احلام مراهقه>~<✌

9

ممكن الايام تكون اقسي من انو الواحد يتحملها ،لو الواحد بقي يعاين للحال الكان فيها والراحة!! الراحه مادايمه..........
مره شهرين بالجامعه وكل شيء كان ماشي كويس بس كان في شيء غريب قاعد يحصل ........
بيت ناس يارا  الساعه ١١ بليل ...........
قال ليها وهو معصب:كل مااقول ليك نتلاقي بتقول لي لا ....يارا انتي مابتحبيني ....والله انا ماقاعد اكذب عليك ،والله شاهد انا بحبك....بس انتي ...قال كدا وسكت .....
زحت التلفون من إضانها وحست بدموعها جرت ....ااي كان بتبكي لانو عيشت نفسها في كذبه وصدقتها وكان من جواها بتتمني لو يتحقق.....
قالت بي صوت مقروش:فهد انا تعبانه هسي ...بتكلم معاك بعدين .....
فهد من سمع صوتها حسي كانو في شيء ...فقال:يارا انتي كويسه .....يارا ....بس ما ردت لأنها غفلت التلفون ......
فهد احتار في الحصل .....خته تلفونو في السرير جنبو ورفع يدو في وشو وقال :طول بالك يافهد....انت بتحبها ......بس مالو صوتها اتغير زي كانت قاعده تبكي .... اووف انا .....
وبهناك ..............
جدعت التلفون وقعدت تبكي ....وهي بتقول في نفسها "لي متين حفضل كدا ..."
كانت بتبكي لحدي مانامت ..........
صباح .............................
في غرفه يارا ....................
تلفون كان بضرب وهي نايمه ماجايبه خبر.......دقايق وفتحت عيونها وهي بتقول "دا منو البضرب من الصباح دا "
قالت كدا ورفعت التلفون ورددت:الووو
جاها صوت سلمي وهي بتقول :عواليق انتي وين ....
قامت من السرير بي خلعه وقالت:سلمي
سلمي:ااي ....اكيد لسه نايمه مش .....
يارا:لالا ......دقايق وبجيك.....
سلمي :الله يصبرني عليك ........المهم تعالي سريع لانو كلنا جينا وعايزين نراجع ال history of english
زي ما اتفقنا..........وبالمناسبه حبيب الروح جاء من بدري......
يارا باستغراب:منو
سلمي:ماتعملي فيها غبيه...جاسم حيكون منو يعني
يارا:كم مره اعيد واشرح انو انحنا أصحاب...
سلمي :امم أصحاب قلنا.....المهم اتحركي سريع عارفاك لسه في البيت ...يلا بانتظارك ....قالت كدا وقبل ماترد غفلت ......
يارا عاينت للتلفون وقالت :مجنونه ........
ختت التلفون وسريع جرت عل الحمام ...في ربع ساعه طلعت .....
نزلت تحت شافت حبوبتها وصبحت عليها ...وقالت :حبوبه قدير طلعت ....
الحبوبه:مااظن
يارا قالت :طيب....ومشت عل تجاه غرفت قدير......
دخلت ولقتها نايمه، عاينت ليها وقالت :امم لسه نايمه
قعدت جمب رأسها وهي بتقول :قدير.....قدير......قومي ...النايمه ليها شنو....
قدير رفعت رأسها وقالت :يارا عليك خليني تعبانه....الليله ماعندنا شيء مهم ماماشه.....قالت كدا وغمضت عيونها.......
يارا باستغراب قالت:اوكي .....وطلعت..........
وبهناك في الجامعه ...............................
كانو مجتمعين كلهم وراجين يارا تصل .......
سلمي عاينت الساعه وقالت :دي ياها الدقيق بتاعتها....البت دي حتجنني .....
واحد من القاعديين اسمو خالد قال :سلمي خلينا نبدا لما تجي تواصل معانا اشان الزمن ........
اتلفت عليهو وقالت :خالد بس خلي نستناها دقايق بس....
خالد :طيب ...قال كدا وسكت.....
يلا القاعديين كانو ٣ بنات وولدين....يلي هم سلمي ومني وبراءه.......والولدين خالد وجاسم ....
يلا ما كلهم علاقتهم قويه مع يارا ....أصحابه قرايه وكذا ...إلا سلمي وجاسم.....
دقايق وهم قاعدين كدا جات داخله  يارا .......
سلمي كشرت ليها وقالت مابدري يختي...كان تتاخري حبه ......
يارا :معليش يختي بش مالقيت مواصلات......
سلمي:كان مرقتي بدري كان لقيتي...يلا تعالي اترزعي...
يارا قعدت جنب سلمي وسلمت عليهم ........
بدو الشرح طوالي لانو الزمن ..........
جاسم كان شبه مركز في الشرح ......لانو كان عينو عل يارا .........
بعد خلصو الشرح ....قالت يارا :يلا خلينا ناكل ....
جاسم بي ضحكه:أصبحنا ....كما ياداب الساعه ٩...
يارا :جعانه .....وشاي ماشاربه......
جاسم :أنا زاتي جعان يلا ناكل
سلمي:طيب ارح.....
مني وبراءه اعتذرو وقالو ماجعانين ومشو
اما البقيه مشو بتجاه الكافتيريا....
في الكافتيريا قعدو سلمي ويارا جنب بعض وقصادهم جاسم وخالد........
وبي جاي كان فهد ماشي وبتكلم بالتلفون بس سكت دقايق وهو بشوف .....قال للزول البتكلم معاهو :برجع ليك بعدين ......وغفل الخط .......
مشي وقرب منهم بس سمع صوت يارا بتقول:يااخ والله سنجل كما عايزين تصدقو ماتصدقو...........
فهد كشر وشو وقال :سنجل.........كيف الكلام دا ......
مشي قعد بعيد وراسو يودي ويجيب....
"معقوله قاعده تلعب بيهو.......يارا.......لالا بس ليه قالت كدا ....."
استناهم لحدي مامرقو........ووقف.....
شاف يارا زحت منهم .....طوالي لحقها........
كانت بتتكلم بالتلفون......جراها من يدها .....لحدي ماهي اتخلعت.....بقت تعاين ليهو وهي مصدومه...
غفلت تلفونها بدون ماتبرر شيء للزول البتتكلم معاهو  وعاينت للواقف قدامها ......
وهو لما لاحظ انو لسه ماسك يدها فكها وقال :ماتوقعتك زيهم........
ردت باستغراب:ايهاب .....في شنو.....
ايهاب بي زعل:ماتمثلي البراءه.........انتي زيهم ...ليه بتعملي كدا ....
يارا:اعمل شنو.......
ايهاب بي نتره:اذا مابتحبيهو ماتعلقيهو فيكي.....قال كدا مشي....خلا يارا كانها في دوامه مافاهم الحاصل شنو .............
بقت واقفه في مكانها ومحتاره.......بس في شيء جواها كان فرحان انو اتكلم معاها حتي لو مافاهمه هو كان بتكلم في شنو............
وبهناك ................
كان ماشي وبقول في نفسو"دي الحبيتها....دي الدق قلبي ليها ....طلعت زيهم.......فهد لازم يعرف حقيقتها فهد ما لازم يتغشه فيها....وقلبو بتكسر..........
كان ماشي والأفكار تتضارب في نفسو .......حسي نفسو انكسر اكتر من اليوم الصحبو قال ليهو بحبها ....

الي متي سيظل كل شيء يظلم في عيناي ....الي متي ستبقي حياتي كورق جدران يهترء شيء فشيءا
ابحث عن كلمات لتصف حالتي ولكن فقط الضياع  ..بأروقه لامهرب منها الي بالموت !!! هذا ماهي عليه حياتي ......اتمني فقط لو لم تكوني انتي.........
يتبع .......................
الي متابعي الروايه الأعزاء رغم اني وعدتكم ولكن اخلفت بوعدي.....انا اسفه فلم يكن بيدي شيء لافعله
فقط كنت في حاله من الضياع وسط احزاني...اسفه عل كل شيء ....
انا اتحدث اللغه العربيه الفصحي الان ×_×
ارجو من كل من تابعني واحب رواياتي ودعمني ان يتفهم اسبابي...
حسننا انا فقدت ابي ....فقدت من كان شمعه طريقي ...كانت ايام صعبه علي ولكن الآن أحاول أن اقف من جديد ....لم اكن أود العوده ولكن والدتي اصرت ان لاتوقف......
فقط الان حروفي تكتب ولكن روحي خاليه......