البارت الخامس والعشرون
استيقظ احمد وقبل امل فى رأسها وأحضر لها الفطار والدواء وذهب إلى العمل
عندما فاقت امل لقت رساله منه
" افطرى وخدى الدواء ونامى .. لو تعبانه متعمليش اكل وكلميني اجيب وانا جاى .... بحبك "
ابتسمت امل بدموع : بحبك والله بس مش قادره اسامحك .. دا غير انك متجوز غيرى .. يارب انا مش عارفه اعمل ايه بجد وظلت تحدث نفسها إلى أن رن هاتفها
___________________
فى الهاتف
امل : حبيبتى وحشانى اوى
منه : اه م اهو باين .. يا بنتى دا انتى مبتبعتيش رساله على الواتس حتى من يوم م اتجوزتى
امل : انتى ليه محسسانى انى متجوزه من قرن .. وبعدين كنت تعبانه وحضرتك مسألتيش عليا
منه : تعبانه ليه يا قمر .. الف سلامه عليكى
امل : الله يسلمك
منه : عندى ليكى مفاجأه
امل : ايه ؟!
منه : فرحى كمان يومين
امل : الف مبروك يا روحى
منه : اكيد جايه مفيش اعذار ومريم وسلمى خلصوا ونتجمع بقى
امل : اه والله بقالنا كتير م اتجمعناش
منه : خلاص نتجمع النهارده نقعد نرقص ونغنى مع بعض كدا
امل : ماشى بس كدا مش هاجى الحنه بكره .. مش هينفع انزل كل يوم
منه : خلاص ماشى خلينا احنا فى حنتنا النهارده
امل : ماشى عرفى مريم وسلمى بقى
منه : ماشى .. سلام
__________________
فى الهاتف
محمد : نعم ياختى !!!!
مريم : فى ايه ؟!
محمد : عارفه لو رقصتى
مريم : والله انا وسلمى ومنه وامل بس مفيش حد هيبقى موجود
محمد بارتياح : إذا كان كدا ماشى
مريم : هههههه انت بتغير عليا يا محاميحو ؟!
محمد : محاميحو !! الدكتور محمد بجلال قدره بقى محاميحو ؟!
مريم : عندك اعتراض ؟!
محمد : لا انا اقدر
مريم : هههههههه
محمد : خلى بالك من نفسك
مريم : حاضر
_________________
فى الهاتف
احمد : عايزه حاجه اجيبها وانا جاى ؟!
امل : لا شكرا .... انت جاى امتى ؟!
