البارت التاسع والعشرون
احمد : امل
امل : يا عيون امل
احمد : البسى علشان هنخرج نتعشى بره
امل باستغراب : دا فجأه كدا ؟!
احمد : اه انا بحب المفاجآت
امل : ماشى يا سيدى
احمد وهو يقبل رأسها : هطلعلك لبسك
امل : دا ليه ان شاء الله ههههه انا مش مرتحالك على فكره
احمد : لا والله مفيش حاجه بس علشان اظبط لبسى على لبسك
امل : ماشى يا عم
__________________
عمر : يلا يا موزتى
منه بخجل : حاضر .. خلاص خلصت ثانيه واحده
عمر : بقالك ساعه بتقولى كدا .. انا مش عارف بتقعدوا ساعتين تلبسوا ليه ؟!
منه : عادى يعنى كنت سألتك بتقعد ثانيتين تلبس ليه ؟!
عمر : ثانيتين فى اللبس عادى لكن ساعتين مش عادى
منه : طب يلا يا رغاى
عمر : اتفضلى يا انسه
منه وهى ترجعله تانى : مدام مش انسه
عمر : ههههه احلى مدام فى الدنيا
منه : طب يلا علشان الطياره
عمر : منا بقالى ساعه بقول كدا
منه : بطل كلام كتير
عمر : حاضر يا فندم
_________________
سلمى : احكيلي بقى فى ايه ؟! مرضيتش اضغط عليك امبارح علشان كنت تعبان قولى بقى فى ايه ؟!
محمد وهو يجلس : طب كوبايه قهوه حلوه كدا ونادى ماما وتعالى يا ستى وانا احكيلكوا
سلمى : لا دا الموضوع كبير بقى
محمد : فوق ما تتخيلى
__________________
مروه : فى ايه يابنى ؟!
محمد : عمو اسماعيل نزل القاهره
مروه : ايه ؟!
سلمى : طب ثوانى انا مالى بالموضوع ؟! حضرتك عارف انى مبتدخلش فى حاجات كبار وان حضرتك المسؤول وانا مليش دعوه
محمد : لا يا سلمى لازم يبقى ليكى دعوه وانتى دلوقتى مش صغيره دا اولا .. ثانيا بقى الموضوع مش على الورث زى كل مره
مروه : امال عايز مننا إيه دا ؟!
محمد : عايز سلمى لعمر
سلمى بعصبية : نعععععم !!!!! سلمى مين ؟! لا طبعا انا اتجوز تاجر مخدرات ليه ان شاء الله
