#خفقة_قلب
الجزء التاسع عشر
#النقاب_وتجمعات_الأهل...
=لا بجد مش هينفع كده...انا كنت هفطس😷😷
-إيه يابنتي مالك مفرهدة كده ليه😂😂😂
=إضحكي إضحكي ...ماهو ده إللي إنتي فالحة فيه😑
-مالك بس بتخانقي دبان وشك ليه كده🤣🤣🤣
=كان عندنا عزومة ياستي إمبارح ومش عايزة أقولك بأى مع الحر ده كنت خلاااص 😣😣
تخيلي بأى لو كنت لابسة نقاب كمان بجد أنا كان زماني مت بجد😳😳
-ااااه 😂😂😂
وإنتي تلبسي نقاب وإنتي بتطبخي ليه أصلا🤓🤓
=نعم😳😳😳
-بصي يا حبيبتي 😊
لما يكون عندكم عزومة ولا حاجة...
إنتي بتطبخي في المطبخ فمش هتحتاجي تلبسي نقابك ولا حتى أي حجاب ،
مجرد بس إنك تقولي ياجماعة أنا في المطبخ فمحدش يدخل من الرجال وخلاص خلص الموضوع😊
=ياسلااام وأنا أتحرك إزاي بأى🤓
-عادي جدا هيبأى معاكي لبسك في المطبخ وقت ما تكوني عايزة تطلعي برة المطبخ هتلبسي وتطلعي وخلاص😊
وعشان الحر مثلا ومتبقيش مقيدة في الحركة،
ممكن تشتري أو تفصلي للبيت نقاب مخصوص بحيث إنه يكون عملي ومسامه واسعة ووقت ما يومك يخلص في الغسالة واغسليه وهكذا😉
=وأنا هاكل إزاي واقعد مع قرايبي بالنقاب😑
-وانتي تلبسي النقاب قصاد قرايبك ليه أصلا🤔
=إيه ده يعني أنا ينفع أقلع النقاب قصاد اخوات زوجي الرجالة وازواج أخواتي وولاد عمي وعمتي وولاد خالي وخالتي وزوج عمتي وخالتي😍😍
-إيه يابنتي حيلك ...حيلك ..إيه ده😱😱
=مش إنتي إللي بتقولي ملبسش النقاب قصاد قرايبي😒😒
-أنا بتكلم عن قرايبك الستات والمحارم زي ابوكي وخالك وعمك وأخوكي وجدك مش الكوكتيل اللي بتقولي عليه ده🤦😳😳😳
=طيب أعمل انا إيه بأى دلوأتي😑
-أولا يا حبيبتي شرعا لا يجوز إنك تقعدي مع ناس غير محارمك بدون حجابك الشرعي اللي هو بيغطي جسمك كله ومنه والوجه زي ما اتكلمنا قبل كده😊
=إيه😳😳
طب إزاي يا بنتي ده لو فكرت أخد جنب الدنيا كلها هتتقلب عليّ... وغير كده مش عادتنا كمان إني أسحب نفسي وأقعد في مكان لوحدي😑
إنتي عايزاهم يكرشوني من البيت 😳😳
-عشان تقعدي مع أقاربك من غير المحارم لازم في ضوابط معينة 😉
وهي لبس الحجاب كامل،
وميكنش في نظر وخلوة ومصافحة وخضوع بالقول 👌
فلو عملتي عكس كده فإنتي بتعصي ربنا 👌
فمين المهم دلوأتي إنك ترضي ربنا ولا تمشي على سلو بلدكم🤓🤓
=مش قلتلك النقاب هيبأى عائق😑😑
-يابنتي ده إنتي من غير النقاب بتاخدي ذنب بقعادك معاهم لكن مع النقاب فمفيش حرج إنك تقعدي معاهم طبعا بالشروط إللي قلناها😉
وإن كان الاولى إنك تقعدي مع النساء بس😁
=طيب برده مانا هتبهدل وهبأى مخنوقة 😣😣
-الموضوع مش زي مانتي متخيلة خالص،
إنتي بس عشان برة الموضوع ولسه مدخلتيش فيه ،
هتحسي إنه صعب وإنك مش هتقدري و...و...😑
زي بالضبط لما تشوفي كتاب لأول مرة او بتدرسي حاجة لأول مرة تحسي إنها صاااعبة وتبإي مخنوقة منها 😫😫
لكن مجرد ما تمشي فيها شوية وتخوضي التجربة تلاقي إن الموضوع سهل خالص ومكنش بالصعوبة دي😍😍
