#خفقة_قلب
#الحلقة_الأولى
#صلاح_القلب
-إزيك عاملة ايه😍
=الحمد لله😒
-ايه مالك🤔
=مفيش😒
-لأ في واضح جدا إنك متضايقة😯
=اصل بصراحة انتِ زهقتيني في عيشتي😑
-ليه بس كده😄
=قلتيلي إني لازم أصلي وإن اللي بيسيب الصلاة كافر والاغاني حرام والمكياج حرام والحب حرام والأفلام والمسلسلات حرام ولبس البنطلون حرام لحد ما كرهت نفسي،
أنا أروح انتحر أحسن مادام أنا كده كده مش نافعة وكل حاجة بعملها غلط 😫
-استني استني استني😱
اهدي على نفسك كده وخلينا نتكلم براحة وبالعقل😤
-خليني أسالك سؤال كده الأول وتجاوبيني عليه بصراحة 😊
=هااااه اسإلي😒
-هو الكلام إللي قلتهولك ده كان في حاجة غلط أو أنا مثلا اخترعته من عندي ولّا جايبة دين جديد وبدعوكِ له🤔
=لأ ،بس انتِ عقدتيني وطلعتيني إني وحشة أوي وإني مفيش حاجة عِدلة فيّ وسودتي الدنيا في وشي 😔
-يعني انتِ بتعترفي إني كلامي صح بس المشكلة في نفسيتك انتِ، صح كده ولّا أنا فهمت غلط🤔
=أيوا صح😑
-جميل جدا ممتاز رائع😍
=هو إيه اللي ممتاز ورائع انتِ بتستفزيني يعني😡
-اصبري عليّ يا بنتي هقولك أهه هو انا لسه خلصت كلام😅
=هااااه 😒
اللهم طولك يا روح اخلصي أنا مش ناقصاكي😡
-بصي يا ستي صلي على رسول الله☺
=عليه الصلاة والسلام،
أما اشوف أخرتها معاكِ إيه😐
-أخرتها جنة إن شاء الله بس اسمعينيي ☺
مادام إنتِ أعترفتي وأقرّيتي إن كلامي صح وإن المشكلة في نفسك دي حاجة كويسة وجميلة ورائعة عارفة ليه 😊
=ليه🤔
-ربنا ذم الكفار أنهم عارفين الحق وبيجادلوا بالباطل قال تعالى:
" وَجَحَدُوا بِهَا وَاسْتَيْقَنَتْهَا أَنفُسُهُمْ ظُلْمًا وَعُلُوًّا"
ده معناه إنك متكبرتيش عن الحق يعني انتِ عارفة انك غلط ومع ذلك محاولتيش تبرري لنفسك الغلط وده أول طريق للعلاج👌
=علاج إيه يا بنتي وهو حد قالك إني عيانة😏
-زي ما الأجسام بتمرض القلوب برده بتمرض💁♂️
=يا سلااام إزاي ده بقى🤔
-بصي يا ستي قال رسول الله ﷺ:
"ألا وَإِنَّ فِي الْجَسَدِ مُضْغَةً إِذَا صَلَحَتْ صَلَحَ الْجَسَدُ كُلُّهُ, وَإِذَا فَسَدَتْ فَسَدَ الْجَسَدُ كُلُّهُ, أَلا وَهِيَ الْقَلْبُ"
يعني طول مانتي على طاعة وإيمانك عالي يبقى كده قلبك سليم ومية مية لما تلاقي نفسك بقيتي تقعي في معاصي وكبائر يبقى هنا القلب مريض ومحتاج يتعالج😊
=استني استني هو مش الايمان في القلب ومادام القلب نضيف خلاص،
والرسول ﷺ قال التقوى ها هنا وأشار لقلبه🤔
-أيوا كلامك مظبوط وربنا أمر بتطهير القلب، وتنقيته، وتزكيته حتى عارفة الآية اللي ربنا بيقول فيها:
"وثيابك فطهّر"
طبعا انتِ مفكره إن معناها الملابس صح😅
=أه طبعا أمال هي معناها حاجة تانية😓
-أيوا يا ستي جمهور المفسرين قالوا إن معنى الثياب هنا هو القلب😊
و أبو هريرة رضي الله عنه يقول عن القلب:
"القلب مَلك، والأعضاءُ جنوده، فإذا طابَ الملك طابت جنوده، وإذا خَبُث القلب خَبُثت جنوده"
فالقلب مهم جدا،
فسلامة القلب من الغل والحسد والبغضاء وباقي الأمراض سبب للسعادة والطمأنينة في الدنيا والآخرة:
"يَوْمَ لَا يَنفَعُ مَالٌ وَلَا بَنُونَ . إِلَّا مَنْ أَتَى اللَّهَ بِقَلْبٍ سَلِيمٍ"
=انتِ كده قلقتيني وتوهتيني أكتر 😭
-لأ متوهناش ولا حاجة انتِ سألتيني إذا كنتِ عيانة ولّا لأ وأنا جاوبتك إن القلوب بتمرض زي الأجسام بالظبط صح كده😅
=أيوا ايوا افتكرت😌😌
-نرجع لموضوعك بقى بتاع زهّقتك في عيشتك😀
=لااااا إستني ده موضوعنا ده عايزله قاعدة وأنا مش فاضية دلوقتي😭
خلينا لما نتقابل المرة الجاية نتكلم فيه واحدة واحدة،
وأنا عرفت النهاردة معلومة جديدة عن القلب مكنتش أعرفها،
فخلينا كل مرة نتقابل يكون في معلومة عشان مزهقش أكتر ما أنا زهقانة😓😓
-خلاص يا ستي المرة الجاية نكمل كلامنا إن شاء الله😊
#Eman_Shalapy
