البارت الرابع
سلمى : سلام بقا علشان ابيه محمد مستنى تحت
منه : م لسه بدرى يا بنتى
سلمى: معلش بقا علشان راجع من الشغل تعبان وماما مش فى البيت
مريم : طب خديله معاكى اكل
سلمى : لا مش هياكل هو الفسيخ بليل ... امل جايه معايا ولا قاعده شويه ؟
امل : لا قاعده شويه
سلمى : ماشى .. يلا سلام
________________
مروه : محمد هيزعل لو عرف يا ماجد
ماجد : مش لازم تقوليله انى اللى اديتهوملك
مروه : هكدب على ابنى يا ماجد ؟
ماجد : مش بقولك اكدبى عليه .. بس مش لازم تقوليله يعنى ...
مروه : ولو سأل جبتهم منين اقوله ايه ؟
ماجد : قوليله كنت عامله جمعيه .. اى حاجه
مروه : دا مش بيرضى يعينى ياخد من المعاش .. بيقولى المعاش دا ليكى وللبيت لو انا قصرت
ماجد : ربنا يسعده ويوفقه
مروه : يارب
_____________
محمد : مروحتيش مع ماما ليه ؟!
سلمى : علشان اقعد مع صحابى .. وكمان امل هناك ... اروح اقعد مع مين بقا ؟
... وبعدين علشان انت بتيجى تعبان .. مين هيعملك القهوه ؟؟ ومين هيعملك الاكل ؟؟ ومين هيفتح نفسك على الأكل؟؟
محمد وهو يقبل يدها ويجلسها فى حضنه : عايزه تعرفينى انى مليش غيرك يعنى .. وانى هحتاس لو انتى مش معايا
سلمى : دى حقيقه يا حبيبى ههههه
محمد : ههههه ماشى يا عيون حبيبك
مروه تفتح الباب : سلام عليكم
يرددوا : وعليكم السلام
سلمى : م لسه بدرى يا ست هانم
محمد وهو يخبطها بخفه : انتى مالك انتى ؟؟ انتى هتحاسبيها ؟!
وبعدين متأخرتش على فكره
مروه : كلت يا حبيبى ؟؟
محمد وهو يقبل يدها : اه يا ست الكل
سلمى: م انتى خرجتى وسيبتيه .. كنتى سألتى عليه ؟!
محمد : بس يا لمضه .... انا هدخل انام تصبحوا على خير
________________
منه : مريم .. مريم
مريم وهى تفتح عينيها ببطء : فى ايه ؟؟
منه : قومى بسرعه فى كارثه
مريم بخضه وهى تجلس : فى ايه يابنتى ؟!!
