عاشقه الشيكولاتة
الجزء التاسع
استيقظت ملك من النوم على صوت نغم تطرق الباب وتقول
نغم: اصحي بقي يا موكا
ملك: صحيت اهو يا نونا تعالى
دخلت نغم وجلست على طرف السرير وقالت : انتى لسه زعلانه يا موكا
ملك: لا مش زعلانه الموضوع خلص بس كنت متضايقه علشان خوفت منه ولولا تدخل سيف وادهم كان ضربني
نغم: قطع ايده وانا روحت فين
ملك بضحك: دلوقتى قلبتى قلب الاسد اومال هناك كنتى بطه بلدي ليه
نغم: انا يا موكا كنت بطه بلدي انا بس خوفت اضربه بالشلوط اوديه اسيوط لاروح فى داهيه مش اكتر
ملك : طيب يا اختى خلصنا بقي
نغم: يلا خودى شاور كده والبسي الفستان وتعالى على اوضتى مامتى ومامتك عاوزين يشوفوه
ملك: طيب ماشيوفوه هو لازم البسه يعنى
نغم: اه لازم تلبسيه انجزى بقي قومى يا كسوله
ملك فضلت تضحك جامد ونغم مش فاهمه سبب ضحكها
نغم: بتضحكي ليا يا ملك
ملك بضحك: اصلى افتكرت لما كنا صغيرين وكنتى بتقولى ليا يا كسوله فاكرة يا نونا كنتى بطنتقيها ازاى
نغم: لا مش فاكرة ومش عايزة افتكر
ملك : لا انا هافكرك كنتى بتقولى يا كسكوله( كسوله) ثم انفجرت ملك بالضحك
نغم: شكلك فوقتى قومى يلا يا اختى ده انتى مصيبه
ملك: قايمه متزوقيش
خرجت نغم من الغرفه وذهبت لغرفتها وقامت ملك باخد شاور وصلت فرضها ونظرت لهاتفها لتجد الساعه 11 فقامت وارتدت فستانها الازرق حجابه واخدت هاتفها وتخرج وهى تغلق باب الغرفه ناداها ادهم قائلا: ملك
ملك: نعم فى حاجه يا ادهم
كان ادهم يصعد السلم وهو تائه فى جمالها وبالرغم ان فستانها واسع ومهذب الا انه كان مثل فستان الاميرات نظر لها ادهم لدرجه ان نظراته لها اخجلتها فهمت لتذهب لكنه اوقفها حين قال: ملك ثانيه واحده هاقولك حاجه
ملك: اكيد نعم يا ادهم
ادهم: الفستان تحفه بجد كانه فستان اميرة او ملكه
ملك: هاه اه متشكرة بعد اذنك
ادهم: استنى بس هو انتى مستعجله ولا مش حابه توقفى معايا
ملك: لا ابدا بس مستعجله بس
ادهم: طيب وانا مش هأخرك هو ده الفستان اللى هتحضرى بيه فرح سيف ونغم
ملك: ايوة ليه
ادهم: طيب ممكن اطلب منك طلب
ملك: اكيد قول
ادهم: متلبسيهوش فى الفرح
ملك: ليه هو وحش اوى كده
ادهم: بالعكس هو حلو جدا وانتى محلياه اكتر علشان كده بقولك متلبسيهوش
ملك: انا مش فاهمه حاجه
ادهم: بصي بصراحه انا مش عايز حد يشوف جمالك بالفستان ده خالص حتى البنات
ملك: ليه يعنى
ادهم: مش عارف يا ملك حاسس انى عاوز اخبيكي من كل الناس علشان محدش يشوف عنيكي اللى زى البحر دول ولا يتوه فيهم ولا يشوف جمالك فى اى حاجه بتلبسيها بس ليه مش عارف يا ملك
ملك: انا لازم امشي معلش
ادهم: طب استنى طب
ولكن لا حياة لمن تنادى ركضت سريعا الى غرفه نغم ودخلت واغلقت الباب ورائها
ادهم: صدقيني مش عارف ليه بس هاعرف يا ملك انتى بقالك يومين معايا رجعتنى ادهم الى قلبه بيدق تانى رجعتيني عيل لسه فى الجامعة ومعجب ببنت وخايف يقولها اومال لو قعدتى معايا اكتر من يومين هتعملى فيا ايه ....ثم دخل الى غرفته وذهب ليمارس بعض الرياضه
أنت تقرأ
عاشقه الشيكولاته ❤️🍫
Romansaلا اعلم من اعشق لكنى احاول اكتشاف ذلك ولكن غموضك يجعلنى اخاف لانى لا اعرف ما هو القادم وانت الاخر لا اعرف ما تخبئه خلف هذه البسمه ولكن اعدك سوف احاول تبين الحقيقه ❤️❤️ (مكتملة)
