البارت العشرين
احمد : حمد الله على السلامه يا بطل
قاسم : الله يسلمك يا حبيبى
احمد : عامل ايه ؟!
قاسم : احسن الحمد لله
امل : الدكتور قال انك هتخرج بكره
قاسم بفرحه : ان شاء الله يا حبيبتى
احمد : لا ياعم دى حبيبتى انا مش هنقطع على بعض
قاسم : العب بعيد يا شاطر
احمد : لا بقولك ايه كلها خمس ايام وتبقى بتاعتى
قاسم : حجزتوا ؟!
احمد : اه
قاسم وهو يقبل يد امل : الف مبروك يا نور عينى
امل : الله يبارك فيك يا حبيبى ... قوم بقى بالسلامه علشان تظبطلى الفرح
قاسم : إن شاء الله
احمد : ايوه قوم بالسلامه بقى علشان تختار عروسه من الفرح هيبقى فى بنات ايه مقولكش موزز
امل : احمد
احمد : هو انا اتكلمت .. انا بقول لقاسم
قاسم : الخوف حلو
امل واحمد : هههههههه
_____________
منه : على فكره مش هينفع نعمل فرح غير لما مريم تخلص امتحانات
عمر بحزن : كنت بفكر فى كدا برضوا
منه : متزعلش طيب
عمر بتنهيده : هى هتخلص امتى ؟!
منه : فاضلها اسبوعين
عمر : تمام
منه : عمر
عمر : نعم
منه : متزعلش
عمر : مش زعلان
منه : لا زعلان
عمر : يا بنتى مش زعلان .... لا اله الا الله
منه : وانا بقولك زعلان ... لو مش زعلان كنت لما قولتلك عمر كنت هتقولى قلب عمر عيون عمر كدا يعنى
عمر وهو يقبل رأسها : معلش يا حبيبتى انا بس متضايق شويه
منه بقلق : ليه مالك ؟!
عمر : مشاكل فى الشغل متشغليش بالك
منه : احكيلى طيب يمكن الاقى حل
عمر بتنهيده : بصى ياستى ... القضيه إللى ماسكها دلوقتى تهريب مخدرات ومش اى تهريب دول بيستعملوا الأطفال للتهريب
منه : ازاى ؟!
عمر : بيعملوا عمليات للاطفال يفتحوا أماكن معينه فى جسمهم ويضعوا أكياس مخدرات يسافروا بيهم دوله تانيه ويبعوهم هناك .. منهم اطفال مخطوفه ومنهم اطفال عايزه تشتغل وتاخد فلوس ف بيلجأوا للطريقة دى
