"العديد من الاشياء تمر بنا فتجعلنا في غياهب الضياع"
كانت ماشه وشارده ...بتفكر بينها وبين نفسها
"بالجد الحمدلله .....ياربي جاسم مالو والحصل عليهو شنو ..... قالت كدا واتذكرت شكلو وكملت وقالت:اتغير شديد ....دا ماجاسم البعرفو ...... قالت كدا في نفسها ...دقايق ووقفت جنب المكان العايز تمشي ليهو ......دخلت وبقت ماشه لحدي ماوصلت جنب باب غرفه ...فتحتو ودخلت ....
بقت تعاين ليهو .....قعدت جنبو وبقت تتكلم :سونار انت كل شيء باقي لي .... مالك ماعايز تصحي ....انت برضو عايز تمشي وتخليني ....قالت كدا وبقت تبكي ....
كانت حاسه بالضياع ...الوحده ...ومشاعر كثير في نفسها......
وبهناك في مكان تاني ......
تحديدا بيت ناس يارا.......
حبوبتها كانت مقلقه وتمشي وتجي ....لانها كانت خايفه عل يارا وماعارفاها مشت وين .....
ومشت عل تلفونها الكان قاعد في الكنبه ....شالتو ودقت .....دقايق وجاها الرد
احمد:نعم ياحبوبه
الحبوبه :احمد يارا مافيشي....ماعارفها مشت وين ..وفتشته البيت دا ركن ركن مافيشي ...كان عارفي وين كلمني ...
احمد :طفشتوها انتو ....ماقلت ليك ياحبوبه مابتتحمل بعد ..دا ...
الحبوبه:تكون مشت وين .....
احمد كان عايز يتكلم بس حسي بي خوف حبوبتو فقال:ماتخافي بشوفها وبرجع ليك ......
الحبوبه:كويس ...قالت كدا وغفلت الخط ....
قعدت في الكنبه وقالت:انت ماعارف شيء يااحمد ....لما قلت انها تمشي ....احسن ليها ....دا بت بتي وقطعه من قلبي ....اشان كدا ماعايزاها تتعزب ....
قالت كدا وجرت نفس بي تعب ......
وبي جاي .........
كانت واقفه قدير وسمعت المكالمه ...ابتسمت وقالت :احسن زاتو بركه الطارت ......ان شاءلله ماترجع ..
قالت كدا ومشت عل غرفتها .........
دخلت وغفلت الباب وراها .....ورقد في السرير...
شالت تلفونها ودخلت الاستوديو .....بقت تعاين للصوره ....
جرت نفس وقالت :كنت حاخليهو ليكي ....بس بعد دا حتشوفي حااعمل شنو .....
رفعت التلفون ورسلت رساله وغفلتو وغمضت عيونها ...
وبهناك ........
عند فهد وايهاب ..................
ايهاب اتلفت عل فهد وقال :الوقت اتاخر بعد دا يلا خلينا نطلع.....
فهد صره ليهو وقال:اتاخر شنو ×_×عاين الساعه كم ...الساعه 7 ...
ايهاب وقف وقال:عارف ..بس اخير نمش .....
فهد مسك يد ايهاب .....لاكن ماتكلم ....
ايهاب رجع قعد جنبو وقال :اه في شنو ....
فهد عاين لي للسقف وقال بدون مقدمات :انا بحب يارا.....
ايهاب مع انو عارف انو فهد بحبها ....بس حسي كانو مرايه واتكسرت لي ميه جزو......حسي بالم وضياع ...من جهه صحبو ....من جهه عواطفو ومشاعرو اليوم عن يوم بتزيد وماعارف يتخلص منها ....
ابتسم مع انو ماكان عايز يبتسم ....وقال :نقول مبروك ....
اتلفت عليهو وهو خاتي يدو في راسو وقال:ههه لسه .. قال كدا وعدل جلستو وبقي يتكلم:ماعارف ياايهاب بحس بي نفسي عايز اطير لما تبتسم لي ولما تكون جنبي ....ايهاب بالجد مشاعري ليها حقيقه ....واول مره احس بشعور زي دا ....بس ماعارف كل مااحاول اعترف ليها بتحصل شيء ....والفتره الفاتت دي موت ود خالها واخوها الفي المستشفي ....حاولت اكون جنبها بس مالقيت طريقه ...
ايهاب بقي شارد في صحبو العيونو بتلمع وهو بحكي عنها ......
ايهاب في نفسو "مستحيل اكسر صحابي ...لازم تفوق ياايهاب ...."
فهد بقي يحرك يدو قدم وش ايهاب وبقول:ايهاب انت معاي
ايهاب: اه معاك
فهد :ماعارف اليامات دي مالك ....شرودك بقي كتير ...الحاصل شنو ...احكي ...لي....قال كدا وعاين ليها وقال وهو بصغر عيونو:بس ماتقول لي بتحب برضو...
ايهاب من سمعو قال كدا ...وقف واداهو ظهرو وقال :حب شنو يااخ
في نفسو"ايو غلطته وحبيت ....ماعارف زاتي حبيتها كيف....بس حااخت حد للشعور دا "
فهد وقف وخت يدو في كتف ايهاب وقال:دا ماعلي انا ...هاا...قال كدا بابتسامه ...وكمل وقال :يلا ارح ..بس لما تكون عايز تكلمني عنها انا هنا هههه
ايهاب:فهد ماتتعولق ....مافي اي شيء من البتقولو ...دا ....
فهد اتحرك قدام وهو بقول :لالاااا ماسامع شيء ...في زول بقول شيء ...لا لا لا .....
ايهاب ضحك وقال:مجنون......والله .....قال كدا واتحرك وراهو .........
وبي جاي ....... .................
غفل الباب وراهو وبقي يتحرك كانو مومياء ....واول ماوصل الكنبه رمي نفسو فيها .....غمض عيون لي دقايق .......وفتحها وقال :ماقولتي حتشيلي اولادي ...قال كدا وابتسم بانكسار وقال:شوفي حتي بقيت اتكلم سوداني....قال كدا وكمل كلامو وقال:بحبها بس...هي مالي .....
قال كدا وشرد بزكرياتو ............
"كان واقفه قدامو مره حلوه ملامحها نفس ملامحو
قربت منو وختت علبه في يدو .....
هو استغرب وقال :دا شنو ياامي؟
ابتسمت وقالت :دا اغلي شيء عندي ♡هديه ابوك ...وانت حافظ عليها واديهو للبنت البتختارها....
ابتسم وقال :اذا ماحبت الهديه
ضربتو في كتفو وقالت:مافي شيء بخليها ماتحبها...قالت كدا وكملت كلامها وقالت:ماتديهو لي اي بت ....بس للبت الانت بتحبها من اعماق قلبك وعايز تكمل حياتك معاها...."
فاق من زكرياتو وقشي دموعو وقال:اخر زكري منك راحت .....حتي هي راحت..... الصليب كان زكري من ابوهو وامو ادتو ليهو عشان يديهو للبختارها ..
هو كان بتعذب وماعارف يتخلص من مشاعرو ...والزاد عليهو اكثر موت امو .....
امو كانت اقرب شخص ليهو ....كانت صديقتو وكل شيء بالنسبه ليهو ......
بقي قاعد في الظلام بصارع في الالم بس الطرق الاختارها ليتخلص من الالمو وهمو غلط ......
كاسه ورا كاسه ....لحدي مابقي ماجايب خبر لي شيء .....
وقف وهو بترنح ....كان عايز يصل لي غرفتو بس قبل مايصل اتعتر ووقع .....بقي واقع في الارض
فتح عيونو وغمضها كانو بحاول يصحصح بس....كان بتمتم بي كلمات "انا بحبها.....ياامي ....انا مامرت دقايق وكل شيء غطس في الظلام ....
وبهناك .................................
عاين للتلفون وشلت الارض وهو بقول :ردي ردي ....اووف ....مشيتي وين يايارا........
ضغط عل عيونو ...بس زحي يدو بي سرعه وقال :المشتشفي ...كيف راح من بالي ....بتكون هناك ..
قال كدا واتحرك .........................
وبي جاي .............................
نايمه وهي متكله راسها عل سرير اخوها ....ودموعها ناشفه في وشها ......
الغرفه كانت هادءه دقايق واصوات الاجهزه بدت تعلي ......
فتح عيونو اول شيء وقع في نظرو سقف الغرفه ...حرك نظرو شويه وشاف اختو .....
اخر شي بتذكرو الحادث .........حاول يحرك يدو....ويتكلم ....بس الكلمات كانت بتطلع مقطعه ..
يارا حست بحركه جنب يدها فتحت عيونها ....
بس الشافتو ماكانت قادره تصدقو .....
وقفت بي سرعه وفتحت عيونها وغمضتها ..مرتين ...كانها بتحاول تتاكد انو الشايفاهو دا حقيقه ماحلم ...مدت يدها بي رجفه وقالت :سونار ....انت. انت....صحيت...قالت كدا وانفجرت بالبكي ....
في لحظات دي الباب فتح ............
الفتح الباب انصدم برضو .....
وقال:سونار صحي......قال كدا واتحرك بتجاهو ....
يارا حست بي زول وقف جنبها .....طوالي اتلفت ومن شافتو احمد .....قالت ودموعها في عيونها :احمد اخوي صحي ....احمد سونار ....صحي...
ابتسم وقال:اي شايفو .... وعايز يتكلم بس ماكمل كلامو لانو يارا حضنتو وقالت وهي بتبقي:ماقادره اصدق يااحمد ....احمد ...حاسه نفسي في حلم ...خوي صحي .....
احمد بين منصدم وماعارف يعمل ...شنو .....بس رفع يدو وطبط عل ظهرو وقال:الحمدلله ....
قربها منو كان خطر عليهو ...هو بحبها ...بس عارف انو هي بتعتبرو زي اخوها ...مع انو قال حيبقي سند ليها وماحيحبها اكثر من اخت ....بس مشاعرو لما تقرب ليهو ...مابقدر يتحكم في مشاعرو ....
بعدها منو وقال وهو بمسح دموعها:يلا ماتبكي هسي ....حمدلله عل سلامتو ...لازم تفرحي مش تبكي .....
في كل مره تقرب منو بتتكسر كل وعودو لي نفسو ومشاعرو بتتحكم فيهو .....هو كان ماعارف هل يمشي ورا مشاعرو او يكبتها .....
التضارب البحصل في نفسو خلاهو في حاله من الضياع !!.......
"اخبريني ماذا افعل ....اخبريني فقد ضاق كل شيء حولي .....تلك السماء اكاد اكون بها حين تضحكين ..وحين اري دموعك ...اشعر ان سهاما اخترقت قلبي !احبك ....ولااستطيع ان اطالك"
يتبع .........................................
هههه عارفه اني قلبت هندي...بس يلا خيالي شاطح لدرجه ....
اذا عجبكم البارت ماتنسو تسو فوت ^_^♥
وتجدعو كومنت صغير يفرحني♥
أنت تقرأ
احلام مراهقه>~<✌
Romantikبقلمي:مجنونه من عالم اخر😆✌ يلا الروايه 😹💔حلووو بس فيها شويه اكشن وخيال كدا😂😂💔
