#خقة_قلب
الجزء السابع عشر
#إزاي_ألبس_النقاب🤔
=خلااااص أنا لازم ألبس النقاب حالا😤😤😤
-واضح إن الفكرة عششت في دماغك خالص😂😂😂
=أيوااااا ....أنا جبت أخري 😑
إزاي أخليهم يوافقوا بأى 😒...وأنا مش عايزة أغضبهم إنتي عارفة عشان بر الوالدين وكده☺☺
-بكل بساطة هتروحي تشتري النقاب وتلبسيه وتنزلي بيه قصادهم😊
=يا سلااام ده إيه الجمال ده😍..وإيه البساطة دي 😍
تصوري فكرة حلوة😍
إنتي متوقعة إني أقولك الكلام ده مثلا👆😠😠
إنتي مش عايشة في الدنيا ولا شايفة الواقع إللي بنعيشه😡
قال تقولي إلبسي وإنزلي بيه قصادهم😏
عشان يطردوني برة البيت مثلا ولا حد يحدفني بكرسي يفتح دماغي😒
-اصبري بس هقولك😂😂😂😂😂
=تقولي إيه تاني بعد ما فورتيلي دمي يا شيخة 😠
-هو إنتي لما بتيجي تاكلي أو تشربي أو تنامي بتسأذني أمك وأبوكي ولا بتاكلي على طول😊
=باكل على طول طبعا🤔
-لما بتيجي تصلي السنن مثلا أو تصومي اثنين وخميس بتستأذنيهم برده😊
=اممم لأ بصلي وأصوم عادي 🤔
-لما تيجي تخرجي هل بتستأذنيهم إنك تلبسي هدومك إللي تغطي عورتك ولا بتلبسي عادي وبتنزلي 😊
=برده بلبس عادي وبنزل🤔
-اشمعنى النقاب إللي عايزة تستأذنيهم فيه😁
ليه أصلا عايزة تفاتحيهم إنك عايزة تلبسي النقاب👌
=😕😕😕😕😕😕😕
-بصي الموضوع ينقسم لكذا نقطة فركزي معايا كده عشان الكلام مهم👌
الكلام ليه قوة بتأثر في الشخص اللي قصادك ،
وعلى أد قوة قلبك بيكون قوة الكلام اللي طالع منك،
بمعنى إن عشان إللي قصادك يسمع وينزل عند رأيك ويعمل إللي إنتي عايزاه ،
لازم تكوني قوية وإنتي ببتكلمي ..مفيش في صوتك نبرة خوف او تردد تخلي إللي قصادك يستغلها حتى لا شعوريا إنه يقلب الموضوع ضدك👌
مثال:
لو واحدة جت قالتلك على واحدة صحبتك إنها بتقول عليكي كلام،
إنتي ممكن تدافعي عنها وانتي جواكي إن الكلام ممكن يكون في منه فتحسي في قلبك بشك،
فالكلام هيطلع عادي... يعني هتقولي لا لا انتي ممكن تكوني فهمتي غلط أو هي متقصدش😒
لكن تخيلي بأى إن واحدة تانية جاية تقولك ده الست فلانة بتقول عليكي كذا وكذا ،
والست دي والدتك... والتانية متعرفش إنها والدتك وإنتي عارفة إن مامتك يستحيل تقول كده هتعملي إيه😁
أقل واجب هتطلعي فيها وتقوليلها الكلام ده مش صح وانتي كذابة عشان دي أمي و...و....
=ماشي🤔🤔
-كذلك مع النقاب لما البنت تروح تطلب من أبوها ولا امها ولا حتى زوجها إنها تلبس النقاب ....بتطلب وهي مترقبة وخايفة وقلقانة من رد الفعل،
وده طبعا بيبان عليها وعلى كلامها فبيخلي إللي قصادها
يستضعفها ويفرض رأيه عليها ،
وندخل في نقاشات ملهاش أول من آخر لأننا أثرنا انتباههم من الأول أصلا ،
وإديناهم حق مش ليهم وهو إنهم يكونوا راضيين 😊
