في الصباح ...............................
فتحت عيونها وبتعاين للسقف وبتتذكر الحصل
فلاش باك...............................
بعد طلعت من اخوها مشت صلت المغرب وقعدت اتونست مع حبوبتها حبه ...
وزي الساعه 9 كدا قامت طلعت السطوح كان الجو حلو ...رفعت راسها بتعاين للنجوم
في نفسها"ياربي تاني حيرجع ولا لا ...."
وهي قاعد حست بي زول فتح باب السطوح ...اتلفت وشافت احمد جاي عليها ...
ابتسم وقعد جنبها وقال :عرفته حاالقاك هنا ...
يارا:كنت بتفتش فيني يعني
احمد :يب يب ...قال كدا وسكت ....
الجو صنه وماكان في صوت الا صوت الهوا لحدي ماقال احمد:يارا ...
اتلفت عليها وقالت:نعم
احمد تردد يتكلم بس تاني استجمع قوتو وقال:لي كنتي بتبكي قبيل في المدرسه
يارا :امم اتذكرت شيء بس ...
احمد هز راسو وقال :ااها ...قال كدا وسكت تاني ....
يارا: احمد حبيت قبل كدا ...
اتلفت عليهو وقال: فجاءه كدا ؟
يارا:جاوبني
احمد استند عل يدو ورجع حبه لي ورا وقال:ممكن تقولي عشت في اجواء الحب لكن ماحب حقيقي....
يارا صرت وشها وقالت :يعني بتلعب ببنات الناس
هز يدينو وقال:لالاااااا
يارا:خلاص الفهم شنو من كلامك دا
احمد حاول يتهرب ويغير الموضوع : هسي انت بتساليني لي ....رفع حاجبو وقال:بس ماتكوني بتحبيني
من قال كدا دفرتو من كتفو وقالت:ههه اكيد بحبك زي اخوي
من قالت كدا ملامحو اتغيرت وكانو شيء جواهو انكسر ....
رفعت يدها وحركتها قدام وشو وقالت:احمد سرحته وين .....
احمد:معاك .....
يارا :امم مابظن ....قالت كدا ورفعت راسها بتعاين لي فوق.....
احمد اتلفت وعاين ليها وقال في نفسو"لعبته ببنات كثيره وهسي البنت البحبها ومابتحبني اكثر من اخو..... قبل منها وكمل في نفسو :تستاهل واحد احسن مني"
اند فلاش باك ................................
يارا في نفسها "لي حاسه انو احمد في شيء في بالو ومضايقاهو ...."
دخل سونار وقال :صباحوووو يارا .....لي هسي ماقومتي حتتاخري
اتلفتت عليهو وقالت:اه صباحو......قالت كدا وكملت :ماماشه تاني انا الا الامتحانات
أنت تقرأ
احلام مراهقه>~<✌
Romanceبقلمي:مجنونه من عالم اخر😆✌ يلا الروايه 😹💔حلووو بس فيها شويه اكشن وخيال كدا😂😂💔
