أحلامنا ستظل احلام
فبل كاد استطعت التحكم بمشاعري وعدم خلطها بالواقع
الواقع مر ....ويتلون بالرمادي كما قلبي ....!!
ايهاب ...ايهااب ....ايهااب.... كانت جاريه وبتنادي فيهو..... ماكنت شغاله بي انها في جامعه او الناس حتقول شنو.....
وقف ...وكأن الزمن برجع نفسو تاني ......غمض عيونو لي دقايق واتلفت عليها وعاين ليها بدون كلام لي دقايق واتحرك......
واقفه في مكانها وبتعاين ليهو وبتقول في نفسها "مرت الشهور دي وبالاخر شوف طلعنا بي نفس الجامعه .....بس لو اعرف انا عملت شنو "
وهي واقفه جات قدير وقالت:يارا ....اختفيتي كدا وين ...يابت هااا شارده وين......قالت كدا واشرت ليها قدام وشها بي يدها .....
يارا فاقت من شردتها وقالت:ولاشيء يلا ارح.....
قدير في نفسها" ولاشيء....اه كويس .....شكلو كل شيء حيكون زي ما انا عايزه "
يارا:قدير مالك واقفه ارح.....
قدير اتحركت وهي بتقول :جايه يلا....
وبنهاك ايهاب قعد في مسطبه ....
في نفسو" ليه كل شيء ضدي ....انا عملت شنو في حياتي ......"
وهو قاعد تلفونو ضرب.......
طلع نظارتو ومسح عيونو ولبس النظاره تاني ....دخل يدو في جيبو وطلع التلفون عاين للاسم وقال بي همس:فهد.....
فتح الخط وقال :الو
فهد بصوت عالي:انت وين ...ياااخ لي ساعه مستنيك برا...
ايهاب:برا وين....
فهد:اللهم طولك ياروح....جنب باب الجامعه برا ...قال كدا وكمل :كان انتهيت من الاجراءات اطلع ...قال كدا ولا استناهو يرد غفل الخط....
ايهاب عاين لي تلفون وابتسم وقال:مجنون.....
وبنهاك فهد متكل عل الحيطه ومدنقر راسو في الأرض بس اول مارفع راسو شافها.....
ابتسم وهو بقول في نفسو "واخيرا" قال كدا واتحرك بتجاها بس قبل ما يصل....ايهاب جاء ختي يدو في كتفو وقال:عل وين.....
فهد اتلفت عليهو وقال:ماماشي مكان...بس مليت من الوقفه.....يلا قال كدا وجراهو من يدو واتحرك..
ايهاي:براحه ها...الاسكريم ماطاير......
فهد مارد عليهو وماشي بس .....
في نفسو "ماطاير بس عارفك حتعمل شنو اذا قلت ليك وين ماشي...."
وبهناك .....في بيت ناس يارا .............
كان قاعد سونار في كرسيهو جنب الشباك ....في المكان الاتعود يقعد فيهو في شهور الفاتت دي .....ماكان في شيء ساهل عليهو ....لانو الصدمات كانت بتجيهو واحده ورا التانيه......بقي منعزل ومابطلع من غرفتو وحتي الجامعه كل مايجيبو سيرتها بحاول يغفل السيره.......
وهو قاعده فجاءه اتردد لي راسو كلام رودين...
ضرب الكرسي وهو بتذكر في كلامو
"انت ولاشيء انت مقعد وبس....واختك ...امم...ولااقول مرتي المستقبيله..."
رمي الكبايه الجنبو وقال وهو ضاغط عل اسنانو "ياريت لو مته ياريت "......
وبي جايه حبوبتهم كانت ماره سمعت صوت شيء بتكسر ....والصوت جاي من غرفت سونار.....
مشت عل الباب وفتحتو بس سرعه وهي بتقول "سونار...دا شنو الوقع"
اول مافتحت الباب وقعت عيونها علي سونار قاعد جنب الشباك وضاغط عل يدو وظاهر عليهو مضايق...
مشت عليهو وقعدت في الأرض لمت الكزاز...وختتو في الطربيزه...وبعدها جات قعدت جنبو وختت يدها في يدو وقالت بي حنيه:مالك ياسونار....شنو المضايقك.......وقت مالقت رد منو قالت :الطب اتطور ماتخاف ياولدي كل شيء حيرجع زي ماكان .....
قالت كدا وفي فكرها انو هو مضايق من الحاله دي لانو زهجان من الموضع الهو فيهو ...بس هي ماكانت عارفه انو الخلاهو يكون كدا رودين.......
وقفت وحركت االكرسي بتجاه السرير وهي بتقول :اخد ليك غمده بترتاح....
سونار كان كأنو ماقعده تتكلم معاهو لارده ولااتفاعل ولاشي شيء......
حبوبتو ساعدتو وبعدها طلعت......
سونار بقي راقد في السرير وبعاين للسقف وبقول"مستحيل اخليهو يقرب منها.....قال كدا في نفسو، بس في شيء في نفسو قال ليهو"حتعمل شنو وانت بالحاله دي......انت واحد مشلول بس ...
سونار رفع يدو وضغط علي عيونو...وهو بقول "انا واحد مشلول بس........"
زح يدو ودموعو بقت تجر.....
ضرب رجلو وهو بقول اتحركي....قولت ليك اتحركي....قال كلماتو دي بي صوت عالي......والرجفه كانت ظاهر في صوتو.......كان ياءس وكانو بي كلماتو امكن ترجع تاني......
وبهناك في مكان تاني .....................
تحديدا في بيت ناس تالين........
فاتحه صفحتو وبتعاين لي صوره.......قالت"ماعارف انا مشتاقه ليك قدر شنو....قالت كدا وابتسمت وكملت :ماعارف انا بحبك قدر شنو..... قالت كدا وهي بتمرر يدها في الصوره الفي التلفون......
وهي قاعده كدا باب غرفتها فتح ....من الخلعه رمت التلفون من يدها.....
زياد جاء عليها وهو بقول:بسم الله مالك...اتخلعتي كدا ...قال كدا ودنقر اشان يرفع التلفون....بس رفعتو قبلو وقالت بارتباك:ولاشيء.....
قعد جنبها وقال من دون مقدمات:ماساهل الواحد يتجاوز الصدمات....قال كدا ودموعو جات في عيونو وكمل :عارفه فقدت اعز صاحب لي .....قال كدا ودمعتو جرت........
تالين كانت بتعاين لي اخوها وبتقول في نفسها"طلع كل الفي قلبك بترتاح.....اتغيرته شديد يازياد"
زياد ادارك نفسو وقشه دمعتو وقال:شكلي قلبتها دراما...قال كدا ووقف......
اتحرك خطوه بس يد تالين سبتتو...
تالين:زياد......
اتلفت عليها وابتسم ليها وهو بقول:زاتي نسيت جاي هنا لي شنو.......قال كدا وكمل.....اه امي عايزاك قالت تعالي ليها.....قال كدا و مسك يدها براحه زحها وقال:يلا ماتتاخري شكلها عايزاك في شيء ضروري...
قال كدا ومرق.......
في نفسو"ماعارف لي قلت ليها كدا......علي.....قال كدا واتحرك عل غرفتو..........
وبي جاي تالين كانت بتعاين الباب وبتقول"زياد كل مااشوفك كدا بحس اني السبب......
يمكننا أن نبكي بصمت .....ولكن في بعض الاحيان تخرج آلامنا عل هيءه كلمات تحمل في خباياها الكثير...
يتبع......................................................
هلو متابعي روايه .....
بالاول رمضان كريم 💜
ثانيا بعرف اني تاخرت وتاخرت جدا جدا جدا عن التنزيل ....بالجد مريت بفتره صعبه🥺💔...واكتءبت لفتره........وبعدها ابوي جاته كورونا وكل الاتجاهات انصبت علي💔.........
الحمدلله عل كل حال ........
بس رجعت برجوع عافيه ابوي 💙........
طمنوني عنكم كيفكم؟؟؟؟
أنت تقرأ
احلام مراهقه>~<✌
Romansaبقلمي:مجنونه من عالم اخر😆✌ يلا الروايه 😹💔حلووو بس فيها شويه اكشن وخيال كدا😂😂💔
