عاشقه الشيكولاتة
الجزء الثامن
جاء شخص من نافذة ملك ففزع جاسر وملك قالت: مالك يا جاسر
جاسر: لا مفيش خلاص
ملك: تمام عاوزة ايه يا عسل
البنوته: تاخدى ورده حلوة زيك
ملك: ده الورده حلوة زيك انتى
اخذت ملك الورد من البنوته واعطتها مال واخرجت قطعه شيكولاته واعطتها لها
البنوته: انتى عسوله اوى
ملك: مش اكتر منك
رحلت البنوته وجاسر ناظر لملك ومعجب بتعاملها مع البنوته ومبتسم
ملك: انا نازله انا
جاسر: ليه بس
ملك: شكله غبي وتاه
جاسر: ماشي هبقي اكلمك
ملك: ليه
جاسر بتوتر: علشان تفاصيل الشغل
ملك: تمام باي
ونزلت ملك وسرعان ما انطلق جاسر بسيارته ولكن ادم رأى ملك والسيارة التى نزلت منها واتجهه نحوها
ادم: انتى يابت
ملك: كل ده انت توهت
ادم: لا متوهتش مش صغير انا
ملك: طيب يلا
ادم: عربيه مين ديه
ملك: مديرى ليه بتسأل
ادم: اصلى حاسس انى شوفتها قبل كده
ملك : ديه عربيه فخمه يعنى اكيد منتشرة
ادم: طب يلا علشان ريتاج ونغم
ملك: يلا يا بتاع ريتاج
ادم: بتاع ايه ياختى
ملك: ايه فاكرنى. مش واخده بالى ولا ايه
ادم: هو انا باين اوى كده
ملك: مووت
ادم: طب يلا يا ام نص لسان
ملك: طب متزوقش
ذهبت ملك الى نغم وحلت مشكله الفستان واختارت الفتيات فساتينها وكانت الفساتين فى غايه الجمال فكانت نغم انتقت فستان جميل منفوش باللون البنفسجى اللامع حيث يلائم شخصيتها هادئه رقيقه خجوله قد كان فى منتهى البساطه وجلبت لوازم الفستان ايضا
واختارت ريتاج فستان باللون الاحمر الجذاب الذى يشبه شخصيتها جريئه ومفعمه بالحيويه و كان طول وضيق قليلا لانها بشعرها
اما بطلتنا ملك فأختارت فستان ازرق سماوى يناسب لون عيونها ضيق عند الخصر وينزل بوسع ولديه ورده بيضاء معلقه عند الصدر وكان رقيق وبسيط وجميل للغايه كان يشبه شخصيتها طفله برئية نقيه صافيه مثل السماء وانيقه مثل موج البحر قاست الفتيات الفساتين وتعمدت ملك ان تجعل ادم يرى فستان ريتاج فخرجت ريتاج الى خارج الغرفه لترى نغم الفستان فكان ادم بالخارج يحادث ملك فرأى هذه الجريئه والجذابه فى فستانها الاحمر الصارخ بالانوثه اقترب ادم وقال لها: انتى ازاى حلوة كده
ريتاج: يا خربيتك انتى عبيط ياض ايه اللى دخلك هنا غور اطلع برا
ادم: تصدقى انتى مش وش مجاملات ولا كلام حلو
ريتاج: اديك قولتها اطلع برا
ادم: ماشي مسيرك يا لحمه تيجي على المفرمه
ضخكت ريتاج ودخلت فسرح فى ضحكتها وقال شكلو هيبقي فرحين مش فرح واحد ثم وجد ملك تضحك على شكله وسرحانه وحديثه مع نفسه وقال: انا بدبس ولا ايه
ملك: بالظبط
ادم: وانا موافق
ملك: اهلها جايين بكرة اتلحلح
ادم: من عينيا
ملك: يلا روح هات سيف هو جه تحت واحنا هنقابلكم فى المطعم
ادم: تمام
نزل ادم فوجد سيف وادهم فقال: اهلا وسهلا اخيرا خرجت
ادهم: خدت بنصيحتك
ادم: كويس
سيف: هما خلصوا ولا لسه
ادم: اه خلصوا
سيف: طيب هنروح نتغدا بعدين نجيب البدل ايه رايكم
ادهم وادم: تمام اوى
ذهبوا الى المطعم فوجدوا البنات جالسين جلس الشباب ايضا وكل واحد مقابل محبوبته فادم مقابل ريتاج ويتبادلان نظرات التحدى وادم ونغم ويتبادلان نظرات العشق والخجل وادهم وملك ولا يعرفا ماذا يحدث بينهما وما هذا الشعور الجديد على كليهما
طلبا الطعام وانتهوا ثم طلبت ملك انت تذهب الى الحمام. هى ونغم ولكن عند رجوعها اعترض شاب ما طريقها هى ونغم
الشاب : الجميل لوحده ليه
ملك: نعم
الشاب: ده انا بس خايف على القمر حد يضايقه
ملك: انت شكلك عبيط وسع كده
الشاب: انا عبيط ماشي مقبوله منك يا قمر
حاولت ملك الذهاب لكنه امسكها من يدها فضربته ملك على وجهه فغضب الشاب وشدد من قبضته على يد ملك فصرخت ملك
الشاب: وحيات امك لاوريكي انا تضربينى بالقلم
نغم : سيبها انت عبيط
ملك: سيبنى بقي انت اتجننت
نغم: سيبها يا حيوان انت
الشاب: لمى نفسك انتى
لاحظ ادهم وسيف صوت صراخ فتاه فقال سيف: ايه الصوت ده
ادم: مش عارف
ريتاج: هى ملك ونغم اتاخروا كده ليه
ثم سمعوا صوت بنت تصرخ فوقف ادهم وسيف وادم وقال ادم: متتحركيش ماشي
ذهب سيف وادهم وادم فوجدوا الشاب يقبض على ذراع ملك وملك تصرخ وتدفعه نغم تحاول ابعاده عن ملك .. فركضوا باتجاههم فأمسك سيف بملك وادهم امسك الشاب
بكت ملك وارتمت فى حضن سيف ووقفت نغم بجانبه وامسكت يده
اما ادهم: فقال انت مين وايه اللى مخليك ماسكها كده
الشاب: وانت مالك انت وسع ومتدخلش احسنلك
نغم: ده حيوان يا ادهم كان هيضربها
ملك ببكاء: يا سيف والله عاكسنى وجيت ماشيه شدنى من ايدي ضربته بالقلم مسكنى جامد من ذراعى ومعرفتش ابعده عنى
ادهم: ده انت وقعت امك سوده
الشاب: انت ...
ولم يكمل جملته حتى وقع على الارض من ضربه ادهم وظل ادهم يلكمه حتى رفعه ادم من عليه قائلا: هتموته خلاص يا ادهم بقي
سيف: خلاص يا ادهم سيبهولى
وانقض على الشاب وضربه هو الاخر
ادم: بس بقي هو انا امسك واحد التانى يسيب
ابتعد سيف عن الشاب واحتضن ملك
ادهم : انتى كويسه
ملك ببكاء: ايوة
سيف: معلش يا حبيبتى حقك عليا
ملك: خلاص محصلش حاجه انا كويسه يا سيف
ادم: مهو لازم يعاكسك اصلك قمورة ومفيش بنات حلوة كده هنا
اغتاظ ادهم بشده من كلام ادم لملك وقال بصوت غاضب: ادم احترم نفسك ايه قمورة ديه احترم لسانك شويه مع بنت عمى
ادم: يابنى ديه اختى انا بس بحاول اهديها
سيف: خلاص بقي بلا نرجع علشان سايبين ريتاج لوحدها
ادم: ايوة ياللهوى لحد يعاكسها هى كمان
عادوا الى ريتاج فوجدت ملك تبكي فقالت: ملك انتى تعبانه
نغم: خلاص يا ريتاج بعدين
سيف: طيب نروح ونبقي نيجي احنا الشباب الصبح نجيب البدل
وافق الجميع وذهبوا الى البيت
دخلوا الى المنزل فقال كمال : ها جبتوا كل حاجه
سيف : لسه يا جدى فاضل البدل
جمال: طيب مجبتوهاش ليه
سيف : عادى هننزل نجيبها بكره علشان معجبناش حاجه
جمال: ماشي يا حبيبي
روضه: ملك انتى كويسه يا حبيبتى
ملك: ايوة يا ماما كويسه
كمال: لا مش كويسه انتى مضحكتيش معايا ولا حضنتيني حد منهم زعلك
ملك: لا والله بس تعبانه وعايزة انام
جمال: طيب يا روحى اطلهى ارتاحى وهاصحيكي على العشا
ملك: ماشي تصبحوا على خير
ذهبت ملك فقلق ادهك فقال: انا طالع اوضتى عن اذنكم
ذهب ادهم بسرعه وراء ملك وقال: ملك استنى ثانيه
ملك: نعم
ادهم: انتى كويسه
ملك: اه كويسه
ادهم: اومال ليه حاسس انك عايزة تعيطي
وبالفعل بدأت ملك فى البكاء وهى تقول: كان هيضربني لولا انكم جيتم انت وسيف
وانا والله معملتلهوش حاجه والله يا ادهم هو عاكسنى واول ما لمسنى ضربته بالقلم من خوفى
كان يستمع لها ومن دون مقدمات احتضنها وهى ظلت تبقي الى ان احست بحضن ادهم يشتد عليها فدفعته بسرعه ونظرت له وقالت: انا اسفه كاد ادهم ان يتحدث لكنها ركضت وصفعت.الباب خلفها بشده
فدخل ادهم ايضا الى غرفته وتمدد على سريره ووضع ذراعيه خلف رأسه وقال لنفسه: ليه لما حضنتها حسيت قلبي بيدق جامد لدرجه انه هيطلع من صدرى ليه حسيت بأمان وفرحه ياترى هى كمان حست بكده ولالا
عند ملك
كانت تقف خلف الباب وتضع يدها على قلبها قهو ينبض بشده وتكاد تقسم ان من بالخارج سيسمع دقاته من شدتها ظل صدرها يعلو ويهبط وسألت نفسها: ايه ده ازاى حضنته هو انا اتجننت بس ليه حسيت معاه انه زى حضن سيف حنين كده ويحتويني وزى بابا بيطمنى انا غلطانه انى عملت كده بس والله محستش بنفسي ياترى هو كمان حس باللى حسين بيه ولالا
أنت تقرأ
عاشقه الشيكولاته ❤️🍫
Romanceلا اعلم من اعشق لكنى احاول اكتشاف ذلك ولكن غموضك يجعلنى اخاف لانى لا اعرف ما هو القادم وانت الاخر لا اعرف ما تخبئه خلف هذه البسمه ولكن اعدك سوف احاول تبين الحقيقه ❤️❤️ (مكتملة)
