البارت الاول
فى مدرسة ثانويه بنات
فى آخر يوم امتحانات
مريم : الحمد لله كدا خلصنا اخيرا
سلمى : فاضل بقا السنه الجايه .. تالته بقا وربنا يستر
مريم : ربنا يستر بقا .. انتى عايزه تدخلى كليه ايه ؟
سلمى : انا عايزه طب .. وانتى ؟
مريم : عايزه طب علشان اكون معاكى بس إللى يجيبه ربنا اكيد كويس
سلمى : احنا هنذاكر ونعمل إللى علينا وربنا يسهل بقا
مريم : يارب ... صحيح نسيت اقولك
سلمى : ايه ؟!
مريم : مش انا هلبس الخمار ان شاء الله
سلمى : بجد !! مبروك يا حبيبتى
مريم : عقبالك يا قمر
سلمى : بقولك ايه سلام بقا علشان ابيه محمد جاى ياخدنى
مريم : ماشى سلام .. سلميلي على طنط
سلمى : حاضر يا حبيبتى
مريم : والله شكلك هتنسى زى كل مره
سلمى : م اكيد يعنى .. هو انا بفتكر يعنى هههههه
مريم :هههههههه ماشى ياختي سلام
سلمى : سلام
_________________
محمد وهو يأخذ سلمى فى حضنه : عملتى ايه يا حبيبتى؟
سلمى : الحمد لله يا ابيه ... الامتحان كان سهل ..
محمد : الحمد لله يا حبيبتى
سلمى : هتخرجنى فين بقا السنه دى ؟!
محمد : مكان م تحبى يا روحى
سلمى : اي مكان اكون فيه معاك بيبقى حلو يا ابيه
محمد : برضوا اختارى يلا
سلمى : خلاص يبقا تدوينى جنينه
محمد : جنينه!! ... جنينه يا تافهه
سلمى : اعمل ايه طيب .. م انت عارف انى معرفش اماكن حلوه
محمد : خلاص ياستى هخرجك انا على مزاجى
سلمى : م انت عارف انك هتعمل كدا وفى الاخر انت إللى هتختار المكان .. يبقا ايه لزمتها اللف والدوران دا من الاول
محمد : ههههه مش باخد رأيك ؟!
سلمى : وانا من امتى ليا رأى وانت معايا .. وهحتاج رأى فى ايه اصلا وانا ارائى طايشه وانت عارف كدا .. يا حبيبى انت المسئول عنى وعن ارائى
محمد وهو يقبل رأسها : ربنا يخليكى ليا يا بنوتى
سلمى : انت عارف .. انا عمرى م حسيت انك اخويا مش بابا
