اتلفتت عليها وقالت :انتي بتقولي في شنو ياقدير ؟!
قدير:كلامي واضح يايارا .....وماعايز ليهو اتنين ثلاثه .....
قربت منها وقالت :مافي شيء من الفي بالك دا ياقدير ...
زمت خشمها وقالت : خلاص لي لما غاب ورجع لي كنتي بتعايني ليهو كدا
يارا:مافي شيء ياقدير
قدير:طيب حاصدق ......بس في شيء ماقادره افهمو لي كنتي مضايقه لما طنشك ؟......قالت كدا وماانتظرت ردها ومشت ...
بقت تعاين لي قدير المرقت من الغرفه وقالت في نفسها "ماعارفه ...ماعارفه ....بس ...." قالت كدا وختت يدها في قلبها وقالت:بس دا بوجعني ماعارفه السبب....
***في بيت ناس عمو لي ايهاب ...........**
ايهاب كان راقد وخاتي يدو في وشو ....وهو راقد كدا دخل عليهو ودعمو ......
حسن :ايهاب
من قال كدا ايهاب رفع يدو واستعدل وقعد
حسن جاء جنبو وقال من دون مقدمات:ايهاب انحنا مااصحاب وعارفك مابتحبني ...بس في النهايه انا ودعمك
ايهاب:في مصيبه من كلامك دا ....
حسن ابتسم وقال :لالا مافي مصيبه ...بس لمتين حتقعد هنا ....
من قال كدا ايهاب كشر وشو وقال :قول كدا من الاول ....بدون المقدمات دي ....قال كدا ووقف مدي ظهرو لي حسن وعايز يتحرك حسن مسكو من يدو وقال :اسمعني للنهايه وماتفهمني غلط.... ماقلته كدا اشان انت متقل علينا .....بس ياايهاب عاين لي امك قلبها عليك وانت حتي رافض تشوفها او ترجع بيتكم .....
فك يدو من حسن وقال:هم مابحبوني وماعايزيني ...
حسن:خلي تفكير الشفع دا ياايهاب انت زول كبير ...
ابتسم بانكسار وقال:طول عمري كنت زول كبير ياحسن .....قال كدا وطلع ...
حسن بقي واقف مكانو وبعاين لي ايهاب المرق وبتذكر الحصل .........
فلاش باك ....................
جات داخله مخلوعه وقالت:وينو ايهاب ....قالت كدا ودموعها في عيونها .....
ردت عليها ليلي وقالت :خالتو ايهاب نايم ماتخافي عليهو ...راقد جوا ...
قربت منها ام حسن وقالت : يامريم ماتبكي كدا ....تعالي ....قالت كدا واخدتها جوا وقعدو.....
ام ايهاب مدنقره وبتقش في دموعها وقالت :شامه انا مادايره ايهاب يكره ابوهو ....
ختت يدها في كتفها وقالت وهي بتحاول تطمنها:مافي زول بكره ابوهو يامريم
أنت تقرأ
احلام مراهقه>~<✌
Romanceبقلمي:مجنونه من عالم اخر😆✌ يلا الروايه 😹💔حلووو بس فيها شويه اكشن وخيال كدا😂😂💔
