#خفقة_قلب
#الحلقة_الرابعة
#إزاي_أبطل_سماع_الأغاني
=نفسي أبطل أسمع أغاني عاااااا😭😭
-بسم الله الرحمن الرحيم إيه يابنتي خضتيني😳😳
ده بيطلعوا الساعة كم دول😆
قولي سلام عليكم طيب ولّا حاجة الأول😅
=السلام عليكم ورحمة الله وبركاته يا ستي 😞😞
-وعليكم السلام ورحمة الله وبركاته😊
براحة بقى وقوليلي في إيه،
انتِ المرة إللي فاتت كنتِ زي الفل🙆♂️
بس قبل ما تقوليلي في إيه قوليلي اخبار الصلاة معاكي إيه طمنيني وبشريني 😻
=أه صح ده أنا مقلتلكيش على إللي حصلي مع الصلاة🤭
-قولي قولي واضح إن في تطورات أهه😻
=أه جدا🤭
بصي يا ستي أنا بعد ما قلت هنفذ النقط إللي اتفقنا عليها وخلاص بقى متحمسة وبدأت فعلا بحماس أول يومين بس ،
لقيت الحماس بدأ يقل ولقيتني بقيت أكسل عن السنة فبقيت أسيب السنن واحدة ورا التانية وبعدين لقيتني بدأت أأخر الصلاة عن معادها 😱
قلت يانهار ده أنا كده هرجع لنقطة الصفر تاني مش هينفع كده لازم اتصرف فخدت قرار ان مهما حصل مش هسيب أي سنة تاني أبدا 😤
وبقى تركيزي ومجاهدتي أكتر على السنن،
اتعاملت مع السنن إن هي الفروض وبقيت لما أسيب سنة استغفر وأحس بالندم وبقيت أقضي السنن إللي تفوتني كمان وبكده الفروض الخمسة بقت في أمان💪🏻
والحمد لله بعد ما كنت بحس إن الصلاة تقيلة عليّ وإن في حاجة مقيداني وبكسل عنها،
بقت هي أَوْلى أولويات حياتي وانتظمت فيها وبقيت ادعي ربنا في سجودي وإن ربنا يثبتني ويعيني😻
-يا سلام بقى🤩
ربنا يثبتك يا حبيبتي ويبشرك بكل خير😊
طيب ماهو في أخبار حلوة أهه أمال بقى جاية تعيطي ليه 😬😬
=ماهو أصل أنا خايفة😫
بعد ما انتظمت في الصلاة أرجع أسيبها بسبب إني بسمع الأغاني 😭
مش انتِ قولتيلي إن الإنسان ربنا بيحرمه من الطاعة بسبب ذنوبه ،فأنا خايفة بقى ومصدقت إني حطيت رجلي على الطريق😔
-أه صح معاكي حق😕
يعني انتِ مشكلتك دلوقتي في سماع الأغاني وعايزة تبطليها صح🤔
=أيوا😔
-طب متبطليها حد ماسكك 🤓
=انتِ هتستظرفي وأنا بتكلم جد😡
-معلش معلش لازم نفرفشك شوية بدل الدراما اللي إنتي عايشاها دي😄
=😒😒😒
-خلاص خلاص هتكلم جد أهه😁
الأول كده لازم تفهمي إن الغناء بينقسم لكلمات و موسيقى ومؤدي يعني إللي بيغني،
فالكلمات عبارة عن شعر حَسَنه حسن وقَبِيحهُ قبيح،
والموسيقى اللي احنا عارفنها،
والموسيقى دي حرام بالأدلة الشرعية وباتفاق المذاهب الأربعة،
يعني لو واحد صوته حلو وبيقول كلام حلو بدون أي موسيقى أو مؤثرات صوتية أو همهمات فدي حلال ومفهاش أي مشكلة ودي اسمها أناشيد إسلامية،
واضح الكلام لحد كده😁
=🤔🤔🤔🤔
-إيه المشكلة، أنا بقول برده هي ساكتة ليه😅
=لأ معلش ماهو في شيوخ قالوا إنها حلال يعني وقالوا إن الموسيقى غذاء الروح ومادام الواحد بيصلى ويؤدي حقوق ربنا عليه إيه المشكلة يعني لما الواحد يروّح عن قلبه بشوية أغاني يعني😒
-انتِ متناقضة يا بنتي😳
هو انتِ مش من الأول قلتيلي إنك نفسك تبطلي الأغاني😳
=هو مش تناقض بس انتِ عارفة الواحد جوّاه حاجة بتقوله أيوا الأغاني حرام ولازم نبطل نسمعها وفي نفس الوقت الكلام إللي بسمعه وإن في شيوخ بتقول إنها حلال وكده والدين يسر بقى وانتِ عارفة😚
-ااااااه الدين يوووووسر ...يا حبيبتي🙆♂️
يا حبيبتي انتِ لما تلاقي حاجة كده في قلبك بتقولك إن الصح كذا والغلط كذا فانتِ تحمدي ربنا وتشكري فضله إنه إداكي الصفة دي لأنه كما قيل:
"إِذَا أَرَادَ اللَّهُ تَعَالَى بِعَبْدٍ خَيْرًا ، جَعَلَ لَهُ وَاعِظًا مِنْ قَلْبِهِ يَأْمُرُهُ وَيَنْهَاهُ ".
فانتِ بقى عشان بتبقي عايزة تعملي إللي على مزاجك إللي هو غلط أو حرام وانتِ من جواكي عارفة كده كويس فبتدوري على أي حد يقولك إنه حلال😈
إللي هو حطها في رقبة عالم واطلع سالم😀
وناسية إن ربنا مُطلع على قلبك وعارف إللي جواكي إيه ولو خدعتي الناس كووولها مش هتعرفي تخدعي ربنا 👌
أمّال الجنة حُفت بالمكاره والنار حُفت بالشهوات ليه،
ماهو عشان يبان الصادق من الكاذب يا حبيبتي ،
ويبان إللي فعلا بيقدم رضا ربنا على هواه 💁♂️
انتِ مفكرة الجنة رخيصة وإن أي حد هيدخلها؟
لا طبعا ربنا بيقولك:
"تِلْكَ ٱلْجَنَّةُ ٱلَّتِى نُورِثُ مِنْ عِبَادِنَا مَن كَانَ تَقِيًّا"
التّقي هو اللي بيخاف من ربنا،
انتِ بقى بإتباعك لأخطاء العلماء أو سماعك للشيوخ إللي انتِ عارفة إنهم متساهلين في الفتوى أو هيدوكي الفتوى إللي انتِ عايزاها؛ انتِ كده حققتي معنى التقوى؟😬
= أحرجتيني قصاد نفسي بصراحة بكلامك ده😔
الموضوع فعلا قبل ما يكون حلال وحرام فهو علاقة قلبي بربنا،
وهل أنا صادقة مع ربنا وعايزة أعمل إللي يرضيه ولّا لأ حتى لو كان عكس إللي أنا عايزاه😔
-☺☺
=انتِ بتبصيلي كده ليه😳😳
-مش فاكرة لما قلتلك أحسن حاجة فيكِ إنك بتقبلي بالحق على طول حتى لو انتِ بتعملي الغلط ومش بتتكبّري على الحق 😊
=أه فاكرة طبعا لأني لما عرفت إن الصفة دي فيّ فرحت أوي وتمسكت بيها ومش هسيبها أبدا إن شاء الله🙈
بصي خلاص أنا خدت قرار حالا إني مش هسمع الأغاني تاني بس قوليلي خطوات أعملها عشان تساعدني أبعد عنها💪🏻
-أول حاجة هي إنك تدعي ربنا إنه يبعدك عنها لأنك مهما عملتي، من غير ما تستعيني بربنا واعتمدتي على نفسك بس مش هتعرفي، لازم ربنا يساعدك ويعينك💁♂️
◇تاني حاجة متسكتيش لما تلاقي حد مشغل أغاني جنبك في أي مكان،
لازم تكلميه وتدعي الناس إنهم يتركوا سماع الأغاني عشان ربنا يرضى عنهم وإن القرآن أفضل،
لأن من أسباب الثبات على الصح إنك تنصحي غيرك وتدعيه للصح ده💪🏻
ولو معرفتيش تدعيهم يبقى تسيبي المكان إللي فيه الأغاني دي، حاولي باللي تقدري عليه متكونيش في المكان إللي فيه الأغاني،
وكمان شغلي القرآن جنبك أو اقرإيه أو اسمعي درس
ودايما فكري نفسك إن احنا جايين الدنيا عشان نعبد ربنا مش عشان نعصيه👌
وإذا كان عالرقص يا ستي شغلي أناشيد وارقصي مع نفسك يجوز يجوز🤭
انا عارفة إنك بتموتي في الرقص😅
=لازم تحرجيني يعني🙈
طيب بقولك إيه بالنسبة للدعاء أنا عايزة أعرف إزاي ادعي ربنا من قلبي و....
-بااااس🤚🤚طريقك زراعي يا قلبي المرة الجاية إن شاء الله نتكلم أحسن أنا اللي أتأخرت المرة دي🙆♂️
ومش فاضيالك 😬
=ماشي ياستي مرة من نفسك 😄
مع السلامة👋
#Eman_Shalapy
