سرحت وبقت تشخبط بي قلمها
"ذالك الشعور الغريب ......وتلك الاحاسيس الغريبه ذات القالب الدافئ ماهي ؟ .....ياتري هل.."
وقفت كتابه وهزت راسها وقالت :دا شنو البفكر فيهو دا ......قالت كدا وكملت كلامها وقالت:بس هو لي بتجاهلني لي هسي ......وكمان بقي معاهو فهد اووووف انا +_+........هسي مالي قال بفكر فيهم .......بس ياربي اليوم داك قدير كانت عايزه تقول لي شنو ....معقوله في شيء ضروري ؟؟؟بس لما رجعت البيت اليوم داك واستنيتا لحد ماجات وسالتها قالت :انسي ، ياربي مالا قدير والموضوع شنو؟ .....اوووف انا لي كل شيء حولي غامض كدا ......شيء فهد وايهاب وشيء قدير وشيء جاسم .......من قالت اسمو سكتت شويه وقالت :ماعارفه لي ماقادره اوقفو معقوله بحبو ! قالت كدا وهزت راسها وقالت:لالا ....بس انا بعاملو كدا لانو ماعايزه اكسر قلبو ،بس كدا بتعلق ...اووف.....قالت كدا ورقدتت بي وشها في الطربيزه القدامها.....
غمضتت عيونها وقالت:كل شيء ماشي في تعقيد ،قالت كدا وسكتت .....فجاءه جات في راسها صوره ود عمها ....قامت بي خلعه وقالت:هسي الذكرني ليهو شنو ،الحمدلله من اليوم داك ماجاء تاني ،احسن ارتحنا منو ....
بي هناك في مكان تاني............................
كانت قدير قاعده في اوضتها وماسكه تلفونها وبتعاين لي صوره نزلتها من الفيس لي فهد
قدير:لي ماحاسي بي ..........حبي دا كلو وماشاعر بيهو .......قالت كدا ونزلت التلفون وقالت:اااي بس في بالك هي ...كيف تحس بي انا ....
سرحت مسافه وبقت تتذكر اليوم داك .....
فلاش باك ...........................................
وقفت جنبهم وقالت بابتسامه :فهد
وهنا اتلفتو عليها الاتنين
فهد:اوه قدير .....مشتاقووون
لوت خشمها بي طفوليه وقالت:كان مشتاقين مابتختفي كدا وتقطع الاخبار ........
حكه راسو وقال:بس مافي يدي والله .....قال كدا وكمل كلامو وقال :صحي اخبارك شنو
قدير:الحمدلله الا تعب الامتحانات دا
فهد:ههههههه تعب شنو ؟ هي ياداب بدتت
قدير:خلي الذكاء الزايد دا .....قصدي تعب القرايه للامتحانات
فهد ضحك وقال :يعني انتي بتقري
قدير:فهد
ايهاب ادخل بعد ماكان ساكت وبعاين ليهم ساي :هدوو شباب ،الموضوع ماخطير.....يلا خلونا نمش ولا عاجبكم الانشحاط هنا؟؟؟
فهد:خلاص مشينا.......قال كدا وعاين لي قدير وقال بي غمزه:مزتي كنت بهظر معاك سااي
قدير من قال ليها كدا وغمز ليها ...قلبها بقي يدك بي سرعه ....
قدير بي خجل:مامشكله عادي
ايهاب:خلصونا واتحركو
فهد:مالك مستعجل كدا ...
ايهاب بي حميره:فهد
فهد:خلاص مشينا ....
قدير:امشو انتو انا بمش مع اخوي
فهد:خلاص مع سلامه ......قال كدا وقرب منها وقال بي صوت واطي:سلمي عل يارا عليك الله .....
اند فلاش باك .......................................
لي هي من دون البنات ،لي يارا ......انا ماعايزه احقد عليها .....قالت كدا وغمضت وشها بي يدها وقالت :والله ماعارفه .... بقت مشاعري تجاه يارا متقلبه .....هي ماليها زنب بس ......قالت كدا وسكتت.......
"الضمير مرات بصحي في اللحضات الصاح ....بس الشيطان دايما بالمرصاد"
في بيت ناس عمو لي ايهاب ........................
جات مرت عمو لي ايهاب وهي شايله تلفونها وشكلها بتتكلم مع زول ومندمجه .......من لمحت ايهاب مشت عليهو بي سرعه ووقفتو من قميصو وقالت:ايهاب هاك امك في تلفون ....عايزه تسلم عليك ....
عاين ليها واتحرك زي خطوتين وقال:خالتو قولي ليها تعبان ماشي ينوم .....قال كدا ومشي ....
بقت تعاين ليهو وهو ماشي ........نزلت عيونها للتلفون وخايفه انو امو تكون سمعت .....
وبهناك امو سمعت كلامو ودموعي جات في عيوني ........قالت بصوت زي همس:لي ياهوبي ...لي كدا ....انا امك حبيبتك ......
قالت كدا وماحست بي دموعي الجرت لحدي مانقطتت في التلفون ........
جاها صوت شامه :مريم ....مريم .... مشيتي وين ....ايهاب دا شكلو مافيش ....قالت كدا وماعارفه انو هي سمعت .....
ام ايهاب رفعت يدها وقشت دموعي وكانت قدر الامكان بتحاول تخلي صوتها طبيعي :مامشكله ياشامه لمايجي سلمي عليهو وقولي ليهو امك مشتاقه ليك، بعد دا ماترجع البيت ...
شامه سمعت صوتها وعرفت انها سمعت بس ماشتها زي ماكانت اول .....وقالت:كويس بوريهو ...قالت كدا وغيرت الموضوع وقالت :اها عبد الرحيم اخبارو شنو .....
ام ايهاب:كويس الحمدلله ،قال برجع بعد شهرين تلاته ...
شامه صنت حبه حتن قالت:انتو لي ماوريتو ايهاب
ام ايهاب:شامه الموضوع دا خليهو سر زي ماهو ...وايهاب قريب حيعرف اي شيء
شامه:بس بطريقتك دي حيبعد من ابوهو ويشيل في قلبو ....
ام ايهاب :ايهاب ولدي ياشامه ،وعارفاهو ومتاكد حيتفهم كل شيء .....
شامه:ان شاءلله ،والله يجيبو ليكم بالسلامه
ام ايهاب:امين يارب ،يلا انااستأذن ياشامه ...
شامه:مامشكله حبيبه .....انا زاتي كنته عايزه اودعك ......خاته لي حله في النار وخايفاها تحرق
ام ايهاب: ههههه امشي الحقي حلتك ماتحرق وتحيري الناس معاك ......
شامه:مابحيرهم ......هسي بمشي بلحقها ........يلا مع السلامه .....
ام ايهاب:مع السلامه ....قالت كدا وغفلت الخط ....
ختتت التلفون في السرير وقالت :اشتقت ليك ياولدي ....انت قايل بعدك مني ساهل علي .....بس ماعايزه اضغط عليك متاكده بجي الوقت الحتفهم كل شيء ......
بهناك عند ايهاب .............
رقد في سريرو وقال:كل المده دي واتزكرتيني هسي ......قال كدا وضغط عيونو شديد اشان مايبكي .....
فتح عيونو وكان فيها لمعه دموع .....
كان بعاين للسقف ورغم انو ماكان واضح بس كان بعاين ليهو ...
قال بي صوت مخنوق:بس انا اشتقت ليك ......بعد ماقال كدا ....في دمعه جات جاريه من عيونو...
رفع يدو وقشاها طوالي وقال:معليش ياامي
"تصرفات ايهاب وكلماتو متناقضه بس مافي زول بلومو لان المره بيهو ماساهل والقاعد يحسو والاتحملو اكبر من انو اي زول يتحملوو"
وبهناك في مكان تاني وتحديدا غرفه سونار......
كان قاعد بقرا في شيت بس من اتذكرها طوالي غفل الشيت وقال:لي بتضحك معاهو .......قال كدا ...ووقت حسي بي نفسو قال:انا مالي ومالا تضحك مع دايره تضحك معاهو ماعندي شغله ...
كان واقف وراهو وسمع كلامو ....ابتسم وقرب منو وقال:سونار
سونار اتلفت عليهو بخلعه وقال:علي!!! .....مالك عامل زي الشبح كدا ....لاحس ولاصوت ....
علي ضحك وقال :يعني خفتي
سونار: مابخفتا ولاشيء
علي:خلاث لي اتخلعته .....
سونار:انت فاجاتني اشان كدا ....
علي:ماشاءلله كانونيتور شغاله ....قال كدا وضحك سونار عقد حواجبو وقال:علي اختاني عليك الله مافاضي لعوارتك وعباطتك دي
علي بي جديه:انت بتحبها ياسونار
سونار :بحب منو !!.......لالا انا مابحب زول
علي:واضح وضوح الشمس ياسونار .....
سونار بقي يعاين جاي وجاي وقال:شكلو احمد هدي فيك .....حب شنو انا مازول حب والكلامات دي .....
علي عاين ليهو وقال:خلاث مالك بتنفسن كل ماتكون تالين مع زياد .....
سونار وقف وقال:انا ماشي الحمام
علي:اتهرب اتهرب .....بس انت بتحبها واسمع كلامي وماتكون عوير وتضيعي ....
سونار وهو ماشي قال في نفسو"كنت عوير زمن وقعته في حب واحده مرتبطه"
عند فهد ....................................
ابتسم بي فرحه وهو سارح قال في نفسو "بكرا اخر امتحان حااعترف ليها .....انا متاكد انو هي بتبادلني نفس الشعور ".....قال كدا وابتسامتو ماشه في زياده ......
حسي بي شعور حلو وهو بفكر في اعترافو ليها وخيالو يودي ويجيب......
كان منغمس في افكارو كانو في كون براهو...
"المستقبل ومايخبأ ....بين مشاعر الشباب ولوعت الحب وبين الحب والكراهيه .....ماذا سيكون مصير ابطالنا ومع من سيقف القدر؟؟؟
هل ستلتقي دروب الاحباء ام ستختلف الطرق
الاحلام جميله ولكن!!! الواقع صادم
ماذا سيحدث واين ستكون النهايه ."
يتبع ...............................................
أنت تقرأ
احلام مراهقه>~<✌
Romansaبقلمي:مجنونه من عالم اخر😆✌ يلا الروايه 😹💔حلووو بس فيها شويه اكشن وخيال كدا😂😂💔
