البارت الثالث والعشرون
... : امل !!!!
امل وهى تبكى : طلقنى يا احمد ... هه قصديى جيسى
احمد ( جيسى ) : امل امل .. امل استنى .. اسمعينى طيب ... يا امل
احمد وأخيرا امسك امل : إللى سمعتيه دا غلط
امل وهى تبكى بهيسيريا : كفايه بقى .. كفايه كدب كفايه
احمد : طب .. طب اسمعينى .. ماشى انا معاكى ان الكلام دا صح وفعلا كنت واخد الموضوع رهان كنت مقرب من قاسم علشان اوصلك وعرفت الفت انتباهك وحببتك فيا وجيت اتقدمتلك لما عرفت انى بحبك ووالله العظيم انا حبيتك بعد كدا .. اقسم بالله حبيتك بجد .. امل انا .. انا اسلمت علشان اعرف اتجوزك ... علشان بحبك .. ممكن الموضوع بدأ غلط وكذب بس والله بحبك .. انا كنت هقولك النهارده الحقيقه لان ضميرى واجعنى واسلمت امبارح علشان متبقيش بتعملى حاجه حرام لما تتجوزينى
امل : المفروض اصدقك ولا اسقفلك قولى المفروض اعمل ايه ؟!
احمد : اعملى إللى عايزه تعمليه بس اهم حاجه تبقى عارفه انى بحبك .. امل انا همشى لو دلوقتى قولتيلى امشى ومش هتشوفى وشى تانى ولو هتسامحينى وتدينى فرصه والله هتشوفى إنسان جديد ... عايزه ايه يا امل امشى ولا هتسامحينى ؟!
امل تبكى بهيستيريه ولا تعرف بماذا تجيب
واحمد يبكى بندم ويدعى انها تظل معه وهو سوف يجعلها تثق فيه مره أخرى
بعد مرور عده ثوانى بل دقائق أو ربما ساعات
تتحدث امل لتقطع ذلك الصمت
امل : هنعيش مع بعض ومش هتلمسنى ولا تقرب منى غير لما اسامحك وانسى اللى حصل ولو مقدرتش يبقى كل واحد يروح لحاله وانت وشطارتك انك تخلينى ارجع اثق فيك مره تانيه
احمد بفرحه : والله م هتندمى وشكرا جدا انك ادتينى فرصه شكرا جدا والله اسف وان شاء الله اكون عند حسن ظنك وهخليكى تحبينى وتثقى فيا من جديد ... بس فى حاجه اخيره عايز اقولها لك علشان نبدأ حياتنا على نضيف ... انا كنت مسافر امريكا مش الإمارات وانا اصلا من امريكا بس عايش فى مصر و ... و ... و متزوج
امل بهدوء عكس ما بداخلها : فى حاجه تانيه مخبيها عنى ؟!
احمد : لا والله .. كدا انتى عارفه كل حاجه عنى ... كل حاجه ضميرى كان بيأنبنى كل يوم علشان مخبيها عنك
امل وهى تصعد إلى غرفتها : تمام ...... انا هنام فى الاوضه بتاعنا وانت نام فى اوضه الأطفال
______________________
فى الهاتف
سلمى : اتخنقت بجد
مريم : خلاص يا بنتى فاضل ماده ونخرج بقا على فرح منه
سلمى : إن شاء الله ... فرح امل كان حلو اوى
