#خفقة_قلب
الجزء العشرون
#صفات_النقاب_بين_الواقع_والشرع
=😍😍😍😍😍
-ما شاء الله شايفاكي منشكحة😂😂
مع إنك كنتي إمبارح عمالة تندبي عشان رمضان إللي هيضيع منك😏😏
=لا ماهو موضوع رمضان ده لسه عندي معاه مشكلة😑
بس شوفتلك بنوتة لابسة نقاب كان شكلها كيوت خالص😍😍
-نقاب وكيوت الاتنين✌😳
=وإيه المشكلة يعني لما ابأى كيوت وانا لابسة النقاب😌😌
-يعني لما إنتي بنت وبتقولي عليها كيوت أمال الرجالة اللي بيشوفوها هيقولوا عليها إيه🤦
=مش عارفة إنتي بتحطي العقدة في المنشار ليه بس متخليكي فري ياستي😒
-بصي يا حبيبتي الموضوع مش بمزاجي ولا بمزاجك ولا بمزاج أي حد😊
النقاب ليه شروط لو متوافرتش فيه يبأى مينفعش حضرتك😑
وبدل ما تلبسيه عشان تاخدي حسنات تلاقي نفسك بتاخدي سيئات لأنك مش محققة شروطه الصحيحة👌
وساعتها تدخلي في حديث رسول الله صلى الله عليه وسلم:
صنفان من أهل النار لم أرهما وذكر:
"نساء كاسيات عاريات مائلات مميلات رؤوسهن كأسنمة البخت المائلة لا يدخلن الجنة ولا يجدن ريحها"
=لا إستني ده الموضوع خطير فهميني براحة كده إيه الشروط دي😳😳
-الموضوع فعلا خطير لأن الواحدة ممكن تكون مفكرة بأى إنها ماشية صح،
وهي مش واخدة بالها إنها داخلة في الحديث بسبب إن نقابها لا يتوافر فيه الشروط👌
ودي يا ستي الشروط باختصار😊👇
1- أن يكون الحجاب ساترا لجميع البدن
2- أن يكون ثخينا لا يشفّ عما تحته
3- أن يكون فضفاضا غير ضيّق
4- أن لا يكون مزينا يستدعي أنظار الرجال
5- أن لا يكون مطيّبا
6- أن لا يكون لباس شهرة
7- أن لا يُشبه لباس الرجال
8- أن لا يشبه لباس الكافرات
9- أن لا يكون فيه تصاليب ولا تصاوير لذوات الأرواح
=يعني كل واحدة مش مطبقة الشروط دي هتدخل النار😳
-يعني إنتي مش بتحبي حد يحكم عليكي بحاجة،
عايزة إنتي تحكمي على الناس ليه مين هيدخل النار ومين هيدخل الجنة😠
=ماهو عشان أبأى فاهمة يعني😚
-ياحبيبتي ركزي مع نفسك 😊
في فرق بين حكم عام و إنك تنزلي الحكم ده على شخص بعينه👌
=يعني إيه 🤔
-يعني مثلا الذي لا يصلي كافر ...ده حكم عام ،
لكن لو رحتي لواحد مش بيصلي قولتيله إنت كافر ده لا يجوز👌
وكذلك في اللبس المجسم سواء كان نقاب او غيره نقول حديث رسول الله صلى الله عليه وسلم ونبلغ كلامه بوجه عام ،
لكن مينفعش تروحي على واحدة اللبس هيتقطع من كتر ما هو مجسم عليها تقوليلها إنتي كاسية عارية ومن أهل النار ومش هتدخلي الجنة🤓
أنا لو مكانها ممكن أحدفك بطوبة ساعتها😂😂
فمينفعشي نحكم على حد بعينه لأن ربنا هو إللي هيحاسب مش إحنا وكمان القلوب بين إيدين ربنا 👌
كم واحدة شوفتيها مثلا كانت أبعد ما يكون عن الدين والإلتزام ،
وإذ فجأة لقيتي ربنا هداها وبقت حاجة تانية خالص👌
أنا عن نفسي شوفت كتير 😊
