البارت السابع
امل : دا جاى ليه يا قاسم؟
قاسم : وانا ايش عرفنى يا اختى ؟!
لما اطلع اقعد معاه
امل : قاسم... انا اختك حبيبتك .. يعنى تيجى تحكيلى
قاسم : نبقى نشوف الموضوع دا بعدين ههههه
امل : طب امشى علشان ماعملكش عاهه مستديمه دلوقتى
قاسم : اهون عليكى يا اموله ؟!
امل : لا طبعا .. بس شوف بقا جاى ليه ها ؟؟ هههه
قاسم :ههههههه
_______________
محمد وهو داخل : ماما .. سلمى .. انتوا فين ؟!
مروه : انا هنا يابنى
محمد : امال فين سلمى ؟!
مروه : جوه بتكلم صاحبها
محمد : غريبه يعنى ... دايما بتستنانى
مروه : فى مشكله كدا يعنى
محمد بقلق : خير يا ماما مشكله ايه ؟!
مروه : أهدى يا حبيبى... المشكله خاصه بأمل
محمد : طب ليه ؟!
مروه : معرفش تفاصيل يابنى .. اللى اعرفه ان كان متقدملها عريس وخالك رفضه
محمد : طب هبقا اكلمها انا واشوف الموضوع دا
________________
فى شات جماعى على الواتس
مريم : طب ليه كدا طيب ؟؟
منه : مش يمكن فى سبب مقنع !!
امل وهى تبكى : لا ... بابا رفض علشان فرق التعليم
سلمى : طب أهدى طيب
امل : قاسم بيقولى .. كان نازل وعينه مدمعه .. بابا قاله كلام وحش
سلمى : طب مش خالو عارف انه شغال شغلتنين غير شغله الاصلى ؟؟
امل : ايوه بس برضوا انا مهندسه وهو خريج تجاره
مريم : طب أهدى بس .. وفهمى باباكى انك عايزاه
منه : اه وانك مش هامك فرق التعليم
سلمى : وكمان انه بيشتغل كتير وهيقدر يوفرلك كل اللى انتى عايزه
مريم : وكمان هو هيسعدها حتى من غير الفلوس
سلمى : فهمى خالو ان سعادتك معاه
منه : كلمى طنط تفهمه ... أو اخوكى
مريم : كلمى حد يقدر يقنع باباكى انه يوافق
امل : بابا مش بيتأثر بكلام حد
سلمى : لقيتها
مريم : فى ايه يا بنتى ؟!
سلمى : ابيه محمد يكلم خالو ... خالو بيحترم ابيه اوى وبيحبه
