البارت السادس
ياسر : والله انا ليا الشرف انى اناسبك يا حاج
الحاج محمد : احنا إللى لينا الشرف طبعا .... شروطك ايه ؟؟
ياسر : يا حاج احنا بتشترى راجل .. ودى بنتى الوحيده وانا كل اللى نفسى فيه انى اسلمها لراجل
الحاج محمد : ماشى بس برضوا لازم نتفق على كل حاجه
ياسر : انا معنديش مشكله فى اي حاجه والله بس هما يتفقوا
الحاج محمد : خلاص يقعدوا مع بعض وبعدين نشوف رأيهم ايه
ياسر : تمام ... يا ام مريم .. نادى منه تقعد مع عريسها
_______________
عمر : هتفضلى ساكته كتير ؟!
منه بخجل : اتكلم اقول ايه ؟!
عمر : خلاص هتكلم انا .... انا عمر خريج حقوق .. عندى مكتب محاماة ..
عندى بيت بس مستنى عروسه تختار السراميك والدهان وكدا ...
واه مكتب المحاماه بتاعى قريب من البيت ...
معنديش اخوات ... عايش مع امى وابويا ...
حالتى العاطفيه ... مرتبطش قبل كدا
منه : انا منه ..
عمر مقاطعها : منه .. فاضلك سنه فى هندسه .. بتحبى الشعر .. وحيده اهلك ...
باباكى متجوز خالتك .. بنت خالتك مريم .. قريبه ليكى جدا ... صاحبتك المقربه امل ..
فى الدراسه بتسكنى فى السكن الجامعى و تيجى خميس وجمعه وفى الامتحانات مش بتيجى ..
وبتقفلى نت .. ومش بتكتبى اشعار ...
يارب م اكون نسيت حاجه
منه بصدمة : انت عارف كل دا ازاى ؟؟!!
عمر : سر المهنه ههههه
منه : لا بجد ...
عمر : استنى اه نسيت ... انك معجبة بشاب من الشارع وبتفضلى تبصى عليه وانتى فى الشارع أو البلكونة
منه : لا والله انت فاهم غلط
عمر وهو يغمز لها : طب م يارب اكون فاهم صح
منه ابتسمت بخجل ونزلت رأسها للارض
عمر : بصى يا ست البنات ... انا هشيلك جوه ضى عيونى ..
بس انتى توافقى
منه : انا عايزه راجل يصونى ...
يصالحنى دايما وميزعلش منى .. حتى لو انا اللى غلطانه
عايزه واحد ابقى بنته وامه واخته وصاحبته
عمر : موافق
منه ابتسمت بخجل
