احلام مراهقه>~<✌

١١

فتحت الدولاب وكانت بتفتش في شيء  لحدي ماعيونها وقعت عليهو ،شالتو وبتقول في نفسها"لازم ارجعو الليله "
غفلت الدولاب ومشت عل تلفونها  فتحتو ورسلت رساله وختتو .....
دخلت الحمام استحمت وغيرت هدومها وجات طالعه   ،نزلت تحت بس ماشافت الا حبوبتها ،مشت سلمت عليها وقالت :حبوبه الليله البيت صاني كدا مالو ...
الحبوبه :والله يابتي البيت من مااحمد سافر  كدا
يارا:عارفه ياحبوبه لاكن ماشايفه قدير؟
الحبوبه:بتكون نايمه ..قالت كدا وكملت كلامها وقالت:ونتي لابسه كدا ماشه وين ..
يارا:والله ياحبوبه عندي امانه عايزه اوصلها ومابتاخر
الحبوبه ماكترت كلام معاها ولاستفسرت بس هزت راسها  ...
يارا سلمت عل حبوبتها في راسها وقالت :يلا ياحبوبه انا ماشه بعد دا ...قالت كدا وطلعت....
في مكان تاني وتحديدا عند ايهاب.......
طالع من الحمام  وشارد بفكر في الحصل قبل شهر .......
فلاش باك .......
ايهاب كان واقفه بعاين لي زياد باستغراب ....
زياد عاين للتلفون  وقال :غفل الخط ...قال كدا ومده التلفون لي ايهاب وقال:شكرا ...
ايهاب شال التلفون منو وقال:زياد  في شنو......
زياد جرا حسره وقال:والله ياايهاب ماعرف اعمل شنو
ايهاب:في شنو؟
زياد :انا ماقدرتا اكلمو .....بعد ماشفته انفعالو ....زياد وقت قبيل قال  غفل الخط،ماكان فهد الغفلو ...هو الغفلو .....
ايهاب:تكلمو بي شنو ...
زياد:انت صحبو واقرب واحد ليهو ... وقت قال كدا ايهاب بقي يعاين ليهو ومنتظرو يقول الحاصل شنو ...
بس قاطع كلامو صوت صريخ عالي بتاع مره ...في اللحظه دي اتلفتو الاتنين  ...
ايهاب من شافها ام فهد جرا عليها بسرعه  ومسكها من يدها وهو بقول :خالتو في شنو ...خالتو...
رفعت راسها وعاينت ليهو وعيونها مليانه دموع قالت:ايهاب قول ليهم عمك عايش  ومامات ...شوفهم عايزين يشيلهو مني.... من قالت كدا هو فهم الحاصل كلو .....
اايهاب:خالتو  تعالي معاي ... من قال كدا اتنفضتت منو وقالت :لالااااا  انا ماشه للقاسم ... قالت كدا وبقت تزح منو  ...وكل مايمسكها تحاول تتفككه منو ...
زياد جاء ومسكها من يدها وهو بقول :خالتو استغفري...ماتعملي كدا ....
وهي ماكانت معاهو عينها كانت مع المسعفين الشايلين الجنازه .......
صرخت بي صوت عالي  وهي بتقول :القاسم .... وشوي كدا حيلها بقي ماشايلها ....واغمي عليها ....
زياد بي خوف :خالتو ..ياخالتو....قال كدا وهو بحاول يصحيها .....
ايهاب  جاء عليهو  اشان يساعدو ...في اللحظه دي تلفونو دقه .... بس ايهاب ماكان عايز يرد لانو الحاصل اهم من مكالمه .....
دخلو ام فهد المستشفي وبعد الدكتور كشف عليها قال ليهم هبطو حاد من الصدمه...
ايهاب كان واقف في الممر تلفونو ضرب تاني .....
طلعو من جيبو ولقي كم مكالمه من فهد ....
ضغط عل اسمو ودقايق وجاهو صوت فهد بكورك :خالي تلفونك وين .... ولي زياد ضرب لي من تلفونك .....انت وين ...ولاقيتو وين ....لي قبيل غفل التلفون في وشي ...امي كويسه ....ولا في شنو ...
كان بتكمل ومااداهو فرصه اشان يرد .....بعد دقايق سكت شويه كدا وقال:ايهاب انت معاي ..
ايهاب :فهد ....قال كدا بي صوت هادي وكمل :امك كويسه ....
فهد من سمع الكلام دا حسي بي راحه نفسيه ....كانو حمل ونزاح من نفسو ..........
اند فلاش باك ......
صحاهو من  شردو صوت مزمل وهو بنادي عليهو ....
مزمل قرب منو وسالو :ماشي لي فهد ......
ايهاب هز راسو وقال :ااي ...
مزمل :هو كيفو هسي
ايهاب: الحمدلله بس يامزمل ....
مزمل :صعبه عليهو .....الابو دا ماحاجه سهله ....ربنا يصبرو ......
ايهاب :امين ....
مزمل ربت عل كتفو وقال :خليك جنبو ...قال كدا وطلع .......
بعد مرق مزمل ايهاب لبس وطلع ......
وبهناك  في مكان تاني ............
كانت قاعده وكل دقيقه بتعاين لي تلفونها وبتقول"جاسم دا مشي وين ....كما هدا سكنو قريب من هنا ..."
مامرت دقايق ولمحتو جاي عليها .....
من قعد  قالت ليهو :اتاخرت كدا مالك ...
جاسم ابتسم وقال :كدي سلمي اول ....
يارا:بالاول قول وين كنته ....
جاسم :طيب كنت عند واحد صحب اخوي هنا...
يارا من قال ليها كدا  قالت :طيب
جاسم باابتسامه :وهسي ماحتسلمي  برضو ....
يارا مدت يدها وسلمت عليهو .....
قعدو يتونسو ...وفي النص الكلام يارا قالت :عارف لي انت هنا ...
جاسم غمز ليها بي هظار وقال :اكيد اشتقتي لي  ...
يارا ضحكت وقالت :خلي اعاقتك دي ...قالت كدا وفتحت شنطتها  وطلعتو وختتو في الطربيزه ..
جاسم:لمن نسيتو ...
يارا: ههه لانو طول معاي ....يلا هدا رجع ليك ...
جاسم شالو وعاين ليهو مسافه وفي اللحظه دي اتذكر كلمات امو ......حاول يدارك الموقف ودخلو بي سرعه في جيبو وابتسم وقال:شكرا ليك ...
يارا:ولو ...
في اللحظه دي كان ايهاب ماري بي جنب المطعم ،ولمحهم ...وقف الركشه بي سرعه ونزل من الركشه ....وبقي ماشي باتجاه المدخل ...اول مادخل عينو وقعت عليها وهي قاعد معاهو...ومبتسمه ....
مشي عليها والغضب مالي نفسو ...
اول ماوصل الطربيزه الهي قاعده فيها قال :كل مره بثبتي لي انك انتي اسوء من كدا .....
اتلفتت  وهي متفاجاءه  ايهاب الجابو هنا شنو ...ودا شنو البقولو دا ......
ايهاب : بحياتي مالاقيت بت زيك كدا ......في لحظات زي دي هو محتاج ليك تكوني جنبو وانتي هنا قاعده تتمعشقي ....
يارا وقفت وقالت:ايهاب انتي واعي بتقول في شنو ...
ايهاب عمل دايره في الهوا وهو باشر علي وشها قال:ماتمثلي البراءه  اوراقك كلها اتكشفت قدام عيوني ...بالجد خسار حبو لي واحده زيك ....قال كدا وكمل كلامو وقال :انا زاتي واقف مالي بتكلم مع وحده زيك .....من قال كدا جاسم انفعل وقال:ايهاب وعايز يكمل كلامو بس قاطعو ايهاب  ....
اتلفت عليهو وقال:دور البطل دا اعملو مع واحد غيري ......لاجءي وتافهه....قال كدا وكمل :مناسبين شديد ...
في لحظه دي جاسم كان عايز يضربو بس يارا مسكتو...
ايهاب اتحرك ولاشتغل بي جاسم الكان بتكلم ومنفعل ....
طلع من هناك وكان بقول في نفسو "اديتك فرصه وقلت امكن تتغيري   ،بس شكلو كلنا كنا مخدوعين فيكي .....قال كدا وكمل بي حسره :فهد مابيستاهل البحصل دا .....فهد الفيهو مكفيهو.......
كان ماشي وفكره توديهو وفكره تجيبو ....ايهاب ماخد فكره غلط عن يارا ....وشايف كل شيء من منظورو الخاص ....بس في نفس الوقت قلبو واجعو شديد لانو واحده زيها قلبو دق ليها ....كان بفكر كدا وماعارف انو الشايفو كلو ماصاح وهي ماعندها ذنب ......

اشعر كانني امضي  في طريق ملؤه الاشواك ،فمااستطعت البقاء ومااستطعت المضي بيغير الجراح ......

يتبع ..................