جنه احلامى

الفصل الرابع

*****الفصل الرابع******

فى كلية الشرطه عند مروان

حسام:مروان انت هتروح ولا إيه
مروان:لاء هروح أجيب جنا ولو لحقت هاجيب ملك ليه عاوز حاجه
حسام:لاء مفيش كنت فاكرك فاضى كنت هتخرج معانا
مروان:لاء ياعم انت عارف أنا مبحبش الخروجات
حسام:تمام يابرو عايز حاجه
مروان:سلام
مروان أخد تاكسى وراح عند جنا
جنا خارجه مع ميرنا
جنا:إيه ده مروان أهو أول مره تيجى يعنى مروان:مفيش خلصت بدرى قولت أعدى أخدك هى ملك هتخرج إمتى
جنا:تلاقيها هتخرج دلوقتى
مروان:طب تعالى نروحلها
ميرنا:طب سلام بقا ياجنا
مروان:لاء تعالى ياميرنا هنوصلك فى طريقنا
ميرنا:احم لاء علشان معطلكوش
مروان:متقوليش كده انتى زى جنا وملك يلا
ميرنابابتسامه:ميرسى
وركبوا تاكسى ومشيوا
ملك:مش عارفه جنا هتيجى النهارده ولالاء
ميرا بضحكه:يارب لوهى هتيجى عمر ميجيش
ملك بضحكه:أه قصدك علشان إمبارح
ميرا:أها
وصل مروان وجنا بعد ان وصلوا ميرنا إلى بيتها
ملك:زيادة الخير خيرين مش جنا بس الى جت مروان كمان جه
جنا:وهى جايه عليهم خلصتى ياملك
ملك:أه خلصت
جنا:بتبص لميرا معرفتش اتعرف عليكى امبارح علشان البنى أدم قليل الذوق بتاع امبارح
ملك:احم جنا ده يبقا أخوها
ميرا بضحكه:ههههه أنا متاكده انها هتعمل كده أنا ميرا
مروان:شاف ضحكتها قلبه دق جامد معرفش يفسر ليه
جنا:بس انتى شكلك عسل أوى أخوكى كان سم سورى يعنى
ميرا:لاء والله هوقلبه طيب بس مبيحبش حد يقف قصاده
جنا بغيظ:بنى ادم رخم وكملت بابتسامه بس والنبى انتى عسل
مروان:احم مش يلا بقا ولا إيه
ملك:هههه معلش يامارو نسيناك
مروان بغيظ:ياشيخه طب يلا يابت قدامى
ملك:طب سلام بقا ياميرا اقابلك بكره
مروان:احم لو أستاذه ميرا تسمح نوصلها عادى
ميرابخجل:لاء شكرا السواق ممكن يجى
مروان:خلاص على راحتك يلا يابنات ومشيوا
ميرا:يلهوووى أنا كان قلبى هيقف ليه اجمدى ياميرا انتى مش بتاعة الحاجات دى

فى شركه نصار

عمر:كان خلص شغل وزياد دخل عليه
زياد:ايه يابرنس مش هنخرج ولا إيه
عمر:لاء ياعم أنا بفضى دماغى اليومين دول للبت دى
زياد:ياعمر بلاش البنت دى شكلها بنت حلال بلاش تعمل معاها كده
عمر وهو بياخد نفس من سيجارته:لاء كلهم زى بعض بقرشيين ممكن تجبهم تحت رجليك
زياد:عمرمتخليش الماضى يعميك ويخليك مش شايف قدامك الحلو من الوحش
عمر بعصبيه:زياد أخرج منها انت ملكش دعوه
زياد:ماشى ياصاحبى أنا ماشى
عمر بالامبالاه:ماشى وبص فى الفراغ ونفخ الدخان وهو شارد

فى اليوم التالى

استيقظت چنا فى نشاط وقضت روتينها اليومى وذهبت لتقابل ميرنا
چنا: إيه يابنتى التأخير ده كله
ميرنا:والله ياجنا مانمتش من امبارح
جنا:ليه ده كله
ميرنا:نفسى اتقبل فى شغل النهارده
جنا:ان شاء الله هنتقبل متخفيش بس يلا نروح المحاضرات الأول
فى شركه نصار
عمر:ها يازياد عملت إيه فى الموظفين الجداد
زياد:لسه ياعمر مستنيين لأخر الأسبوع هنشوف المناسب
عمر:تمام
زياد:أنا رايح أشوف شغلى
عمر: ماشى

فى كلية الهندسه

ميرا:بقولك ياملك هو انتى بتحبى كريم
ملك:اممم انتى عرفتى منين
ميرا: مفيش أصل كل شويه أشوفك بتكلميه
ملك بحزن:كريم ده أنا بحبه بقالى سنه كل شويه يقولى بحبك بس مبيعملش أى خطوة كل لما أقوله اتقدملى يقولى مش وقته ياملك مش عارفه أخرتها ايه بس أنا بحبه أوى ياميرا
ميرا:هوانتى متاكده أن هو بيحبك
ملك:مش عارفه ياميرا عارفه أنا عمرى ماأقولت لحد الحكايه دى غيرك
ميرا:أنصحك اتاكدى الاول من حبه ياملك متوقعيش نفسك فى حكايه إنتى مش قدها
ملك بتنهيده:إن شاء الله ياميرا

فى كلية الشرطه

مروان قاعد شارد فى الى قلبه دقلها من أول نظره وخطفت قلبه مش عارف ده مجرد إعجاب ولا حب من أول نظره
فاق من شروده على صوت حسام زميله بيتكلم
حسام:إيه يابنى بتحب جديد ولا إيه
مروان:ها بتقول حاجه ياحسام
حسام: لاء انت مش معايا خالص المهم جاى أقولك يلا علشان فى تدريب الكابتن عايزنا
مروان:طيب روح وانا جاى وراك
حسام:ماشى

عند جنا وميرنا

ميرنا:يلا ياجنا والنبى أصل أنا ماصدقت نخلص
جنا: يابنتى إن شاء الله خير يلا
فى شركه نصار
عمر نازل يشرف على الموظفين وهو طالع ركب المصعد بس قبل لما يقفل فتح بنتين ودخلوا
عمر بصدمه لنفسه:إيه الى جابها هنا دى وبخبث بس كده اللعب احلو أوى
جنا بتبص وراها لانها مكنتش خدت بالها من الى معاهم فى المصعد
جنا بصدمه:انت
جنا بعصبيه:انت جاى هنا ورايا ياحيوان ليه
عمرببرود:وانا أجى وراكى ليه يابتاعه انتى
جنا بنرفزه:أنا بتاعه ياعديم الذوق
ميرنا بصوت منخفض:خلاص ياجنا احنا مش جايين نناسبوا
جنا بصتلوا بقرف :ماشى والمصعد فتح
وهما خارجين وقفوا علشان ورق ميرنا وقع
وبعدها دخلوا للسكرتيره وقالولها أنهم جايين للوظيفه واستأذنت منهم وبعد كده خرجت ودخلتهم وكانت الصدمه بالنسبه لجنا وميرنا
عمر بابتسامة خبث:نورتى ياقطه

يتبع

لو لقيت تفاااااعل خنزل فصل كمان بليل اما اشوف بقا

دمتم بخير💜