#خفقة_قلب
الجزء الثامن عشر
#النقاب_وتحديات_الواقع..
=شوفتي ياستي شوفتي😭😭😭
-في إيه يابنتي ..إيه إللي حصل😮😮
=مش أنا قلتلك النقاب مش هينفع معايا بسبب الاوضاع اللي حوالينا وكمان عشان المشاكل إللي ممكن تقابلني في الكلية 😓
-أيوا قولتيلي ..وكنا هنتكلم في الموضوع ده ..في إيه بأى🤔
=شوفتلك ياختي النهاردة واحدة منتقبة موقفينها على باب الكلية وعايزين يشوفوها عشان يتأكدوا منها ومش راضيين يدخلوها😫😫
-تصوري إنك هوالة من الدرجة الاولى😑😑😑
أنا قلت بس ...البت شافت كارثة قصادها 😏😏
=نعم 😠ودي مش كارثة...إنتي متخيلة إني لو لبست نقاب هيوقفوني كده زيها وياعالم إيه إللي ممكن يحصل تاني😣
-ارحمني برحمتك يارب🤦🤦
بصي يا حبيبتي😊
أولا كده براحة خااالص ...هو الكون ده بإيد مييين😊
=بإيد ربنا طبعا😤😤
-يعني كل حاجة في الكون ده بتحصل بعلمه وبتقديره ولا لأ😊
=أكيد طبعا بعلمه ...بس تقصدي إيه بتقديره🤔
-أقصد إن أي حاجة بتحصل لنا سواء خير أو شر ...ده قدر... ربنا قدّره علينا ولا لأ 😊
=أيوا طبعا قدر ربنا 🤔...حتى مش من أركان الإيمان إننا نؤمن بالقدر خيره وشره🤔
-ما شاء الله 😍..إيه الجمال ده😍 ..إيه الحلاوة دي 😍
=أنا أعجبك برده يعني 😌😌
-ماشي ياستي😂😂😂
نرجع لموضوعنا 😁
يعني دلوأتي لو حد من البشر أذاكي أو نفعك بشيء يبأى ده لأن ربنا قدره عليكي صح كده 😁
=أيوا صح🤔
-يعني محدش يقدر يعملك أي حاجة إلا لما ربنا يأذن صح😊
=يا صبر أيوب😒😒...أيوا يا حبيبتي صح☺☺..انجزي عايزة تقولي إيه😠
-عايزة أقولك عليك براعي الغنم يكف عنك كلبه👌
=نعم ياختي🤓🤓🤓
-هقولك حاجة 😊
عارفي إنتي راعي الغنم دايما بنشوف معاه كلب كده عشان يساعده لو الغنم بعدت وعشان يخوف الذئاب صح😁
=أيوا شوفته فعلا في التليفزيون 🤔
-تخيلي نفسك بأى وإنتي ماشية في طريقهم جه الكلب قعد ينبح عليكي هتعملي إيه😁
=انا ممكن اموت في جلدي حضرتك🤓🤓
-يابنتي هتدافعي عن نفسك إزاااي🤦😂😂
طبيعتنا البشرية هتدفعنا إننا ندافع عن نفسنا ..
نحدفه بطوبة نهشه بعصاية كده يعني😂😂
=أيوا صح 🤔
-بس المشكلة بأى إنه ممكن يكون كلب رخم وكل شوية ييجي ينبح عليكي ولو فضلتي تهشيه مش هنخلص وهتفضلي مكانك مش هتتحركي😂😂
=صح😕😕
-يبأى الحل الأمثل هنا إنك تندهي على الراعي صاحب الكلب يبعد عنك كلبه لأن الكلب هيسمع كلام الراعي😉😉
=ااااه😲😲😲.....بس ده إيه علاقته بكلامنا بأى🤓🤓
-ولله المثل الأعلى 👌👌
ربنا هو مالك الكون وهو خالق البشر فعليكي برب البشر يكف عنك خلقه🤗
=فهمت بس مش أوي🤔
-يعني يا حبيبتي لما إنتي تطيعي ربنا وتتقربي إليه بالطاعات وتدعيه إنه يصرف عنك كل شر ...محدش هيقدر يؤذيكي حتى لو كان مييين👌
=😒😒😒😒😒
-ياربي عالنظرة دي 😂😂😂😂
أنا هجيبلك الدليل على كلامي😈
قال رسول الله صلى الله عليه وسلم لعبد الله بن عباس لما ركّبه وراه على بعير :
"احفظ الله يحفظك .....
وَاعْلَمْ أَنَّ الأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ ،
وَلَوْ اجْتَمَعُوا عَلَى أَنْ يَضُرُّوكَ بِشَيْءٍ،
لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ ، رُفِعَتِ الأَقْلَامُ وَجَفَّتْ الصُّحُفُ" 😊
يعني لو لبستي النقاب محدش هيقدر يؤذيكي أو يتعرض لك إلا بقدر من ربنا وأمر منه ،
فطول مانتي بتطيعي ربنا فإنتي في السليم ومحدش هيؤذيكي😉
=يعني اللي وقفوها على باب الكلية دي مش بتطيع ربنا😑
-ياختيييي🤦
ياحبيبتي ملكيش دعوة بحد وركزي في نفسك😊
لأن ربنا اللي في حياتها غير ربنا إللي في حياتك 😊
=هو مش ربنا واحد😳😳😳
-يابنتي أقصد حياتك غير حياتها وقلبك غير قلبها 😉
وجاء في الأثر عن رب العزة :
" وإني أدبر لعبادي بعلمي بقلوبهم إني عليم خبير"
فمش شرط إن إللي يحصل مع غيرك من ابتلاء يحصلك إنتي كمان😊
=بمعنى🤔
-يعني مثلا تلاقي واحدة ربنا مبتليها بالفقر وواحدة ربنا مبتليها بالغنى،
وواحدة ربنا ابتلاها بفقد ابنها وهكذا👌
فمش شرط ان ربنا ابتلى واحدة قريبتك بموت ابنها إنه هيبتليكي بنفس البلاء 😊
هيبتليكي باللي تقدري تستحمليه👌
لأن ربنا لا يكلف نفسا إلا وسعها ..وصلت🤗
=😮😮😮وصلت
-خدي بالك بأى إنك وإنتي داخلة الكلية من حق الشخص إللي قصادك يعرف هويتك لأن ده شغله،
فمفيش مشكلة لما تكوني متعاونة ويكون عندك مرونة في التعامل ،
ومنحطش العقدة في المنشار ونعمل مشاكل ملهاش لازمة😊
=بس في ناس بتتلكك يعني وتعمل مشاكل وخلاص😠
ماحنا قلنا بأى عليكي برب البشر 😉
وكمان شوفي كلام شيخ الإسلام اين تيمية بيقول إيه:
"إنما العباد آلة ...فانظر إلى من سلطهم عليك...
ولا تنظر إلى صنيعهم بك ترتاح من الهم والغم"
=خلاااص فهمت 👌
-الحمد لله😂😂😂
=إممممم 🤔🤔
-خير تاني😂😂😂
=مش شايفة إن النقاب هيكون عائق بيني وبين التعامل مع قرايبي وخصوصا في تجمعات العيلة 🤔
ولا الكلام إللي هاخده كل ما هنتجمع 😑
فبيتهيألي كده ممكن تحصل مشاكل 🤔
-بكرة إن شاء الله نكمل كلامنا وبكده نكون خلصنا الحجج بتاعتك كلها😂😂😂
أما نشوف بأى هتعملي إيه 😈
=إلا لو طلعت حاجة جديدة 😜😜
-ده إحنا كده مش هنخلص بأى 🤦😂😂😂😂
ربنا ميجبش جديد يا حبيبتي ويهديكي كده وتلبسيه من غير مشاكل يارب🤗🤗
=يارب ياختي يسمع من بؤك ربنا😌😌😌
-مع السلامة😘😘
#Eman_shalaby
