#خفقة_قلب
#الحلقة_الخامسة_والعشرون
#ماذا_بعد_رمضان
#ربانيون_لا_رمضانيون
=بقى كده تقعدي الفترة دي كلها متسأليش علي ولا تكلميني😭😭😭
ماهو الإهتمام مبيطلبش😢
-أهلا أهلا ده إيه النور ده ليكِ وحشة والله😁
هو انا كنت فاضيالك يا حبيبتي دي الآخرة يا ماما😎
أسيب أنا بقى حسنات رمضان وأقعد أحكّي معاكِ😏
=عادتك ولا هتشتريها😒
-لو كنتِ هتديني حسنة من حسناتك يوم القيامة أو تشيلي عني سيئة مكنتش قصرت بصراحة😈
كنتِ هتلاقيني لازقالك😹
بس انتِ هتسيبيني وتجري مني زي الباقيين😏
فأنا أشتغل على إللي ينجيني ياختي😌
=أنا غلطانة عشان سألتك اصلا أنا كده دايما بجيب الكلام لنفسي 🤦♀️😆
-المهم سيبك مني دلوقتي وقوليلي أخبار رمضان معاكِ السنة دي إيه🤔
=😑😑😑😑😑😑😑
-وأنا أفهم إيه طيب كده😅
=أنا مش عارفة بصراحة 😑
يعني تقدري تقولي إنه كان خليط كده بين شوية حماس على شوية خمول على شوية استهبال على شوية معاصي أنا فعلا مش عارفة أحدد 😞
-والله أنا لو منك أقلق هو انتِ تعرفي رمضان هييجي عليكِ تاني ولّا لأ😏
وكمان رسول الله ﷺ قال:
"خاب وخسر من أدرك رمضان ولم يُغفر له"
وكمان ليلة القدر إللي العمل فيها ب٨٤ سنة عبادة😏
=😳😳😳😳😳
أصلها ناقصة تقطميك لي 😱
لا بصي أنا كده مفيش مني فايدة ومعدتش أنفع😷
-أيوا أنا بقطمك وأحسسك بالذنب عشان تعرفي حجم الكارثة إللي انتِ فيها عشان تكون دافعة ليكي للي جااااي😈😈
=لأ براحة كده وفهميني واحدة واحدة جاي إيه ورايح إيه🤓
-بصي لو عملتي لنفسك كوباية شاي أو عصير أو أي حاجة بتحبيها وبعدين إيدك خبطتها وقعتها على الارض اتكبت هتعملي إيه؟!
هتقعدي تندبي جنبها وتعيطي ولا هتنضفي اللي اتكب وتعملي غيره💁♂️
=أه هنضف وأعمل غيره 🤔
-وهو ده إللي أنا عايزاكِ تفهميه 👌
مفيش حاجة اسمها انا ضعت أو خلاص مفيش فايدة
طول مانتي بتتنفسي وعلى قيد الحياة 😀
لو كان رمضان فرصة وضاعت منك فانتِ وجودك في الحياة نفسه فرصة ....
كل نفس بيخرج ويدخل في حد ذاته فرصة..
أيوا الحسنات في رمضان بتبقى مضاعفة ورمضان ليه ميزة خاصة بيه بس مش معنى كده إن نهاية رمضان تكون نهاية العالم🤓
لسه عندك صيام التطوع ولسه الصلاة موجودة ولسه الأذكار موجودة ولسه الصدقة موجودة ولسه السنن موجودة
فمن رحمة ربنا بينا إن مواسم الطاعات مستمرة لا تنقطع 😊
=بس يا حبيبتي الشياطين في رمضان بتبقى متسلسلة وفي غير رمضان لأ😒
-مردة الشياطين بس مش كل الشياطين 😅
يعني القرين بتاعك يا حبيبتي كان معاكي طول رمضان عادي 😁
