البارت الثالث
فى الهاتف
امل : اه منه كلمتنى
سلمى : تمام نبقى نروح يوم الجمعه
أمل : تمام .. ان شاء الله
سلمى : عامله ايه؟
امل : الحمد لله
سلمى : قاسم عامل ايه ؟
امل : اهو مجنن ماما
سلمى : ربنا يهديه
أمل : عماله اقوله خلاص انت داخل ثانوى والمفروض تكون هادى وعاقل بقا وكدا .. يسمع من هنا ويطلع من هنا
سلمى : كل الشباب كدا ربنا يهديه
أمل : سلام هشوف ماما عايزه ايه ؟؟
سلمى : ماشى .... سلميلي عليها
امل : حاضر .. سلام
_________________
امل : ايوه يا ماما
سميره : بتكلمى مين ؟
أمل : دى سلمى يا ماما
سميره : اتصدقى مروه وحشانى.. بقالى كتير م شوفتهاش ... ابقى فكرينى اكلمها واقول لبابا يعزمها يوم تيجى تتغدى معانا ونقعد مع بعض
امل : ماشى يا ماما
ماجد وهو يفتح الباب : نعزم مين ؟
سميره : اختك إللى مبتسألش لا هى ولا ابنها
ماجد : م انتى عارفه محمد مشغول دايما
أمل : ربنا يقويه يارب .. شايل المسؤلية من وهو صغير مش زى الباشا
قاسم : ملكيش دعوه بيا .. خليكى فى نفسك
أمل: شايف يا بابا ابنك بيكلمنى ازاى ؟!
ماجد : م انتى إللى بدأتى اانتى مالك بيه ؟
امل : كدا يا بابا ماشى ... ودخلت اوضتها
ماجد : قاسم ... انا زعقت لاختك علشان ملهاش دعوه بيك .. لكن انت غلطان .. انت مواركش غير اللعب ... شوف محمد ابن عمتك ماشاء الله عليه .. شايل البيت وبيشتغل من وهو قدك ... مكانش بيفضل قاعد على الموبايل
قاسم : حاضر يا بابا
ماجد : كل مره بتقولى كدا ومبتعملش حاجه
قاسم : بابا .. قولت لحضرتك ميت مره مليش دعوه بحد
سميره : متردش على بابا يا قاسم
ماجد : دا كل اللى قدرتى عليه ؟!
سميره : خلاص انا غلطانه ... رد على بابا براحتك يا قاسم وانا مليش دعوه
ماجد وهو خارج من المنزل : انا ماشى
______________
سلمى وهى تفتح الباب : خالو ..
