Talk Dirty

Chapter 10

Torn

Hindi ako pumayag. Nabigla ako sa sinasabi niyang proposal. Ano ‘yun? Kahit kailan wala pang nag alok sa akin nun! Tsaka, nandiyan naman si Genevive! Bakit ako pa?

Hinatid niya ako sa hospital kung nasaan si nanay.Hindi na ako nagsalita pagkatapos namin kumain. Sinabi pa niyang pag isipan ko raw ang alok niya.

Sa totoo lang ay nakakatukso ang offer niya. Pero sa kabila nun ay ang kaba ko. Baka karmahin ako sa mga pinaggagawa ko lalo na't ikakasal siya. What if mabuntis ako kung pumayag man ako sa alok niya? Hay!

Pinilig ko ang ulo at pumasok na sa hospital. May nabili ako kaninang kakain sa daanan papasok dito sa hospital.

Pagkapasok ko palang sa kwarto ni nanay ay nakita kong mag isa lang siya at wala si tatay. Mabilis akong lumapit at umupo.

"Nay, kamusta ka ho?" alalang tanong ko. Hindi pa siya nakakasagot ng biglang pumasok ang isang nurse.

"Ikaw po ba ang pamilya ng pasyente?" tanong nito.

Tumango ako.

"Ito pala ang mga hindi niya nabiling gamot. Meron po tayong pharmacy sa baba doon niyo yan pwedeng bilhin." ngumiti ito at umalis.

"Nay, hindi ho nabili ang ibang gamot?Di'ba may pera akong iniwan?" ngunot noong tanong ko dahil 'yung kinita ko noon kay Faustino ay iniwan ko iyon lahat dito!

Umirap si nanay, "Tinangay ng tatay mo! Kahit pagkain ko hindi man lang nag iwan! Mabuti nalang may libreng pagkain ang hospital na ito!"

Nasapo ko ang noo. Halos maiiyak ako sa inis.

"Pasalamat yang itay mo at tulog ako nang umalis siya! Walang awa!" pagpatuloy niya. Napaubo ito ulit.

"Nay, tama na. M-Meron ako ditong pera." nilabas ko iyon mula saking bulsa at kinuha ang iilang resitang binigay ng nurse.

"Ava, baka hindi kana nagpapahinga niyan. Aba, hindi ka robot! Baka ikaw na magkasakit niyan!"

Umiling ako at ngumiti bago binigay sa kanya ang mga kakanin. "Ako pa ba nay? Sanay na ako!"

Bumaba ako sa unang palapag at binili ang iilang gamot ni inay. Ang mahal. Ang natira sa five thousand pesos ay eight hundred nalang!

Bumalik ako sa loob at inayusan na si inay. May mga sinabi sa akin ang doctor ng mag roaming ito. Hindi parin nababawasan ang plema sa baga ni nanay at medyo hindi na nakakahinga. Mahal pa naman renta ng nebulizer nila dito.

"Pwede mo naman akong hayaang mamatay nalang sa gilid Ava. Ang mahal dito. Grabe na ang gastos natin."

Sa totoo lang ay sumasakit na ang ulo ko. Pero anong magagawa ko? Hindi pwedeng pabayaan ko si nanay.

Bukas may pasok na. Kailangan ko nang kumuha ng uniform sa bahay. Kahit dito nalang ako magbibihis. Kailangan korin munanh maglaba ng mga duming damit dito ni nanay.

Kaya ayon, nang matapos kong pakainin si nanay at nakatulog na siya. Umalis ako dala dala ang malaking bag na naglalaman ng madumi niyang damit.

Pagkadating sa bahay ay si tatay nakita kong lasing na naman at nakahandusay na kahoy na upuan namin. Umiling ako at napaasik. Kinapa ko pa 'yung bulsa niya kung andoon pa ang pera pero wala na. Kahit anong hanap ko wala na ang pera! Saan niya ginastos ang fifty thousand?!

Naiiyak akong nagluto ng pagkain. Nagluto ako nang itlog at karne norte. Ang iba dadalhin ko kay nanay ang iba iiwan ko kay tatay. Nagsaing narin ako bago naglaba.

Halos hindi ko na maigalaw ang katawan ko sa sobrang pagod nang matapos akong maglaba. Kailangan kong patuyuin mga ito at dalhin ulit sa hospital. Paulit ulit lang naman ang mga damit namin ni nanay e.