او فى اى غلطات إملائيه سامحونى 🙏
فوت فبل ما تنزلوا يا حلوين❤️💘
*-*-*-*-*-**-----*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
عاشقه الشيكولاته
الجزء الخامس عشر
ريتاج: مـــــلـــــك !!
جاءت كلا من دكتورة نسمه ونغم سريعا
نغم ببكاء: فضلت تصرخ وبعدين اغمى عليها
دكتورة نسمه: طيب لو سمحت اطلعوا بره وسيبوا الممرضين يشوفوا شغلهم
ريتاج: لا بلييز خليني هنا
دكتورة نسمه: معلش استنيها بره
نغم: يلا يا ريتاج سيبيهم يشوفوا شغلهم
خرجت ريتاج ونغم ووقفوا على باب الغرفه فصعدت شيماء ومعها و روضه وجمال وكمال ثم جاءت شيماء واستغربت من منظرهم فنغم وريتاج يبكون وريتاج تحتضن نغم
شيماء: انتوا بتعيطوا كده ليه
نغم: مفيش
روضه: نغم واقفين بره ليه مش ملك فاقت سيبنها لوحدها ليه وجاءت ان تدخل فأوقفتها ريتاج قائله
ريتاج: لا يا طنط مش هينفع تدخلى
جمال: ليه يا ريتاج فيه ايه
نغم: بصراحه هى فضلت تصرخ ووتوجع وبعدين اغمى عليها فالدكتورة قالتلنا نطلع بره علشان يقدروا يشوفوا شغلهم
كمال: يعنى ايه طيب كانت بتصرخ ليه
ريتاج: معرفش ديه كانت كويسه وانا كنت بكلمها وبعدين فضلت تصرخ وبعدين اغمى عليها
روضة: يا حبيبتي يا بنتى ليه بس يارب كده ديه مبتفوتش فرض ومفيش فى ادبها ولا اخلاقها
جمال: استغفرى ربنا يا روضه مش كده حرام
روضه: استغفر الله العظيم
كمال: مالك يا سيف واقف كده مش بتتكلم
سيف: خايف اوى يا جدى لاول مرة من يوم ما اتولدت اخاف كده ملك ديه بنتى والله العظيم مش اختى.و انفجر فى البكاء فذهب له جمال واحتضنه وقال جمال: مفيش رجاله بتعيط يا سيف اهدى كده يا حبيبي و ادعيلها وهى هتبقي زى الفل ديه ملك قويه
كمال : فاكر كنت بقول عليها ايه يا سيف بقول عليها وتد
سيف: عارف بس خايف عليها
روضه: اهدى يا حبيبي وهى ان شاء الله هتبقي كويسه
سيف: يارب
شيماء: يوسف بيرن عليا هانزل اشوفه
روضة: روحى يا بنتى
نزلت شيماء وهى تبكي فقام يوسف اليها سريعا وخلفه ادهم وجاسر وادم
يوسف: مانتى كنتى بتضحكي دلوقتى ايه اللى حصل
شيماء: ملك يا يوسف
ادهم وجاسر فى نفس واحد: مالها
شيماء: بعد ما فاقت فضلت تصرخ وبعدين اغمى عليها ودلوقتى الدكتورة فوق عندها ورافضه حد يدخلها دلوقتى
ادهم: يعنى ايه طيب هى ايه اللى خلاها تصرخ
شيماء: معرفش
ادم: طيب يلا نطلع لها
ادهم: اومال جاسر فين
ادم: طلع فوق
ادهم: يابن ال...
ادم: اهدى بقي مش وقته
يوسف: ادم معاه حق يا استاذ ادهم يلا نطلع دلوقتى
**************************
صعد جاسر سريعا فوجدهم يقفون على الباب
جاسر: انت هدخل جوا اطمن يا عمى
جمال: ادخل يا جاسر وطمننا
جاسر: حاضر
دخل جاسر الى ملك بينما صعد ادهم ولم يجد جاسر فقال
ادهم: اومال فين جاسر
كمال: دخل عند ملك
ادهم بغضب: وانتوا ازاى تسيبوه يدخلها لوحده
جمال: ادهم مش وقته الكلام ده بنتى تعبانه وهو بصفته المدير دخل علشان يطمننا عليها فهمت
ادهم: يا عمى انا مش قصدى حاجه بس على العموم انا اسف
كمال: اهدوا شويه خليننا نطمن على ملك
**************************
عند ملك
دخل جاسر فوجد نسمه تعلق لها كيس دم
ثم قالت نسمه : هى فقدت دم كتير مع ان انا امبارح علقتلها دم بس هى بسبب الجروح اللى كانت فيها فقدت دم كتير اوى
جاسر: طيب وبعدين
نسمه: متقلقش انت اخرج طمنهم لانهم قلقانين جدا وخصوصا البنات وانا بعت نور علشان تشوف دم تانى لو لقت تمام ولو ملقتش انا هخرج اشوف حد يتبرعلها تمام
جاسر: طيب بسرعه ولو ملقناش حد انا هابعت اجبلها من اى مستشفى
نسمه: حاضر
خرج جاسر ووجدهم ينظرون له بلهفه
فقال جمال: جاسر طمنى ملك عامله ايه
جاسر: متقلقش يا عمى هى كويسه بس الجروح كانت صعبه وهى فقدت دم كتير
روضه: طيب وبعدين
جاسر: الدكتورة ......
قاطعته نسمه وهى تقول: معلش يا جماعه احنا مش لاقيين دم لان فصيلتها نادرة مين بقي فصيله دمه زيها
رفع ادهم يده وقال: انا نفس فصيلتها
نسمه: طيب اتفضل مع الممرضه
نظر ادهم لجاسر بتحدى ونظر له جاسر بغضب شديد ثم توجه ادهم ناحيه الغرفه وبالفعل تبرع لملك بدمه فكان ادهم جالس بجانب سرير ملك ويرى دمه وهو يدخل الى جسدها فقال: بقي دمى بيجري في عروقك يا ملك بقيتي بتاعتى اكتر من الاول يا ملاكى
الممرضه نور: معلش كفاية كده واخرج علشان هى ترتاح
ادهم: بس هى هتفوق امتى
نور: فى خلال ساعه ولو فاقت هابلغكم
ادهم: متشكر اوى يا انسه
نور: على ايه ده شغلى وملك صحبتي
ادهم : انتى كمان صحبتها!
نور: المستشفى كلها بتحب ملك وصحابها من اكبرنا لاصغرنا
ادهم: وهى تتحب فعلا
نور: شكلك بتحبها اوى يابختها
ادهم: متشكر اوى
نور: طيب اخرج بقي علشان نسبها ترتاح
ادهم: حاضر انا خارج بس لو فاقت بلغيني على طول
نور: حااااضر
خرج ادهم وطمنهم على ملك وبقي ينظر الى جاسر بتحدى كالعادة ... جاءت نسمه واخذت جاسر لتحادثه ثم غادرت فذهب جاسر الى جمال وسيف وروضه ثم قال جاسر: عمى دكتورة نسمه هى المسؤله عن ملك فهى بتقول ان ملك هتحتاج تتكلم مع دكتور نفسى وهى رشحت دكتور كويس ولسه جديد اسمه هشام فإن شاء الله لما ملك تفوق هيدخل يتكلم معاها انا بس حبيت اعرفك
جمال: ممتاز جدا وبعدين طول ماهى حاجه تفيد ملك اعملها من غير ما تقولى
ادهم: مينفعش يا عمى لازم يرجعلك
جاسر بغيظ: ده اللى عملته يا ادهم
جمال: ابوس ايديكم مش وقته خالص
ادهم: ماشي يا عمى
جاسر: انا هانزل اشوف حاجه وطالع على طول
جمال: ماشي يا حبيبي
ادهم: خد وقتك
جاسر: بتقول حاجه يا ادهم
ادهم: لا مبقولش
جاسر: بحسب
جمال: والله شغل عيال
نزل جاسر لمكتبه ليكلم رجاله ويعرف حال خالد وطمئنه رجاله انه تحت قبضتهم وقد عالج الطبيب جراحه
فأعلق مع رجاله وصعد الى غرفه ملك
ثم سيف الى جاسر وقال: جاسر انا عاوز اروح لخالد دلوقتى
جاسر: وهو كذلك يلا بينا
ذهب سيف واخبر ابيه وادهم فذهبوا الى جاسر ولكن تركوا يوسف وادم وجدهم كمال وذهبوا المخزن الذى يوجد به خالد
وصلوا الى المخزن فقال جاسر: خليك هنا يا ادهم
ادهم: نعم ايه بقي انا رجلى على رجلكم
سيف: ليه يا جاسر مش عايزه يدخل
جاسر: هو هيدخل يعمل ايه
جمال: عادى يعنى
جاسر: انت ابوها وهو اخوها وانا ابقي.....
ادهم: ايوة انت بقي ايه؟
جاسر: انا ابقي صديقها وانا اللى انقذتها منه وبصراحه ليا عنده حق
جمال: كفياكم واخر الكلام ادهم هيدخل بس هيسكت خالص مفهوم
الجميع: مفهوم
دخلوا جميعا فوجدوا خالد مربوط على كرسي ولم يعد فى جسده منطقه سليمه فكان ملئ بالكدمات
جمال: انت اللى عملت فيه كده
جاسر بفخر: اه بصراحه انا
سيف : اومال احنا جايين نعمل ايه ده بايظ خالص
جمال: لا مش هينفع نقرب منه احنا نسلمه للبوليس
ادهم: نسلمه ازاى لازم نظبطه
سيف: انت اعمى يا ادهم ده ميت
جاسر: لاول مرة اتفق مع ادهم بس الواد ده لازم يموت
جمال: ملك ممكن تموت لو عرفت اننا موتناه وانا مش هخاطر ببنتى
جاسر: وتموت ليه ده حته واحد زباله وحقير لازم يتربي وعقوبته الموت.
جمال: اخر كلام عندى اتصل بالبوليس يا سيف
جاسر: يا عمى انت فكرت هتقولهم ايه
سيف: ايوة صحيح يا بابا انت كده هتقول انه حاول الاعتداء عليها
ادهم: مستحيل
جمال: خلاص انا عندى حل
جاسر: اتفضل قول يا عمى
جمال: احنا ممكن نسيبه بقي هو اضرب بما فيه الكفايه
جاسر: نسيبه!
جمال: ايوة انت يا جاسر بهدلته وخلاص كده كده هو الحمدلله مقربش منها وحق الضرب اللى خده هو اللى عمله فى ملك
سيف: معاك حق يا بابا
جمال: يلا يا جاسر خلى حد من رجالتك يوصله اى مستشفى وافصله من المستشفى وهدده ان يبعد عن ملك ولا هاموته بس كده ويلا بقي علشان نمشي
جاسر: حاضر
ذهب جاسر وقال لرجاله مثلما قال له جمال وثم ذهبوا الى المشفى مرة اخرى
**************************
عند ملك
كان الجميع ينتظرون خارج الغرفه وكانت صفاء تهدئ من صفاء وكمال يدعى الله ان يشفى حفيدته الغاليه والبنات يتحدثون ويدعون الله ان يشفيها وقد جاء ايضا جمال وسيف ومعهم جاسر وادهم وكان الجميع نتظر حتى جاءت الممرضه وقالت
نور الممرضه: يا جماعه استاذه ملك فاقت
جمال: بجد ، احمدك يارب
روضه: الحمد لله انا عايزة ادخلها
نور: اتفضلوا بس براحه يعنى بلاش تتكلموا كتير معاها وكده
روضه: حاضر
دخل الجميع الى ملك فكانت تحاول الجلوس فأسرع اليها سيف ونغم وعدلوا من جلوسها واراحوها
جمال وهو يحتضنها: حبيبه قلب ابوها عامله ايه
ملك: انا كويسه متخفش
سيف: ملك بطلى بقي قولى بجد انتى كويسه ولالا بطلى تدارى
ملك: والله انا كويسه
كمال: قولتلك يا سيف ديه وتد
ملك: كيموووو ثم امسكت برأسها وتألمت
اسرع اليها جاسر وقال: ملك بلاش انفعال علشان لسه جرح دماغك مفتوح
ملك: اه تمام متقلقش وصحيح متشكرة اوى يا جاسر مش عارفه من غيرك كان هيجرالى ايه وثم قالت لوالدها: هو اللى لحقنى من الحيوان اللى اسمه خالد وقبل ما يغمى عليا سمعته وهو بيضربه صح هو فين
جمال: مش دلوقتى يا ملك بعدين
ملك: حاضر وبعدين مالكم واقفين كده ليه تعالى يا نغم وانتى متنحه ليه يا ريتاج وشيماء هانم تعالوا
ركضوا البنات واحتضنوها بشده لدرجخ انها تألمت فابتعدوا عنها
نغم: قلقتيني عليكي موت
ملك: عمر الشقى بقي
ريتاج: انتى كويسه يا موكا
ملك: والله كويسه هو الم بسيط بس بيروح متقلقيش...اتخطبتوا ولا لسه يا دكتورة شيماء انتى ودكتور يوسف
شيماء: انا اجلت خطوبتي لحد ما تقومى بالسلامه
ملك: ليه يا شيماء وازاى يا يوسف تسمحلها بكده
يوسف: بطلى هبل طز فى اى حاجه احنا معندناش اهم منك
ملك: ربنا يخليكوا ليا يارب .. سيف انت واقف بعيد عنى ليه ده انت حتى محضنتنيش ولا سلمت عليا انت زعلان منى؟
سيف: لا مش زعلان منك بس خايف اقرب منك علشان لو حضنتك هاوجعك
ملك: طيب انا بقي زعلانه
سيف: مقدرش على زعلك يا موكتى ثم ذهب لها واحتضنها وبكى وهو يحتضنها ويقول : خوفت اوى تروحى منى خوفت تبعدى عنى اول مرة اخاف يا ملك او اعيط وانتى عارفه عمرى ما خوفت ولا عيطت فى حياتى
ملك: عارفه وانا كويسه قدامك اهو
سيف: خوفت علشان كنتى محتجانى وانا مكنتش جمبك ولا كنت حمايتك وامانك زى ما وعدتك
ملك: اوعى تقول كده تانى انت حمايتي وآمانى وجمبي على طول وقت ما بحتاجك يا حبيبي وانا كويسه وزى الفل مفياش اى حاجه
سيف: وانا دلوقتى حاسس بروحى رجعتلى
ملك: ربنا ميحرمنيش منك
بكى جميع من بالغرفه فقال ادم: يا جماعه والله الناس ديه ( يقصد يوسف وشيماء) خطوبتهم كانت النهارده مفروض يعنى مش وقت نكد خالص ولا عياط ولا حزن
شيماء: اه والله
يوسف: معاك حق يا ادم قولهم
جمال: بأذن واحد احد نعملكم خطوبه متعملش زيها لما ملك تقوم بالسلامه
ملك: ايوة بقي ان شاء الله وانا مش هاطول
جاسر: اهم حاجه صحتك الاول وبعدين اى حاجه تانيه
ملك: تمام
دخلت الممرضه نور: كفايه كده بقي علشان هى ترتاح شويه لانها تعبت اوى كده
الجميع: حاضر
خرج الجميع وجاء ادهم ان يخرج ولكن نادته ملك قائله: ادهم لو سمحت ثانيه
ادهم للممرضة: معلش ثانيه وهاخرج
نور الممرضة بإبتسامه: تمام
خرجت نور وذهب ادهم الى ملك و احضر كرسي وجلس بجانبها
ملك: انت كنت واقف بعيد مش عايز تكلمنى ليه يا ادهم كرهتنى ولا ندمان على اللى قولته ليا بعد ما عرفت اللى حصل بس احب اطمنك انا زى مانا محدش عرف يقرب منى فضلت اقاوم لحد ما كنت هاموت بس فضلت زى مانا ولو ندمان على قولته انا هاعتبرك مقولتش حاجه خالص وكما.....
وضع ادهم يده على فمها وقال: انتى مبتعرفيش تسكتى خالص. ولا حتى تسمعى رغى رغى رغى ايه اتعلمى تسمعى انا هاشيل ايدي بس لو اتكلمتى هسيبك واخرج تمام
هزت ملك رأسها فأبعد يده عن فمها وقال: انا بحبك وبمووت فيكي وعارف اللى حصل كله وحتى لو كان حصل حاجه مكنتش هابعد عنك لانه مش بأيدى عارفه ليه علشان دمى بقي بيجرى فى عروقك يا ملك وبردوا انا مش بضغط عليكي انا سايبك تختارى بمزاجك يا ملاكى
ملك: ادهم انا ... انا
ادهم: مش عايزك تقولى حاجه انا بس مبسوط اوى وفرحان علشان قومتى بالسلامه مع انى متضايق علشان الزفت اللى اسمه جاسر كل شويه يقولك صحتك وخلى بالك بيبقي نفسي امسكه اولع فيه بس بسكت علشانك والله المهم انا هاخرج وشويه واجيلك تانى اه وابقي حطى طرحه على شعرك
ملك: يا نهار اسود هو كل ده انا بشعرى
ادهم بضحك: تخيلى بس انا مش هاعقبك دلوقتى
ملك: وانت فاكرنى خايفه منك انا متضايقه علشان كلهم شافونى كده حتى ادم ويوسف
ادهم: وجاسر عادى
ملك: هو ده وقتك قوم هاتلى طرحه بسرعه
ادهم: امرك ياهانم
ملك: ابعتها مع سيف او اى حد من البنات
ادهم: حاضر خلى بالك من نفسك او الاحسن انك تنامى
ملك: حاضر اطلع بقي
ادهم: سلام يا ملاكى
ابتسمت ملك ثم قالت بصوت منخفض بعد خروج ادهم من الغرفه: سلام يا دومى
**************************
ذهب ادهم ونسي ان يرسل لها حجاب مع اى احد لانه ذهب الى عمه جمال وجده فى الكافيتريا
ادهم: اومال فين طنط وسيف ونغم
صفاء: سيف ونغم ومرات عمك راحوا يجيبوا هدوم وحاجات لملك
ادهم: طيب وادم وريتاج ويوسف وشيماء
جمال: ريتاج روحت بعد ما حلفت عليها انها مش هينفع تبات هنا وادم راح علشان يروحها و يوسف وشيماء روحوا كمان بعد ما تعبونى
ادهم: طيب يلا يا جدى انت وعمى روحوا ارتاحوا وانا ومرات عمى هنبات هنا
جمال: لا روح انت روح جدك وارتاح انت كمان
ادهم: لا انا هافضل هنا
كمال بخبث: نغم جايه وسيف وامها كمان انت تبات ليه
ادهم باندفاع: مش هاعرف انام بعيد عنها
جمال: نعم يا اخويا
ادهم: لا مش قصدى انا بس مش هينفع انام بعيد عن امى اصلها اكيد مش هتروح
صفاء بضحك: ايوة هو قصده كده اصله مش بينام بعيد عنى
كمال: بص يا ادهم وانت يا جمال يا بنى انا وصفاء ونغم وسيف هنروح وانت يا جمال وروضه وادهم هتباتوا واهو ادهم معاكم علشان لو عوزتم حاجه يبقي ادهم معاكم
فهم جمال مقصد والده فقال: امرك يا بابا
جاء سيف ونغم وروضه ولكن بعد اقناع غادر نغم وسيف وصفاء وكمال المشفى وبقي ادهم وجمال وروضه
جمال: جاسر ادانا اوضه اللى جمب ملك علشان نريح فيها
روضه: طيب روح ارتاح انت وانا هاقعد معاها
جمال: لا روحى انتى
ادهم: انا جبت العشاء يلا نتعشي وبعدين اعملوا اللى انتوا عايزينوا
جمال وروضه: ماشي يلا
وذهبوا جميعا لكى يتعشوا
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-
عند ملك
كانت الممرضه تطعم ملك
نور: حمدالله على سلامتك يا موكا
ملك: تعبتكم كلكم معايا
نور: تعبك راحه يا موكا
ملك: بس كفايه كده انا هافرقع
جاسر: لا مينفعش الدلع ده
ملك: انت دخلت امتى خضتنى
جاسر: من ساعه مش قادرة هافرقع
ملك: معلش ممكن تخرج ثانيه
فهم جاسر انها تريد ارتداء حجابها فخرج ثم انتظر الى ان خرجت الممرضه وسمحت له بالدخول
جاسر: انا اسف انى دخلت من غير ما اسأل الاول
ملك: محصلش حاجه يا جاسر انا بجد حابه اشكرك تانى يا جاسر
جاسر: تانى يا ملك
ملك: تانى و تالت و رابع وعاشر لانى مهما اشكرك مش هاديك حقك لولاك كان زمانى ميته على الاقل
جاسر: بعد الشر عنك ومع ذلك انا اخدتلك حقك منه
ملك: ازاى
جاسر: روقته ومخليتش فيه حته سليمه وبعدين ابوكى واخوكى شافوه وبعدين ابوكي مرضيش يسلمه للبوليس وصمم انى اوصله بيته واسيبه بس متقلقيش انا مخلتهوش ينفع تانى لاى حاجه
ملك: ليه بس كنت سلمته للبوليس بس
جاسر: هو صعبان عليكى
ملك: لا بس حرام كل اللى انت عملته فى ده
جاسر: قلبك ده ابيض اوى اوى
ملك: متشكرة يا جاسر
****************************************************
كان ادهم انتهى من العشاء قبل عمه وزوجته
ادهم: انا هاروح اشوفها كلت و اخدت الدواء ولا لسه
جمال: اه الله يباركلك يا ادهم
ادهم: طيب هاروح واجى بسرعه تمام
جمال: تمام
ذهب ادهم الى غرفه ملك وفتح الباب ببطئ حتى يفاجئها ولكن وجد جاسر يتحدث معها فلم يفتح الباب كثيرا بل فتحه فتحه صغيرة ...فسمع جاسر يقول : ملك انا مش عايزك تشكريني انا عاوز اقولك على حاجه يا ملك
ملك: قول
جاسر : بصراحه انا ..انا ..بصي انا عارف انى لسه عارفك من فترة قصيرة بس والله ربنا يعلم انتى بقيتي بالنسبه ليا ايه
ملك: جاسر انا ...
جاسر: اسمعيني بس الاول وبعدين قولى اللى يعجبك بعد كده ..يا ملك بصراحه انتى شديتيني ليكي بسبب طيبتك وقلبك وحنيتك على كل اللى حواليكي وكمان جمالك يعنى مثلا لون عينيكي شديتيني حتى مخدتش بالى امتى وازاى بس اهو حصل بقي و ..و
ملك: جاسر اسمعنى بس انا ...
جاسر: انا بحبك يا ملك بحبك اوى
دخل ادهم فجاءة وقال: قول تانى كده كنت بتقولها ايه؟
ياترى ادهم هيعمل ايه بعد ما سمع جاسر يعترف بحبه لملك؟
توقعاتكم بقي !❤️
الفصل(2582) كلمه اهوه اى خدمه 😉❣️
اشوفكم بقي الفصل الجاى من عاشقه الشيكولاته 🍫❤️
أنت تقرأ
عاشقه الشيكولاته ❤️🍫
Romanceلا اعلم من اعشق لكنى احاول اكتشاف ذلك ولكن غموضك يجعلنى اخاف لانى لا اعرف ما هو القادم وانت الاخر لا اعرف ما تخبئه خلف هذه البسمه ولكن اعدك سوف احاول تبين الحقيقه ❤️❤️ (مكتملة)
