دخلت اوضتها وبيدها بقايا الصوره .....شتتها بي عصبيه وقالت :انتي سرقتي فرحتي وهسي بتك حتكون لي ولدي ماض وبس
قعدت بالكرسي وختت يدينها في وشها وقالت : كلو منك انتي ..... منك انتي .....باخر كلامها رمت الفاصه الفوق الطربيزه ...
جات بتها جاري وقالت :امي في شنو ......دا شنو الصوت السمعتو دا
رفعت راسها وحاولت تتمالك نفسها وقالت:مافي شيء يابتي.....بس وقعت من يدي وانكسرت .....قالت كدا ودنقرت تلم الكزاز
مسكت يدها وقالت :لالا ياامي خلي انا بلمو ... شكلك تعبانه .... امشي ارقدي ..
امها مشت بدون ماترد او تقول شيء
بقت تلم في الكزاز وتقول في نفسها"ياربي امي مالا ....من اليوم داك امي مازي اول "....قالت كدا وبقت تتذكر ...
فلاش باك 🔙🔙🔙🔙🔙🔙🔙🔙🔙🔙🔙🔙🔙🔙🔙🔙🔙🔙
طلعت وهي بتتكلم مع نفسها "لي متين فهد حيفضل حابس نفسو كدا .." قالت كدا مشت عل اوضتو ......دخلت وشافتو خاتي يدينو في وشو ......جات عليهو وقالت :فهد البتعملو دا ماصاح ....فهد عاين لي عارفاك صاحي ......فهد........قالت كدا وزحت يدينو من وشو ...شافت عيونو مورمه وهالات هالات ......
اميره :فهد انت مجنون في زول بعمل كدا في نفسو ......فهد اوعي عل نفسك .......امي من وراك لا بتاكل لابتشرب ....
فهد اتكلم معاي انطق .....قالت كدا وبقت تهز فيهو...
فهد بانفعال ودي كانت اول مره يتكلم فيها من ايام :اااي مجنون واي شيء .....في زول حاسي بي ....ولا في زول شاعر بالانا فيهو....
انتو بتقولو ماتتت وخلاص انسي ..... عايزني انسي شنو ... روحي ..... البت الحبيتها ......لا ماعايز انسي اي شيء .....يلا اطلعي برا برا ...بقي يكورك بي صوت عالي ويلز فيها لحدي ماطلعها برا ....... وغفل الباب وقعد في ارض محاوط كرعينو وبقول "لي بس بتقولو لي انسي .....لي بتقول لي ماتت.....لا ماماتتت هي حي ....."
وبي جاي واقفه زي المصدومه .....وبتعاين عل الباب .....
عل صوت فهد امها جات وقالت : في شنو يااميره
اميره وهي بتعاين للباب قالت :ولدك بتوجع ياامي
امها ختت يدها في صدرها وقالت :سجمي مالو....... حاسي بي شنو .... في شيء بوجعو...ارح خلينا نوديهو الدكتور
اميره :ياامي اهدي ..... ولدك ماعيان ..... وعلاجو مادكتور
امها:فهميني اخوك مالو
جرت امها من يدها وقعدتها في الهول ......وبقت تحكي ليها اي شيء بالتفصيل ..... بعد خلصت امها عاينت ليها وقالت :يارا البت الماتت
اميره :ايي
امها :الله يرحمها .....وسكتت شويه وقالت :بت منو هي
أنت تقرأ
احلام مراهقه>~<✌
Romanceبقلمي:مجنونه من عالم اخر😆✌ يلا الروايه 😹💔حلووو بس فيها شويه اكشن وخيال كدا😂😂💔
