#خفقة_قلب
الجزء السادس عشر
#الرصيد_والقول_الفصل_في_حكم_النقاب...
=أنا عايزة أفهم إيه موضوع الرصيد ده😑
-إنتي لما حاجة بتعلق في دماغك مش بنخلص😂😂
=مانا مبحبش أقعد كده وأنا مش فاهمة حاجة😒
-خليني أسألك سؤال 😁
=اااااه دخلنا تاني في جو الأسئلة 😏...هاااه إسألي😒
-في نظرك أنهو الأحسن :
واحدة على طول بتسأل عليكي وبتطمن عليكي وبتودك،
ولا واحدة وقت ما تكون عايزاكي أو محتاجة منك حاجة تلاقيها على طول لازقالك😁
=هي دي عايزة سؤال 😒..الإجابة واضحة..طبعا اللي بتسأل علي من غير مصلحة،
مش إللي بتسأل عليّ وقت مصلحتها😤😤
-طيب لو حد فيهم طلب مساعدة ،
هتساعدي أنهي واحدة وإنتي نفسك راضية ومبسوطة😊
=طبعا إللي كانت بتسأل عليّ😒
-أهه ده الرصيد باختصار👌
=ترجمي🤔🤔🤔🤔
-خلينا نجيب مثال من القرآن يوضحلك أكتر😁
إنتي أكيد عارفة قصة يونس عليه السلام وقصة زكريا عليه السلام صح😊
=أيوا طبعا 🤔🤔
-لما يونس عليه السلام تعرض للبلاء ودعا ربنا ،
ربنا استجاب له عشان كان عنده رصيد قبل كده👌
يعني في غير وقت البلاء كان بيسبح ربنا ،
وفي اتصال بينه وبين ربنا على طول ،
حتى ربنا قال عنه:
" فَلَوْلَا أَنَّهُ كَانَ مِنَ الْمُسَبِّحِينَ، لَلَبِثَ فِي بَطْنِهِ إِلَىٰ يَوْمِ يُبْعَثُونَ"
يعني كان عنده رصيد قبل كده من التسبيح والطاعة👌
زي ما قلنا من شوية عن اللي بتسأل عنك على طول من غير مصلحة لو طلبت منك خدمة هترفضي ولا هتساعديها وانتي مبسوطة😊
=🤔🤔🤔🤔🤔
-مثال تاني وهو زكريا عليه السلام لما طلب من ربنا إنه يرزقه الولد مع إنه كان مستحيل،
ربنا قال إنه استجاب له لإنه كان عنده رصيد قبل ما يطلب👌
ربك بيقول:
"فَاسْتَجَبْنَا لَهُ وَوَهَبْنَا لَهُ يَحْيَىٰ وَأَصْلَحْنَا لَهُ زَوْجَهُ"
"
السبب بأى:
"إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا ،وَكَانُوا لَنَا خَاشِعِينَ"
يعني كان في تواصل بينه وبين ربنا وكان حريص على طاعة ربنا قبل ما يطلب حاجته👌
=طيب وده إيه علاقته بموضوعنا 🤔
-فاكرة لما قلتلك لازم تداومي على الطاعات عشان يكون عندك رصيد 🤔
=اه😒😒
-الرصيد ده عشان لما يحصلك بلاء أو لما تدعي ربنا إنك عايزة حاجة يحققهالك 🤗
ومتكونيش زي إللي متعرفش صاحبتها إلا لما تكون محتاجاها👌
=🤔🤔🤔🤔🤔🤔
-يا حبيبة قلبي افهمي😂😂😂😂
مش إنتي مامتك وباباكي صعبين ومش عارفة تقنيعهم وهم قلوبهم بين إيدين ربنا ،
فإزاي عايزة تدعي ربنا إنه يحول قلوبهم ويستجيبلك على طول وإنتي معندكيش رصيد من الطاعات الأول 👌
عشان كده لو تلاحظي إن في ناس مهما تدعي ربنا مش بيستجيبلهم على طول،
بالعكس بيأخر عنهم الإجابة لأن معندهمش رصيد من الطاعات مع ربنا،
فيسيبهم يدعوا ويدعوا عشان يعلمهم إن ملهمش غير ربنا ويخلي قلوبهم تتعلق بيه هو بس👌
