طفل عمرو زي 6 سنه واقف ورا الباب وبعاين وكان باين عليهو الخوف وكل ماالاصوات تعلي يدسي ورا الباب ......دموعو ملت وشو وهو بشوف ابوهو بضرب امو.....رفع يدو في الهوا كأنو بحاول يوقفو .....كان بتكلم بس صوتو ماواصل ........صرخ بصوت عالي :لا ماتضربي!!
صحي من النوم مخلوع وهو لسه بردد لالا ماتضربي .....
قشي وشو بي يدو ......ولسه نفسو يطلع وينزل
عاين للمكان النايم فيهو ....واتذكر انو مارجع البيت
تمتم بصوت براحه :ليه الحلم دا ماداير يفارقني ...ليه مابتذكر منك الا زكريات ماحلوه.....
وقف واتحرك بتجاه الباب وهو بقول في نفسو "يعني انت رجعته بعد السنين دي كلها!؟....وهسي عايز تموت...." قال كدا في نفسو ماحسي بي دموعو النزلت ......
رفع يدو وقشها وقال:انا ماحاابكي ....بس ليه رجعتا وانت كدا .....
كان ماشي وبتمني في نفسو انو البحصل دا كلو يكون حلم ويصحي منو .....
وقف جنب شجره كدا لمسافه وبعدها واصل طريقو
وبهناك في مكان تاني تحديدا في المستشفي ....
راقد في السرير وبعاين للسقف وبقول في نفسو "متمني اشوفكم بعد السنين دي ....كنت بحسب يوم يوم اشان اشوفكم....وبعد طلعتا ....قال كدا ودموعي جرت .......... قشي دموعو كدا ...في زول جاء داخل وقال :ياالقاسم......
اتلفت عليهو براحي وابتسم وقال:اخوي عمر ...
جاء عليهو وهو بقول :ماتقوم خليك راقد .....قال كدا وقعد جنبو وقال:كيفك يااخوي ...
ابتسم وقال:كويس الحمدلله.......
اخوهو اتلفت لانو دمعتو جات ....قشي عيونو وقال :الحمدلله
القاسم :عمر عايز منك طلب .....
عمر:انت تأمر يااخوي ...قول
القاسم:عايز اشوف اولادي ....قبل مااموت
عمر:الله يطول عمرك يااخوي ....المرض مابكتل ماتقول كدا ....
القاسم:انا تعبان ياعمر وماعارف متين الله ياخد امانتو ...عايز اشوفهم قبل مااموت يااخوي ....عايزهم يسامحوني عل الكل السنين دي ...عايز اضمهم ياعمر ...عمر انا اخر مره شفتهم لمن كان فهد عمرو 6 سنه .....حتي شكلو ماقادر اتزكرو .....هسي بكون بقي راجل ....قال كدا ودموعو جرت .....
عمر :ان شاءلله بتشوفهم وبتعيش في وسطهم وبتحضر جديدهم ياالقاسم .....
عمر كان متاثر شديد بي حالت اخوهو بس كان بحاول يتماسك قدامو .......
وبهناك في بيت ناس يارا...................
كانت قاعده وبتعاين للنايم .......مشت يدها عل شعرها وقالت "اسفه عل كل لحظه كنت فيها انانيه وبفكر في نفسي ....اسف عل كل لحظه كنت بحاول ابعد عنك ...."
قالت كدا وبقت تتذكر الحصل امس .....
فلاش باك ..........
وقفت جنبها وقالت :يارا
يارا من سمعت اسمها رفعت راسها وعيوني مليانه دموع قالت :قدير
قدير حضنتها عليها وقالت :ماتبكي كل شيء بهون ان شاءلله
يارا :انا تعبتا ....تعبتا من كل شيء ....انا عايزه امي ياقدير....انا عايزه امي ...بقت تقول كدا وتتنكد ....
قدير:الله يرحمها يا يارا ....وكانت عايزه تتكلم بس قاطعتها يارا وقالت:هي لي خلتني ماكان تموت وتخليني ....هي مش بتحبني ...لي خلتني ...
قدير بدون ماتحس دموعي جرت .....
زحت يارا منها وقالت :يارا استغفري ....الموت حق ....يلا ماتبكي ....هسي لو خالتو كانت عايشه كانت حتضايق لو شافتك كدا .....يلا ماتبكي ....قالت كدا وبقت تمسح ليها في دموعي ....
اند فلاش باك ........
قامت من السرير وعاينت لي يارا مسافه وقالت في نفسها "مسكينه"
قالت كدا واتحركت بتجاه الحمام .........
وبي جاي .........................
كان سونار قاعد في السرير وبحاول يستوعب الحصل امس ...ابتسم وقال :حاسي نفسي في حلم ...يعني هو اخوها ! اخوها وبس .....بقي يقول كدا وماحسي بي الدخل وبضحك فيهو .....
بعد مسافه حسي بيهو واتلفت ....قال باستغراب:علي متين جيت؟؟
علي :هههخ من وقت بتتكشم زي نار القصب ....اها شايفك مروق من صباح ...قال كدا وقعد جنبو..
سونار :في شيء مابخليني اتكشم ..
علي:الحب الحب انه الحب ...قال كدا بي دراما وتعابير....
سونار شال المخده وجدعها في وشو وقال:اتلهي وبطل عواره....
قال كدا وقام ...
علي:ههههخ مستحيل
سونار وهو ماشي علي الحمام اتلفت وقال:شكلو احمد هدا فيك ....
علي ضحك وقال :امكن ههه
في نفسو "ان شاءلله دايما مبسوط كدا "
في الطابق التحت ..........
كان احمد ماشي وسارح .....قدير شافتو طوالي مشت عليهو وقالت:ابو حميد سارح وين
احمد :اه....قدير...
قدير:لا خيالا .....سارح في شنو ....
احمد:ولاشي
قدير في نفسها"لا في شيء متاكده ....بس ياربي شنو شغالك كدا"
هم واقفين كدا سمعو حبوبتهم بتكورك ليهم ...طوالي مشي عليها.......
الحبوبه:لي ساعه بكوريك ليكم ...مالكم ماسامعين
قدير:حبوبه ساعه شنو ....كما هسي كوركتي لينا..
الحبوبه:خلاث بطلي لماضه واقعدي اشربي الشاي ....قالت كدا واتلفت عل احمد وقالت :اكب ليك معاي
احمد:ااي .....قال كدا وسكت ....
كبت ليهو وادتو ليهو .....وبقت هي وقدير يتونسو...وطول القعده احمد مافتح خشمو بي كلمه ...الحبوبه استغربت لانو مامن عوايدو....عاينت ليهو وقالت:احمد انت كويس
صحي من سرحتو وقال:انا كويس ياحبوبه...
الحبوبه:بس انا ماحاسه كدا ...مامن عوايدك تكون كدا يا احمد .....انا زي امك وربيتك وبعرفك ....اتكلم في شنو.....
احمد اتردد يتكلم بس تاني قال في نفسو"اذا كلمته حبوبه امكن تحلها "
احمد:حبوبه يارا
الحبوبه:يارا مالا .....
احمد:ياحبوبه ماتخافي ....اسمعيني .....قال كدا وبقي يحكي ليها .......
قدير شهقت وقالت في نفسها"يعني كانت بتبكي اشان كدا ......بس هي ماكلمتني ..."
احمد خلص كلامو كدا وعايز يتكلم سمع صوت سونار من وراهم بقول:الزفت دا الليله مابخليهو ....
كلهم اتلفتو عليهو ....
الحبوبه :سونار ياولدي اهدي ....
سونار:اهدي كيف وزفت دا امس كان عايز ياخدها ...انا حزرتو يا حبوبه ...بس شكلو التحذير مابنفع مع الاشكال دي ..قال كدا واتحرك ...
الحبوبه واحمد وقدير كلهم قامو بي وراهو ...
علي كان نازل من السلم وشافهم طالعين ورا سونار طوالي لحقهم وهو بقول :في شنو .....احمد احمد ...
احمد اتلفت عليهو وقال:علي الحق سونار قبل مايتهور ....
علي:يتهور ....في شنو فهمني اول ...
احمد:بعديم بتفهم ....امش الحقو ووقفو ...
علي :كويس ...قال كدا واتحرك .......
أنت تقرأ
احلام مراهقه>~<✌
Romanceبقلمي:مجنونه من عالم اخر😆✌ يلا الروايه 😹💔حلووو بس فيها شويه اكشن وخيال كدا😂😂💔
