#خفقة_قلب
الجزء الثامن والعشرون
#بين_الآباء_والأبناء
=أنا نفسي أعرف إنتي بتختفي فين😳
-طب سلمي طيب الأول😄😄
=هو إنتي تستاهلي سلام أصلا😤
-أستاهل ولا مستاهلش... إنتي بتقولي السلام لله😉
وإلقاء السلام سنة 😚
=حيث كده بأى يبأى لازم نسلم 😁
سلام عليكم ياستي😊
-وعليكم السلام ورحمة الله وبركاته ☺
عاملة إيه بأى😁
=سيبك من عاملة إيه ومسوية إيه قوليلي بسرعة أعمل إيه مع الست جارتنا أحسن بقيت أتهرب منها عشان مش عارفة أفيدها بحاجة😭😭
-إيه ده هي المشكلة دي لسه متحلتش 🤨
=يعني هي هتتحل لوحدها مثلا 😑
-طيب قوليلي إيه المشكلة طيب🤔
=بصي... الست بتقولي إن بنتها مش بتسمع كلامها وبتزعق فيها ،
ومش عاجبها أي حاجة وبتتعصب عليها ،
من الآخر مزهقاها جدا،
بتقعد تعيط وتقولي:
بنتي إللي مكنتش بنام وأفضل سهرانة جنبها وهي صغيرة لو كحت شوية،
بنتي إللي بتمنى إنها اكون أحسن واحدة في الدنيا،
بنتي إللي بقدم مصلحتها على أي حاجة حتى لو كان على حساب نفسي،
في الآخر وبعد كل ده تزعق وتتعصب عليّ😔
يعني هي دي آخرة تعبي وجزائي😭😭
-إيه يابنتي بتعيطي للست سلف😑
=أصل إنتي مشفتهاش وهي بتتكلم قطعت قلبي😭😭
-ميصعبش عليكي غالي ياحبيبتي🙄
=أنا حاسة إن قلبك قاسي ولا أنا بيتهيأ لي🤔
أنا مرضتش أقول معندكيش دم عشان متزعليش😂😂
-ده على أساس إنك مقلتيهاش دلوأتي مثلا😏
المهم ما علينا ..الموضوع مش كده،
إنتي سمعتي من الست جارتكم صح،
هل سمعتي من بنتها وتبين لك إن فعلا الأم هي إللي مظلومة عشان تتعاطفي معاها كده😒
=لا بأى ماهي الأم مش هتكذب يعني وتفتري على بنتها😳
-ياستي وأنا مقلتش كده،
لكن مفكرتيش كده إن في إحتمال إن الأم بتفرض على بنتها حاجات بالغصب من غير ما تقعد معاها وتتكلم معاها والبنت مش عايزة،
فعشان كده البنت بتتمرد أو بتزعق؟
مفكرتيش إن البنت حاولت تتقرب من مامتها وتحكيلها على خصوصيتها،
وبعدين لقت جارتهم أم حسين وخالتها وعمتها وأمة لا إله إلا الله عارفة أسرارها ،
فبقت تعصب وتتخانق وصوتها يعلى،
مفكرتيش إن البنت ممكن تكون شايفة إهتمام زيادة بإخواتها بحجة إنهم صغيرين مثلا وهي خلاص كبرت ومبآش في أي اهتمام بيها،
مفكرتيش إن البنت ممكن تكون غلطت غلطات بسيطة فيتعلق لها حبل المشنقة ،
مع إن إخواتها ممكن يعملوا كوارث ويعدوا لهم عادي،
ده حتى لو كانت سيئة وفكرت تتغير أول حد ممكن يقف في وشها هي أمها،
بتقعد تفكرها بأخطائها كل شوية لحد ما يجيلها إحباط،
وممكن تتحول للأسوأ،
مفكرتيش إن الأم ممكن في الرايحة والجاية عمالة تقول لبنتها نفس الكلام إللي بتقولهولك ده،
بس بيوصل لبنتها إن أمها بتمِن عليها،
وده بيقفل البنت من ناحية أمها،
مفكرتيش.....
