البارت الثامن
فى الهاتف
سلمى : طب ايه إللى حصل ؟!
امل : مش عارفه .. محمد قاعد مع بابا و معرفش عملوا ايه بقا
سلمى : متقلقيش ابيه محمد هيتصرف
امل : انا خوفت اوى لما لقيت محمد
سلمى : م هو مكانش ينفع برضوا انك تحضنيه
امل : انا محستش بنفسى .. و معرفش الكلام دا قولته ازاى اصلا .. انا محستش بنفسى وغير ومحمد بيشدنى
سلمى : متخافيش خلاص حصل خير .. وابيه اكيد مش هيقول لخالو حاجه متخافيش
_______________
محمد : يعنى خلاص ياخالى
ماجد : خلاص يا محمد .. كلمه وخليه يجى نقعد ونتكلم
محمد : تمام بعد اذنك
محمد وهو يفتح الباب
امل وهى تحتضنه : بحبك اوى ... ربنا يخليك ليا
محمد بهمس : الكلام دا مش ليا انا .. حوشى الكلام دا لجوزك بقا
امل : مش عارفه اقولك ايه بجد ...
محمد : انا معملتش حاجه يا حبيبتى .... بس اللى حصل دا ميتكررش فاهمه
امل : حاضر والله مش هيحصل تانى
_____________
ياسر : يلا بنات الأكل هيبرد
مريم : جايه يا عمو
سهير : فين منه يا مريم؟!
مريم : بتنشر الغسيل وجايه
ياسر : اقعدى كلى يلا
مريم : حاضر
منه : خياااانه ... بتاكلوا منغيرى
مريم : خلى الغسيل ينفعك
سهير : لا انا عايزه اكل مش ناقصه مناقره
ياسر : اه الواحد دماغه هتنفجر لوحدها مش نقصاكوا الحكايه
مريم : انا ساكته هى اللى عايزه تتخانق
منه : انا برضوا
ياسر : منه .. مريم .. لو مسكتوش هقوم بجد
مريم : مالك يا عمو ؟!
ياسر : مفيش يا حبيبتى.. الشغل وكدا
منه : كل وانا هعملك كوبايه قهوه تظبط دماغك
________________
سلمى : ايه إللى حصل ؟
محمد : دا على اساس ان الأخبار متنقلتش مباشره
سلمى : هههههههههه بحب اطمن برضوا
محمد : ماشى ياستى اطمنى ... بكره ان شاء الله احمد هيروح هو واهله عند خالى وانا كمان هروح
