⭐️✨بارت صغير وبكرة بارت كبير😅😅
ممكن رأيكم في الأحداث؟ أنا بكتب هواية بس اكيد التشجيع هيخليني اكتب اسرع واكتر❤️
__
استيقظت صباحاً لتجد نفسها نائمة جانبه على الفراش، تذكرت ما حدث مساءاً
وضعت يدها على رأسها علها تستطيع محو هذه الكلمات التي شقت قلبها، مسحت وجهها ثم توجهت للحمام
خرجت لتجده مازال مستلقي، ليست عادته دائما ما يستيقظ قبلها، فتح عيناه لينظر لها ثم اغمض عينيه وتنهد قائلاً: صباح الخير
ردت: صباح النور
ما زال مغمض عينيه: عندك اي حد تروحي تقعدي عنده كام يوم؟
تجمدت من كلماته التي تهينيها فلا تمتلك غيره في هذا العالم
قالت بحزن متماسك: هروح بيتنا
قصي ببرود: مع أبوكي؟
قالت وهي تتوجه لباب الغرفة :أيوة
وجدت الباب مغلق فنظرت له وهو مازال على وضعه كما هو: ممكن تفتح؟
وقف ببطئ وهو يأخذ يدها ويحاول التحرك
رفضت التحرك، نظر لها نظرة أرهبتها، أتخاف منه؟
تحركت معه فجلس وهو يمسك يدها ليجليها
:بصي يا نجمة انتي كبيرة واكيد عارفة عايزة ايه وايه اللي عايزه تبعدي عنه، لو فاكرة اني حابسك وطالما اتجوزنا خلاص مش هتعرفي تبعدي فأنا بقولك لا ومش هوديكي لأبوكي شوفي اي مكان عايزة تقعدي فيه وهحميكي منه بس العيشة دي مش هتنفع انا بظلمك معايا وعمري ماكنت أناني، مش هعرف امسك ايدك في طريق انا اصلا تايه فيه
نجمة بدموع صامتة: مش فاهمه
تنهد: تحبي نتطلق؟
اجابت سريعاً: لا ،ثم نظرت للاسفل: بس لو أنت عا..
لم يتركها تكمل ولكن ترك الاجابة على شفتيها
ظل قريباً من وجهها وتكلم وهو ينظر في عينيها: أنا بحبك بس بضغطهم واسلوبهم هيخلوني اتحول لشخص يأذي اللي حواليه وانتي آخر حد عايز أذيه
وضعت يدها على وجهه بحنان :عمو حسن بيحبك وفريال وحمزة وبانسيه دول مش كفاية يخلوك تفضل الشخص الانت بيه دلوقتي؟
ثم بعدت نظرها عن عينيه واكملت :وحاتم كمان انا عارفة انه بيحبك بس اكيد فيه حاجة مضيقا اليومين دول حتي انت قولت اسلوبه متغير، وطنط اكيد بتحبك بس..
قاطعها: بس ايه؟
نظرت بقيلة حيلة وهي تحسس وجهه بحب: اعتبرني انا مامتك
كتم ضحكاته والحزن بداخله وابتسم لها
:هتروحي للدكتورة النهاردة ولا ايه؟ انا ورايا مشوار كدا
رن هاتفه فلم يجيب
نجمة: اه هروح، مش هترد؟ اكيد قلقان عليك
قصي: وعرفتي منين بقا انه حمزة؟
ضحكت :هو اكتر واحد بيقلق عليك
:بس هو مش قلقان على فكرة انا رايح اقابله تعالي يلا هوصلك واجي اخدك لما اخلص
__
حمزة وهو يحتضن قصي بمرح: ممكن اطلب منك حاجة قبل مانت تطلب
ضحك قصي: قول مهو لازم مصلحة
حمزة وهو يترجاه في مشهد درامي: ممكن مهما حصل في البيت ال**** دا تطلعني انا برا الحوارات ونفضل زي ماحنا؟
احتضنه قصي مرة اخري وهو يحمد الله على وجوده
جلسوا في احد المطاعم
قصي: عايز افهم كان فيه ايه في الوصية قلب حاتم عليا
حمزة: ممكن أبوك مزود ميراثك مثلاً؟ دا اللي توصلتله لما فكرت
قصي بتركيز: طب وانت مضايقتش ليه؟
حمزة وهو يهز كتفيه ثم اكمل بمرح: انت عايزني اضايق بالعافيه؟
قصي: طب وابوك يعمل كدا ليه؟
حمزة :انا عندي فكرة تفهمنا كل دا بس لو قولتها تنفذها قولت ايه؟
ظل قصي ينظر له مفكراً وهو لا يحسم قراره أيريد حقاً ان يعرف ما بداخلهم من أسرار ام أن يدير ظهره لكل هذا وينساه!
رد قصي بتأكيد: قول
أنت تقرأ
نجمة هاربة
Romance"سنسير في كل هذا السراب تائهين إالي أن نصل لذاك الحارس في النهاية لنسترق منه الإجابات التي حيرتنا في كل لحظات حياتنا"
