#خفقة_قلب
#الحلقة_الثالثة
#إزاي_أحافظ_على_الصلاة
-أهلااااا عاش من شافك😁
=😌😌
-أول مرة أشوفك مزاجك رايق يعني😅
=أصل بصراحة أنا طبقت المعادلة بتاعة
نية صالحة +عادة=عبادة
وحسيت بفرق جامد في نفسيتي وكمان جاهدت نفسي إني أحافظ على الصلاة هو أنا ملتزمتش بيها أوي بس كنت حاسة كده إني قريبة من ربنا وكنت حاسة كمان بحاجة حلوة كده في قلبي مش عارفة أوصفها و...
-استني استني واحدة واحدة كده وأنا هفهمك عشان أنا حاسة انك تايهة😊
=اه صح انا مش عارفة إيه الإحساس الحلو ده وإزاي دايما أكون كده 😓😓
-الأول كده انتِ فضيتي نفسك زي ما قلتلك المرة اللي فاتت🤔
=أنا اللي عايزة أسألك بقى هو حد في الزمن ده بيعرف يكون فاضي😬
-خلاص خلاص هدي نفسك😄
أنا هحاول أجبلك المختصر المفيد 👌
ركزي معايا عشان هكلمك عن ركن مهم جدا من أركان الإسلام وزي ما قلتلك المرة اللي فاتت إن رسول الله ﷺ قال:
" إِنَّ أَوَّلَ مَا يُحَاسَبُ بِهِ الْعَبْدُ يَوْمَ الْقِيَامَةِ مِنْ عَمَلِهِ صَلَاتُهُ فَإِنْ صَلُحَتْ فَقَدْ أَفْلَحَ وَأَنْجَحَ وَإِنْ فَسَدَتْ فَقَدْ خَابَ وَخَسِرَ "
والصلاة أُم العبادات وأفضلُ الطاعات،
رسول الله ﷺ قال لما سُئل عن أفضل الأعمال قال:
«الصلاة لوقتها»
فهتلاقي آيات وأحاديث كتير بتحثنا على المحافظة على الصلاة وبتتوعد تارك الصلاة لدرجة إن ترك الصلاة يؤدي للكفر ☹☹
=كفر؟!!!😱
-أه يا بنتي أمال انتِ فاكرة إيه وآدي الدليل من السنة
قال رسول اللهﷺ :
"العهد الذي بيننا وبينهم الصلاة فمن تركها فقد كفر "
وقال:
"بَيْنَ الْعَبْدِ وَبَيْنَ الْكُفْرِ تَرْكُ الصَّلاةِ "
=😨😨😨😨
-ليكِ حق تخافي طبعا، بس زي ما في وعيد في وعد😊
=يعني إيه🤨
-يعني زي ما ربنا خوّفنا من ترك الصلاة طمّنا بالجزاء إللي مستني اللي بيحافظ على صلاته💁♂️
=إيه هو الجزاء طيب🤔
-يااااااه كتير متعديش أنا هقولك شوية حاجات بس عشان مطولش عليكي 😊😊
◇ الصلاة نهر من الطهارة والمغفرة:
قال رسول الله ﷺ :
«أرأيتم لو أن نهرا بباب أحدكم، يغتسل فيه كل يوم خمس مرات، هل يبقى من درنه شيء؟»
قالوا: لا يبقى من درنه شيء.
قال: «فذلك مَثلُ الصلوات الخمس يمحو الله بهن الخطايا»
◇ الصلاة كفارة للذنوب والخطايا:
قال رسول الله ﷺ :
«الصلوات الخمس، والجمعة إلى الجمعة كفارات لما بينهن ما لم تُغش الكبائر»
يعني مادام مفيش كبائر بتتعمل يبقى الصلوات بتمسح الصغائر إللي بنعملها.
◇الصلاة حفظ وأمان للعبد في الدنيا:
قال رسول الله ﷺ :
«من صلى الصبح فهو في ذمة الله»
٤- الصلاة عهد من الله بدخول الجنة في الآخرة:
قال رسول الله ﷺ :
"خمس صلوات كتبهن الله على العباد، فمن جاء بهن، ولم يضيع منهن شيئاً استخفافاً بحقهن، كان له عند الله عهد أن يدخله الجنة"
ده جزاء اللي بيحافظ على الصلاة باختصار 😊😊
