البارت الحادى عشر
فى شات جماعى
منه : خلاص ياختى اسافر علشان شغل هو رايح يتجوز ؟!
امل : بت انتى تسكت خالص
سلمى : خلاص يا جماعه اهدوا انتوا هتتخانقوا ؟!
المهم قوليلى عمل ايه مع قاسم ؟!
امل : مش عارفه فضل يقوله مفيش حاجه مفيش حاجه وبدا صوته يعلى احمد قالى ادخلى انتى جوه
منه : موقفتيش فى الاوضه تسمعى ليه ؟!
امل : مسمعتش حاجه غير ان احمد قاله يا نهارك اسود وقاسم حط ايده على بوق احمد وقاله وطى صوتك
سلمى : ربنا يستر
منه : يارب
امل : امال فين مريم ؟!
منه : م هى مبقتش تبعنا بقا
امل : ههههههه
سلمى : بتكلم ابيه ؟! طب انا هروح ابوظلهم المكالمه
منه : هههههه خلاص انتى بوظى من عندك وانا ابوظ من عندى
امل : وانا هروح اقف فى البلكونة
سلمى : اه تلاقيه راجع من الشغل دلوقتى
امل : بس يابت .. امشوا يلا من هنا
منه : كل واحده على بيتها يلا هنرش مايه
سلمى : هههههههههه
________________
فى الهاتف
محمد : ههههه وانتى مش بتكلميهم ليه طالما عمتلين يبعتوا رسايل كتير
مريم : م انت اتصلت قولت اكلمك بقا
محمد : هههههه
مريم : وبعدين هما رغايين تلاقيهم عمالين ينموا عليا دلوقتى اصلا
محمد : ههههه ليه يعنى ؟!
مريم : علشان بكلمك وسيباهم ههههه
محمد : هههههه معلش
مريم : هههههه
سلمى وهى تجلس فى حضنه : بتكلم مين يا حبيبى
محمد : م انتى عارفه ولا لازم ترخمى ؟!
سلمى : طب هات اكلمها
محمد : م انتى بتكلميها ليل ونهار
سلمى : يلا بقا هات
مريم : عايزه ايه يا زنانه ؟!
سلمى : عايزه اكلمك يا مريوم
مريم : ودا من امتى ان شاء الله ؟!
سلمى : دا انتى حبيبتى يا مريم
مريم : امال مين اللى كان لسه بينم عليا ؟!
