#خفقة_قلب
#الحلقة_الثانية
#النية
-إيه يابنتي فينك😯
=أديني عايشة😑
-انتِ مالك بائسة ليه كده 😦
=الواحد ولا كأنه ماشي في ساقية ومفيش أي متعة في الحياة ودايما مخنوقة ومش طايقة نفسي بجد حاجة تقرف😫
-إممم🤔
طيب أقولك ومتزعليش 😊
=ربنا يستر قولي😒
-ربنا بيقول:
"وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا "😁
=هو انتِ ليه كل ما أقولك على حاجة تربطيها بالدين هو إنتِ عايزاني أفضل طول النهار أعبد ربنا طيب والحاجات اللي ورايا مين هيعملها مش بقولك زهقتيني في عيشتي 😖
-طيب بصي خلينا نجيب من الأول خااالص ماشي😊
هو ربنا خلقنا ليه🤔
=عشان نعيش😒
-لا يا حبيبتي ربنا خلقنا عشان نعبده،
ربنا قال:
"وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ"
=نعم !انتِ بتقولي ايه 😳
يعني انتِ عايزاني أقعد طول النهار أصلي وأصوم وأذكر ربنا وخلاص ؟!!!😵
-لأ، برده مش كده 😁
=انتِ حيرتيني معاكِ😬
-اهدي عليّ بس هقولك😅
هو يعني إيه عبادة أصلا🤔
=العبادة إننا نصلي ونصوم 😒
-إنتِ كده ضيقتي معناها جدا😬
بصي العبادة هي إسم جامع لكل ما يحبه الله ويرضاه من الأفعال الظاهرة والباطنة😊
=مين🙃
-خليني أوضح أكتر 😄
كل حاجة بتعمليها ممكن تحوّليها لعبادة بمعادلة بسيطة بس خليني الأول أجبلك أمثلة على العبادة عشان تفهمي، وبالمثال يتّضح المَقال💁♂️
الصلاة والصياة والزكاة والحج والذكر وبر الوالدين والإحسان للجار وصلة الأرحام والوفاء بالعهود والأمر بالمعروف والنهي عن المنكر كووول ده من العبادة الظاهرة يعني بتعمليها بلسانك أو جسمك يعني ظاهرة للبشر معايا كده🤔
=معاكي كملي😒
-حب الله ورسوله وخشية الله والإنابة إليه وإخلاص الدين له والصبر لحكمه والشكر لنعمه والرضى بقضائه والتوكل عليه والرجاء لرحمته والخوف من عذابه كووول دي عبادة باطنة يعني بتعمليها بقلبك محدش يعرف عنها حاجة فاهماني لحد كده 🤔
=أه فاهماكي بس إيه علاقة إللي انتِ قولتيه ده كله بإن أنا زهقانة ومخنوقة🤔
-مانا قلتلك يا بنتي إن ربنا خلقنا عشان نعبده وطول ما احنا بعيد عن الهدف اللي اتخلقنا عشانه هنبقى عيشتنا ضنك وأرف وهنكره نفسنا قبل ما نكره إللي حوالينا 😬
=أيوا أيوا صح معلش تهت منك الواحد في دماغه هم😑
-خليني اسالك سؤال تاني إزاي بقى نحول حياتنا كلها لعبادة 🤔
=وأنا هعرف منين مش انتِ إللي تعرفي في الدين عرفيني ياختي يمكن أبقى زيك كده مبسوطة على طول ومش فارق معايا حاجة😏
-حتى وانتِ متضايقة بتبقي دمك خفيف😹
=ميرسي😌
-المهم نرجع لموضوعنا هقولك على معادلة حلوة وبسيطة😁
=معادلة إيه 😱أنا بكره الرياضة😣
-لا متخافيش دي بسيطة خالص بصي:
عادة +نية صالحة =عبادة😊
=😳
-بلاش الصدمات دي هشرحلك والله😅
مش انتِ كل يوم بتاكلي وبتشربي يعني بتفطري بتتغدي بتتعشي🤔
=أاااه😒
-ودي حاجة بتعمليها كل يوم لأنك لو مكلتيش أو شربتي هتموتي صح🤔
=أاااه😒
-تخيلي بقى إنك قبل ما تاكلي أو تشربي نويتي في قلبك إنك بتاكلي وتشربي لأن ربنا أمرك بكده وعشان كمان تتقوي على العبادة زي الصلاة وباقي العبادات إللي قلتهالك من شوية😈
=وهو ربنا أصلا أمرنا إننا ناكل ونشرب🤔
-أيوا يا ستي ربنا قال:
"وكلوا واشربوا ولا تُسرفوا"
والموضوع مش هيقف عند الأكل والشرب بس ده كمان النوم والدراسة والتدريس،
والراحة وشغل البيت والطبخ وكووووول حاجة بتعمليها في حياتك واتعودتي عليها،
ممكن بنية كويسة في قلبك تحوليها لعبادة تاخدي عليها حسنات يعني صاحية نايمة عداد الحسنات شغال 😈
وطول ما عداد الحسنات شغال إيمانك هيزيد وكل ما إيمانك هيزيد هتحسي بسعادة في قلبك 💁♂️
=😒
-إيه مش مقتنعة🤔
=أصل لو إللي انتي بتقوليه ده صح يبقى مكنش حد غُلب🙄 مش انتِ دايما بتقوليلي إننا مينفعش نعمل أي حاجة في الدين إلا لما يكون فيها آية قرآنية أو حديث، إنتِ بقى جبتي الكلام ده منين😈
-علمناهم الشحاتة😅
متخافيش أنا عندي دليل من السنة😛
عن عمر بن الخطاب رضي الله عنه قال: سمعت رسول الله ﷺ يقول :
"إنما الأعمال بالنيّات، وإنما لكل امريء مانوى، فمن كانت هجرته إلى الله ورسوله ، فهجرته إلى الله ورسوله ،
ومن كانت هجرته لدنيا يصيبها ، أو امرأة ينكحها ، فهجرته إلى ما هاجر إليه"
أظن انتِ سمعتي الحديث دهواحنا صغيرين لحد ما حفظتيه😏
=معقول الحديث معناه كده😲
-شوفتي بقى 😁
=ده أنا هبدأ اطبق المعادلة دي حالا حد لاقي حسنات بالسهولة دي😍بس استني 😓
ده أنا أصلا بصلي على سطر وأسيب سطر ده إذا صليت كمان😢
-أه صح فاتتني دي 😞
ده أنا أصلا كنت ناوية أكلمك عن الصلاة لما أقابلك المرة دي 🤦
بس مفيش مانع إنك تطبقي المعادلة دي برده👌
-تحبي نكمل كلامنا ولّا مش فاضية 🤔
=لا مش هينفع خلينا لما نتقابل تاني سلام عشان ألحأ أخلص إللي ورايا 😔
-استني استني قبل ما تمشي حاولي تجاهدي نفسك وتصلي لحد ما نتقابل المرة الجاية، حتى لو على سطر وهتسيبي سطر،
واعملي حسابك تفضّيلي نفسك المرة الجاية خااالص عشان الصلاة دي أهم حاجة في حياة المسلم 💪🏻
ورسول الله ﷺ قال:
"إِنَّ أَوَّلَ مَا يُحَاسَبُ بِهِ الْعَبْدُ يَوْمَ الْقِيَامَةِ مِنْ عَمَلِهِ صَلَاتُهُ فَإِنْ صَلُحَتْ فَقَدْ أَفْلَحَ وَأَنْجَحَ وَإِنْ فَسَدَتْ فَقَدْ خَابَ وَخَسِرَ"
=أنا حاسة إن إيماني زاد شوية فهحاول إن شاء الله😊
-في رعاية الله❤
#Eman_Shalapy
