#خفقة_قلب
الجزء الرابع والعشرون
#ماذا_بعد_النقاب
=🤔😒😵😞😕
-إيه الحيرة إللي إنتي فيها دي شكلك يموت مالضحك😂😂
=لا بجد إزاي 🤕
-هو إيه إللي إزاي🤔
=إزاي البنت بتلبس النقاب في الحر وده وبتستحمل ...بتتنفس إزاي 😕
إحساسها إيه وهي ماشية بالنقاب كده🤔
لما تشوف إللي مش لابسين نقاب مش بتتمنى إنها مكنتش لبسته ،
وتقول يابختهم عارفين يتنفسوا وأنا إللي كتمت نفسي😵
وأنا لو لبسته إحساسي هيبأى إيه😒
وهل هو نهاية المطاف ويبأى أنا كده وصلت 😞
-كل ده 😂😂
خلينا كده ناخدهم واحدة واحدة😊
أول حاجة إزاي الواحدة تلبس النقاب في الحر ده وتصبر عليه 😊
ربنا لما بيأمرنا بحاجة بيكون عارف إننا نقدر نستحملها ،
ولو كانت ظاهرة مثلا إنها صعبة أو ابتلاء....
تلاقي ربنا بيهون علينا 👌
=لأ معلش مش فاهمة وضحي أكتر😑
-هوضحلك بقصة حذيفة بن اليمان رضي الله عنه في غزوة الأحزاب أو الخندق 😁
في غزوة الخندق حاصر ١٠ آلاف من المشركين المدينة ،
ولما اشتد الأمر على المسلمين دعا رسول الله صلى الله عليه وسلم أن يهزم الله الأحزاب،
فكان عايز يعرف بأى إيه إللي حصل للمشركين في الناحية التانية من الخندق ،
وكان خايف إنهم يهجموا على المسلمين ،
فقال للصحابة من يأتيني بخبر القوم وله الجنة؟....
ومحدش من الصحابة قام 👌
=إيه ده إزاي رسول الله صلى الله عليه وسلم يعرض عليهم الجنة ومحدش يقوم ويقول أنا ويروح😳😳😳
-الليلة دي كانت ليلة شديدة البرودة وشديدة الريح والصحابة كانوا خايفين والدنيا ضلمة جدا 😑
تخيلي إحنا في الشتاء بنقوم نصلي الفجر بالعافية ،
فما بالك بناس محاصرة ٤٢ يوم وكمان وفي حرب ودول بشر فطبيعي طبعا إنهم يحسوا بالخوف👌
=المهم كملي🤔
-رسول الله صلى الله عليه وسلم قال كده ٣ مرات ومحدش قام ،
فقام من مكانه وبأى يمشي بين الصحابة وهو بيقول من يأتيني بخبر القوم وله الجنة،
فرجله خبطت في واحد من الصحابة،
فسأل رسول الله صلى الله عليه وسلم من؟
فقال: حذيفة ،
فقال قم يا حذيفة وأتني بخبر القوم 😊
=استني وهو رسول الله صلى الله عليه وسلم مكنش عارف الصحابة🤔
-يا حبيبتي بقولك الدنيا كانت ضلمة جدا ومكنوش مولعين نار والريح كانت شديدة فلكي أن تتخيلي الموقف أصلا😑
=أه..اه فهمت كملي🤔
-حذيفة بن اليمان رضي الله عنه بيوصف بأى الليلة دي فبيقول معداش علينا ليلة هي أشد بردا ولا سوادا ولا خوفا من تلك الليلة 👌
وبيقول إنه من شدة فقره مكنش لابس غير رداء زوجته 😑
تخيلي بأى شدة البرد إللي كان حاسس بيها 👌
الشاهد بأى من الكلام كله في الحتة إللي جاية دي:
إن لما رسول الله صلى الله عليه وسلم أمره بأمر والظاهر إن الأمر شاق ربنا هون عليه ....إزاي بأى ؟!
حذيفة رضي الله عنه يقول لما قمت ومشيت حسيت كأني في حمام ،
والحمام بيكون دافي ومحسش بالبرد خااالص لحد مارجع من المهمة بتاعته،
لما رجع حس بالبرد تاني زيه زي باقي الصحابة🤗
وكذلك المنتقبة او أي انسان بينفذ أي أمر من أوامر ربنا ،
ربنا بيهون عليه ويعينه ،
وممكن كمان تسألي واحدة منتقبة هو إنتي مش حرانة هتقولك عادي يعني الطبيعي🤔
وساعات تحس إن بيدخلها هوا كده من تحت لبسها متعرفيش جاي منين😂😂😂
بس ده لطف ربنا بعباده🤗🤗
وصلت😉
