الدنيا ظلام والطريق فاضي مافيهو اي مخلوق ومابتسمع الااصوات الكلاب ....كان ماشي وباين عليهو الحزن ... بقي ماشي وماعارف هو ماشي وين بس متحرك .....وكان مركب سماعاتو مشغل اغنيه what do ilive for
ومندمج كانو الاغنيه جسدت حزنو !
بعد دقايق وقف جنب بيت ورفع راسو يعاين ليهو ..... شويه كدا حسي بلفت راس قعد في الارض واتكل عل الحيطه ........ طلع تلفونو عاين للرقم دقايق واتردد يتصل ولا لا ...غمض عينو وضغط عليهو
وبي جاي......................................
كانت قاعده تحت الشجره رغم انو الواطه ظلام بس ماخافت ...قاعده وممده كرعينها قدامها وبتفكر "اول مره اشوف سونار هايج بالطريقه دي! ....بس هم لي بعمل كدا ....اكيد عايزين يحافظو عل وشهم قدام الناس ....كما كدا وين كانو زمان ...."
قالت كدا واخدت نفس وغمضت عيونها ...
رن التلفون وخلاها تفتح عيونها ....طلعوتو وشافت الاسم وقالت باستغراب ايهاب!
رفعت التلفون وردت :الو .....
جاها صوتو وكان باين عليهو تعبان ،طوالي قالت :ايهاب انت كويس
وهو كانو كان منتظر زول يسالو السؤال دا ...اشان يبكي ......
قالت بي خوف:ايهاب انت كويس ....ايهاب رد علي ....انت وين ولي انت كدا .....
رد بصوت مبحوح :برا ....
ردت باستغراب :برا وين وفي الزمن دا
ايهاب:برا بيتكم ...
اتفاجات وفي نفس الوقت رفعت عكازاتا ووقفت وكل تفكيرها هو مالو .....
مشت بخطوات سريعه رغم العكازات واول مافتحت باب الشارع شافتو متكل عل الحيطه ومدنقر راسو ....قربت منو وضوت بي التلفون بتجاهو وقالت :ايهاب ....
رفع راسو وهنا صرخت ورمت التلفون .....
يارا بي خوف :ايهاب منو عمل فيك كدا ....
قعدت جنبو ورفعت يدها ومررتها في وشو الملان دم وقالت :ايهاب ...
عاين ليها في عيونو ودنقر عيونو وساكت ...مرت لحظات ولسه ساكت ....
يارا:ايهاب في شنو اتكلم .....
ايهاب بصوت مبحبوح:ابوي
يارا باستغراب:ابوك !.....ابوك عمل فيك كدا .....
يارا بي قلبها"معقوله في ابوي بطريقه دي ..."
يارا وقفت وقالت دقايق واجي ...قالت كدا وعايزه تتحرك مسكها من يدها ووقف وجراها عليهو لحدي ماعكازاتا وقعو ...كانت مصدومه بس في نفس الوقت الخلاها تتصدم كلمات ايهاب..دقايق وزحي منها وقال:اسف ...واتحرك ......
يارا بقت تحاول تتوزان بس وقعت في الارض ..عيونها بقت مركزه عليهو وهو بختفي زي الشبح في الظلام ...
أنت تقرأ
احلام مراهقه>~<✌
Romanceبقلمي:مجنونه من عالم اخر😆✌ يلا الروايه 😹💔حلووو بس فيها شويه اكشن وخيال كدا😂😂💔
