البارت العاشر
سهير : يلا يا منه خلصى الحاجه الناس زمانهم جايين
منه : خلاص يا طنط كل حاجه تمام
مريم : ايه رأيكوا ؟!
سهير : قمر ماشاء الله
منه : الخمار جميل عليكى جدا يا مريوم
سهير : نادى ابوكى يفتح وتعالى معايا وانتى أدخلى جوه يا مريم
ياسر : أهلا وسهلا .. اتفضل
محمد : ازيك يا عمى عامل ايه ؟!
ياسر : الحمد لله .. اتفضلوا ... اتفضل يا شيخ
سهير : اتفضلى يا ام محمد
سلمى : مريم فين يا طنط؟!
سهير : جوه ادخليلها
كتب الكتاب على الضيق مع قراءه الفاتحه .. والخطوبه بعد سنه لما مريم تخلص تالته ثانوى والفرح بعد م تخلص دراسه أو قبل م تخلص بسنه ... هيتفقوا على حسب الكليه اللى هتدخلها
الموجودين محمد ومروه وسلمى وماجد خال محمد والمؤذون
المأذون كتب الكتاب ولحد دلوقتى محمد مشافش مريم مع انها قاعده معاهم لكنه غض بصره
ومريم اول لما شافته اعجبت بوسامته وهيبته و رجولته
بارك الجميع للعروسين ثم وقف محمد امام مريم ونظر لها وقبل رأسها
محمد بابتسامه وهو يقبل رأسها : الف مبروك ياعروسه
مريم بخجل : الله يبارك فى حضرتك
محمد بابتسامه استغراب : حضرتك ؟! .. ايه حضرتك دى ؟! هما قالولك عنى كبير اوى كدا
مريم : لا والله مش قصدى
ذهبوا إلى غرفه يجلسوا بها
محمد وهو يقبل يدها : بصى بقا يا ست البنات انتى دلوقتى حلالى .. بس انا هحرمك عليا لحد م تكونى فى بيتى .... بيتنا هيبقى فيه اوضه للصلاه
هنعلم اولادنا الصلاه من وهما صغيرين ... هنحفظهم القرآن ... هنعودهم على السنه فى كل حاجه
هكون امامك فى كل صلاه ... هصحيكى لقيام الليل والفجر ونقعد للضحى
دا كله لما نتجوز .. اما دلوقتى بقا ... اول حضن اول كلمه بحبك وانتى لبسالى الفستان الأبيض ...
مش محتاج اوصيكى على الصلاه وقراءه القرآن واللبس لان زى م انا شايف قمر ماشاء الله بخمارك ولبسك الواسع ... نفسى مراتى تبقى بالنقاب بس مش هفرضه عليكى دلوقتى ..
بقيتى ملزمه منى يعنى متخديش مليم من بيت اهلك تاكلى وتشربى عندهم وبس علشان اكيد مش هيخلونى ادفعلك فلوس قعادك عندهم
يوم الجمعه هصلى واجى اخدك نتغدى عندنا ونخرج بليل
عندك اي اعتراض ؟!
