نجمة هاربة

PART 5

كانوا جالسون على مائدة الطعام

أروي: انت مش ناوي تنزل شغلك ولا ايه ياقصي واضح القعدة عاجباك

سيلان: دانت عمرك ماعملتها وقعدت يومين على بعض ولا هي نجمة تعمل اكتر من كدا

قصي: انا لسه مكلمهم الصبح وعرفتهم اني نازل بكره خلاص

أروي: اوه ياحرام مين هيقعد مع نجمة

فريال: اومال احنا فين ،متخافش ياقصي احنا معاها

ابتسم لها قصي ونظر لنجمة الجالسة امامه التي ارتبكت فور نظرته لها

حمزة: انتو معملتوش شهر عسل اصلا عشان تنزل شغلك ،ماتعملو وتاخدوني انا وسيلا معاكو ينبكوا ثواب

قصي: مش هينفع اسيب الشركة اكتر من كدا اليومين دول

الاب: لا يابني المفروض تفسح عروستك من ساعه ماجت هنا مخرجتش برا غير الجنينه ينفع كدا يعني

غمز قصي لنجمة: ايه رايك

تلعثمت وبدأ وجهها في الاحمرار فانقذتها بانسيه: لو عايزين حته برا مصر انا هفيدكو

أروي بضيق: اه الاستاذه المرشدة هتساعدكو

قصي: هشوف الشركة ونقرر انا ونجمة سوا ثم نظر للطفلة الحزينة بجانبه: بس انا لو هروح في اي حته هاخدي لولي قلبي معايا

ليان قفذت عليه تقبله من خديه وظل يداعبها

أحبت نجمة علاقته مع ابنة اخته فكانت تراه اب رائع لهذه الطفله المتعلقة به اكثر من امها

خرجت من شرودها وهم يقومون لغسل يديهم وهناك فقالت لها الام: معلش يانجمة شيلي الاكل

:حاضر، واسرعت تحمل الاطباق الي المطبخ

كانت واقفه وجدت من يلتصق بها من الخلف ويهمس في اذنها وقد كادت انفاسه ان تملئ صدرها

:مقولتليش ايه رايك؟ وبدأ ف وضع يده حولها

تسمرت مكانها ولم تنطق فاقترب اكثر حتي لم يصبح بين اجسادهم اية مسافة ولامست شفتاه أذنها

:أفهم من كدا انك موافقه

في نفس اللحظة دخلت أروي للمطبخ ثم افتعلت اندهاشها وقالت بغيظ :مينفعش كدا فيه اطفال افرضو حد دخل عليكو كدا

التفت قصي في دهشه ونجمة لم تدري ماذا تفعل وجدت نفسها تبكي من الاحراج وقد احمر وجهها

قصي: ايه يااروي مش تعملي اي صوت ولا بتتسحبي

:عيب اوي على فكرة بتسحب دي انا ماشية عادي انتو اللي ف عالم تاني

:خلاص كملي انتي بما انك جيتي المطبخ شوفي كنتي هتعملي واحنا طالعين فوق

واخذ كف نجمة وخرج

ظلت تنظر لهم بغيظ

نجمة بصوت ضعيف: سيب ايدي