصل نغم فخرج لكي يرد عليها ولكنه كان يبكى من حاله ابنته فهى ليست اخته بل ابنته وحبيبته وصديقته وكل شئ له
اجاب على نغم
سيف بنبرة باكيه:  الو
نغم:  سيف انت كويس صوتك ماله
سيف وقد انفجر فى البكاء كأنه منتظر ان يسمع صوتها ليبكى ويخرج ما به
سيف:  ملك يا نغم فى المستشفى وحالتها صعبه اوى
نغم بخضه:  انت بتقول ايه يا سيف هى فين طيب اهدى احنا جايين حالا
سيف:  طيب سلام
نغم خرجت بسرعه ونزلت فوجدت جدها ووالدتها وادهم يجلسون سويا
فرأها ادهم ولاحظ التوتر والخوف والدموع فى عينيها فقال
ادهم:  نغم مالك يا حبيبتى
نغم:  بصراحه كده ا..اصل
صفاء:  ايه يا نغم مالك
نغم:  اصل سيف ..يعنى قصدى سيف كنت بكلمه
كمال:  هو زعلك
نغم: لا مزعلنيش بس اصل ملك
ادهم:  انطقى بقي بوزتى اعصابي
نغم ببكاء:  اصل سيف بيقول ان ملك فى المستشفى وحالتها صعبه اوى
ادهم:  ايــــــه !!!!!!

يا ترى ادهم هيعمل ايه لما يعرف اللى حصل؟
وياترى جاسر كده خلاص هيتخلى عن فكرة انتقامه من ادهم عن طريق ملك؟
كل ده الفصل الجاى من عاشقة الشيكولاته 🍫💓
فصل جامد اهوه ولسه كل اللى جاى ضرب ناار 😉💜
الفصل (2320) كلمه اهوه اى خدمه 😘❤️