البارت الثالث عشر
سهير : اتصلى يا منه ب مريم شوفيها اخرت ليه ؟!
منه : هتخرج مع محمد بعد الدرس
سهير : طيب ماشى ... عمر عامل ايه ؟!
منه : الحمد لله بيسلم عليكى .. كان هيطلع الصبح بس كنتى نايمه
سهير : بيوصلك انتى وامل ولا خطيبها بيوصلها ؟!
منه : لا خطيبها مسافر
سهير : ربنا معاه
منه : هشوف مين إللى على الباب
منه : أهلا أهلا م لسه بدرى
مريم : اخرسى يابت
منه : مش هرد عليكى
مريم : أحسن برضوا علشان انا مش قادره
سهير : بطلوا خناق وقومى غيرى عقبال م احط الأكل
مريم : امال عمو ياسر فين ؟!
سهير : لسه نازل
مريم : هو انا مينفعش اشوفه ايه دا .. انا اجى هو ينزل انا انزل هو يجى فى ايه ؟!
منه : هههه احسن ادى اخرت الثانويه
مريم : هاها ظريفه دا على اساس انك مكنتيش فى ثانويه ؟!
منه : هههههههه
مريم : ههههههه اوعى بقا علشان جوعت
منه : ليه هو مأكلكيش ولا ايه ؟!
مريم : اكلنى طبعا
منه : هههه تلاقيه صرف دم قلبه يا عينى
مريم : هههههه
___________
محمد : اخلصى يلا
سلمى : والله كبرت على الكلام دا
محمد : مفيش هروب يلا هاتى اسمعلك
سلمى : يا حبيبى يعنى انت مش واثق فيا ؟!
محمد : مش كل مره اجى اسمعلك تقوليلى الكلمتين دول
سلمى : مفيش فايده فيك برضوا ؟!
محمد : لا ويلا بقا
سلمى بتنهيده : اتفضل
محمد : مش عاجبك ولا ايه ؟!
سلمى : انا اقدر اعترض ؟!
محمد وهو قصدها من ودنها : يلا يا قرده
سلمى بفرحه : موبايلك بيرن
محمد : بتهربى يعنى
سلمى : اه هههههه
محمد : ماشى يا سلمى حسابك معايا بعدين
سلمى وهى تمثل دور البريئه : انا حبيبتك يا ابيه
محمد : ماشى ماشى
___________
مروه : يلا يا امل اصحى بقا علشان الجامعه
