واقفين التلاته جنب باب البيت وبضربو في الجرس....
قدير:اووف حموووت من التعب .......الليله اليصبر لي سونار يغشني انا ....
احمد:هههه ماصدقتيني لما قلت ليك مابجي ...قال كدا واتلفت عل يارا المستنده عل الحيط وقال:تعبانه؟
ابتسمت وقالت :لالا اتعودته خلاص
احمد:حاسي بيك تعبانه بس بتكابري ...
قدير:يارا صحي متين حيفكوها ليك
يارا:قبل الامتحاناات بيوم
قدير عايزه تتكلم الباب فتح
سلمو عل حبوبتهم واي زول مشي اوضتو
عند يارا ............................
ختت شنطتها في كرسي وقعدت في السرير الابتسامه الكانت في وشها زحت .....
رفعت يدها وعاينت ليها وبتتذكر كيف نفض ليها يدها...ابتسمت بانكسار وقالت :بس عايزه اعرف انا عملت شنو ........
رجعت ظهرها لي ورا ورقدت في السرير
في نفسها "ماعارفه شنو الخلاك تتغير كدا ....بس التغيير دا .....قالت كدا ورفعت يدها بتجاه قلبها وكملت :بخليني اتوجع هنا....
فضلت تتكلم مع نفسها لحدي مانامت ....
وبهناك عند ايهاب .............................
كان ماشي في اتجاه بيت ناس عمو ...من قرب من البيت وقف .....بعاين للعربيه الواقفه جنب الباب ...قبض يدو شديد وقال "الجابو شنو"
اتقدم بخطوات سريعه ودخل ......مع دخولو كلهم انتبهو معاهو لانو فتح الباب شديد ...
ابوهو من شافو وقف واتحرك بتجاهو وهو بقول:ايهاب....
وصل جنبو ورفع يدو بتجاهو ...بس ايهاب رجع لي ورا وعيون محمر كانو عايز يبكي ...
قال بصوت مخنوق :الجابك شنو
ابوهو:ايهاب ياولدي
ايهاب هز راسو وقال :ماتقول لي ولدي ...انا ماولدك ....
ابوهو قرب منو تاني وقال:ماتقول كدا ياايهاب ...
ايهاب:زح يدك مني ....قال كدي ورجع لي ورا وكمل وهو بهز في راسو :مستحيل تكون ابوي ...مافي يوم كنت ابوي ...
امو في نفسها "كما وقفتو ماحيحصل خير "
وقفت بس يد شامه وقفتها .......
ام ايهاب:شامه ماحيحصل خير ....اذا ايهاب بتكلم اكتر ......
شامه:خليهم ماتدخلي ...
ام ايهاب:بس
شامه هزت راسها كانها بطمنها وجرتها من يدها قعدتها تاني .......
بقت تعاين وتقول في نفسها"يارب مايحصل شيء "
ايهاب عاين لي ابوهو الكان التعب ظاهر في وشو وهو بتكلم وقال برجفه:خليك بعيد مني ...انا بكرهك....
أنت تقرأ
احلام مراهقه>~<✌
Romansaبقلمي:مجنونه من عالم اخر😆✌ يلا الروايه 😹💔حلووو بس فيها شويه اكشن وخيال كدا😂😂💔
