#خفقة_قلب
الجزء السادس
#المسلسلات
=أما حلقة إمبارح من المسلسل كان فظيييييعة😍😍
ولا الفيلم اللي جه بعدها يا نهاااار روووعة 😍😍
-😳😳😨😱
=إيه مالك مندهشة ليه كده🤔...أه صحيح نسيت إنك هتقوليلي حرام😏😒
- هو بغض النظر عن حرام وحلال دلوأتي إنتي عملتي كارثة دلوأتي أشد من فرجتك على المسلسل والفيلم😳😳
=😱😱😱😱😱عملت إيييه
-الموضوع عايزله قاعدة😁
تعالي كده نتكلم واحدة واحدة☺
إحنا كبشر ربنا كتب علينا الوقوع في الذنوب والمعاصي عشان نستغفره ونتوب إليه ،
ومهما عملنا من المعاصي وكررناها ربنا بيقبل توبتنا وبيغفرلنا مادام توبتنا قبل الموت وقبل طلوع الشمس من مغربها ومهما كانت الذنوب دي إيه أو مهما كررتي نفس الذنب👌👌
=😍😍😍😍😍
-في إيه يا حبيبتي منشكحة ليه كده😂😂😂
=أصل بحب ربنا أوي ورحمته دي😍
-ومين فينا مبيحبش رحمة ربنا 😍 بس أهم حاجة إننا منتغرش برحمة ربنا دي وتخلينا نتجرأ على معصيته لأن زي ما رحمة ربنا واسعة فعذابه شديد برده مينفعش ناخد اللي مزاجنا ونسيب النص التاني واخدالي بالك إنتي😏😏
=😒😒😒😒إنتي دايما كده تبوظي علي لحظة الإنبساط بتاعتي😌
-لا وإنتي الصادقة برجعك لأرض الواقع والشرع 😂😂😂
وكالعادة مش بجيب كلام من عندي كله بالدليل😎😎
ربنا بيقول:
"اعْلَمُوا أَنَّ اللَّهَ شَدِيدُ الْعِقَابِ وَأَنَّ اللَّهَ غَفُورٌ رَّحِيمٌ"
=طبعا مادام في دليل يبأى مقدرش أتكلم ولازم أقول سمعنا وأطعنا😌😌
-هو ده الكلام💪🏻💪🏻نرجع لموضعنا بأى 😉
لما احنا بنقع في ذنب عشان طبيعتنا البشرية ربنا بيستر الذنب ده عشان محدش يعرفه من اللي حوالينا فمننزلش من نظر الناس ولأن في ناس مريضة القلب ممكن تفضل تعيرك بالذنب ده طول عمرك حتى لو تُبتي منه👌
معايا لحد كده 🤔
=أيوا معاكي كملي🤔
-لما واحد بأى بيعمل ذنب وربنا ستره وبعدين ييجي يقول لصاحبه أنا عملت كذا كذا هو كده فضح نفسه وهتك ستر ربنا عليه👌
=😳😳😳😳😳
-أيوااااا بالضبط كده 😤😤زي ما حضرتك جيتي قلتيلي من شوية على الحاجات اللي إنتي اتفرجتي عليها امبارح دي في الشرع حاجة اسمها المجاهرة بالذنب ورسول الله صلى الله عليه وسلم قال:
"كل أمتي مُعافى إلا المجاهرون"
ومن معاني المعافاة اللي يُحرم منها المجاهر هي ستر ربنا عليه أو عفو ربنا عنه👌
=😱😱😱😱😱
-متتخضيش أوي كده🤗 زي ما قلنا إن ربنا شديد العقاب فهو برده غفور رحيم 😉
حتى لو الإنسان جاهر بالذنب فهو لو تاب ربنا يتوب عليه ويغفرله😊😊
=الحمد لله مش بقولك بحب رحمة ربنا😍😍
